FEATURES

Inihayag ng SM Foundation Inc. na gaganapin sa October 22, 2022 ang pagpapakilala sa SM scholar graduates.

Sa panayam ng DWIZ, sinabi ni SMFI Executive Director for Education Programs Ms. Linda Atayde na ito ay para bigyang papuri ang pagsisikap at sakripisyo ng mga estudyante na nakapagtapos ng pag-aaral sa kolehiyo.

So every year mayroon kaming annual celebration ng mga graduates na nakapagtapos na sa iba’t ibang eskuwelahan…nationwide ‘yan. Pine-present naming sila sa SM sa mga various benefactors…saka kasama ‘yung mga magulang nila sa event na ‘yan para makapagpasalamat sa mga benefactor ng personal. Ito ‘yung last phase ng scholarship nila…ito ‘yung presentation of graduates.

Ibinahagi naman ni Dr. Teresita Pastor Medado, pangulo ng Asia Pacific College o APC ang partisipasyon nito bilang partner school ng SMFI sa pagpapalago at pagtuturo sa mga mag-aaral.

Palagay ko ang pinaka-partisipasyon ng Asia Pacific College hindi lang sa pagpapalago…mabigyan sila ng pagkakataon na magkaroon ng trabaho na mahirap makamtan actually ibang klase ang mga trabaho nila ngayon. Palagay ko naman nakatulong din kami sa foundation parang kumbaga lagi nila kami tinatanong kung paano pa naming mapapaganda ang mga programa. Nagpapasalamat kami sa SM Foundation…kung hindi dahil sa kanila ‘yung lahat ng 216 na ito ay hindi makaka-graduate, ‘yun ang totoo

Ang pahayag nina SMFI Executive Director for Education Programs Ms. Linda Atayde at Dr. Teresita Pastor Medado, pangulo ng Asia Pacific College, sa panayam ng DWIZ

Taos pusong nagpapasalamat ang ilang SM Scholar Graduates sa SM Foundation Inc. sa pagsuporta nito sa kanilang pag-aaral sa kolehiyo.

Sa panayan ng DWIZ, sinabi ni Ms. Clowie Diane Castillo, Magna Cum Laude sa kursong BS Accountancy sa Cavite State University na hindi niya inakala na isa siya sa mga magiging maswerteng scholar ng SM.

Kaugnay nito ay ikinuwento niya ang kaniyang karanasan at sakripisyo sa pag-aaral.

Sa academic part po talaga , dumating  pa ang pandemic, nagkaroon ng parang breakdowns, nagdoubt sa sarili ganoon syempre pero kailangan magtapos,kahit na gaano pa kahirap ang pinagdadaanan natin, sa family, sa academics, ganoon po. So ayun po nagpursige lang talaga na makapagtapos, para maging proud po sa akin ang family ko, maiahon ko po sila sa hirap ganon po”. sabi ni Clowie

Sinabi naman ni Ms. Leryelle Adiao, Cum Laude sa kursong BS Computer Science sa Asia Pacific College na dahil sa kagustuhan niyang makatulong sa kaniyang magulang ay sinubukan niyang mag-apply sa SM Scholarship Program.

As a student po, iyong number 1 po kasi na problem is financial sobrang laking ginawa din po iyong dulot ng SM foundation sa akin,and then iyong  dagdag pa po dito sa pandemic is iyong stress nga po na dulot ng pandemics, kasi gaya po noong nagpandemic, iyong batch po naming iyong parang puro mjajor subjects iyong tinbatake naming during pandemic,kaya ayun po medyo nagkasabay sabay po ang problems, sa financials, pagsubmit ng projects at deadlines at iyong emotional at m,ental na dulot nga po ng pandemic”. sabi ni Leryelle

Ang tinig nina SMFI Scholars Ms. Clowie Diane Castillo at Ms. Leryelle Adiao, sa panayam ng DWIZ

Nakatanggap ng Tourism Resilience Award at Outstanding Community Service Award ang Citystate Asturias Palawan Hotel mula sa City Government ng Puerto Princesa sa ginanap na tourism gala and awards night.

Pinangunahan ito ng Tourism Department noong September 28, 2022 sa Aziza Hotel, Puerto Princesa City, Palawan.

Ang naturang parangal ay pagkilala sa pagsisikap ng hotel bilang isang tourism enterprise at para sa patuloy na pagpapamalas ng kanilang serbisyo sa gitna ng mga hamon sa mga nakalipas na taon.

Maliban sa dalawang parangal, nakatanggap din ang Citystate Asturias ng 3 certificates of recognition para sa kontribusyon nuong kasagsagan ng krisis sa COVID-19 pandemic.

Binigyang pagkilala rin ng recognition ang paglahok ng Citystate Asturias sa food pantry project, kontribusyon sa tabang food drive, at bilang quarantine facility nuong pandemya.

Samantala, sa ngalan ng Citystate Asturias Palawan Hotel, tinanggap ni Angelica C. Duran, Human Resources Officer, ang mga parangal at pagkilala sa naganap na gala and awards night.

Ang Citystate Asturias Palawan Hotel ay miyembro ng ALC Group of companies na itinatag ni late ambassador antonio l. Cabangon chua, at kasalukuyang pinamumunuan ng chairman na si  D. Edgard A. Cabangon.

Namahagi si San Juan Mayor Francis Zamora ng P3,000 pisong cash at health kits sa mga guro sa lungsod bilang pagdiriwang ng World Teachers’ Day.

Nakinabang sa nasabing benepisyong ikinasa ni Zamora ang 636 na guro at iba pang school personnel mula sa 13 public schools sa San Juan.

Sa programang ginanap sa San Juan Gym, binigyan din ng libreng flu vaccines ang mga public school teachers at health kits na kinabibilangan ng dalawang galon ng alcohol, face mask, spray bottle, oximeter, vitamin C, infrared forehead thermometer at nasal spray.

Sinamahan din ni Zamora ang mga nasabing guro sa isang pananghalian na aniya’y maliit na paraan ng pasasalamat sa mga guro na nagsasakripisyo para lamang makapagbigay ng de kalidad na edukasyon sa mga kabataan ng San Juan.

Tiniyak ni Zamora na patuloy silang magbibigay sa mga guro ng mga kinakailangang gamit para maging madali sa kanila ang pagtuturo na aniya’y pinabigat ng pandemya.

Kasabay nito, ipinabatid ni Zamora na sa susunod na buwan, lahat ng mga silid aralan sa public schools sa lungsod ay lalagyan ng 55 inch Smart TV na mayruong WiFi at fiber optic internet connection na siya ring ipinakabit nila sa halos 7,000 bahay ng estudyante sa pampublikong paaralan.

August 22 nang sumailalim na sa 100% face to face classes ang lahat ng public schools sa San Juan dahil sa mataas na vaccination rate kung saan nasa halos 266% na ang naka kumpleto ng primary doses at mahigit 100% naman ng target population ang naturukan na ng first booster.—sa ulat ni Allen Ibañez (DWIZ Patrol)

Mahigit 500 piraso ng ecstasy tablets ang nasabat ng mga tauhan ng Bureau of Customs (BOC) sa Parañaque City.

Ayon sa BOC, tinatayang aabot sa mahigit 858,500 pesos ang halaga ng ilegal na droga.

Galing umano ang package na idineklarang “beads in a bottle” sa The Netherlands.

Naaresto naman ang kumuha ng package na hindi pa nagbibigay ng pahayag.

Bahagyang lumakas ang palitan ng piso kontra dolyar sa P58.87.

Mabilis nakabawi ang piso kontra US dollar matapos sumadsad sa mahigit P59 noong nakaraang araw.

Matatandaang mabilis din ang naging pagbulusok ng palitan ng piso noong buwan ng Setyembre dahilan kaya naging matumal ang palitan ng dolyar.

Samantala, narito pa ang iba pang halaga ng palitan ng piso:

• Japan Yen = 0.40 pesos
• UK Pound = 66.6 pesos
• Hongkong Dollar = 7.5 pesos
• China Yuan = 8.26 pesos
• Saudi Riyal =  15.66 pesos
• at UAE Dirham = 16.03 pesos 

—sa panulat ni Jenn Patrolla

Nagwakas ang maliligayang araw ng isang dating pulis na wanted sa mga kasong robbery matapos masakote ng mga elemento ng National Capital Region Police Office (NCRPO) sa  Coliseo De Manila, Vistas St., Tondo, Maynila.

Kinilala ni NCRPO Acting Regional Director PBGen. Jonnel Estomo ang naaresto na si Eduardo Salamat Jr., 46 taong gulang.

Ayon kina NCRPO Spokesperson PLCol. Dexter Versola at Public Information Office Chief PMaj. Anthony Alising, si Salamat ay nadakip ng pinagsanib na pwersa ng Raxabago Police Station ng Manila Police Distrit (MPD), Regional Special Operations Group-Regional Intelligence Division (RSOG-RID) sa bisa na rin ng warrant of arrest na inisyu laban dito ni Judge Thelma Bunyi-Medina ng Manila Regional Trial Court Branch 32 para sa kasong robbery.

Si Salamat ay Top 2 Most Wanted Person sa listahan ng NCRPO.

Batay sa rekord, noong Pebrero 24,2013 ay hinoldap ni Salamat ang mga biktimang sina Fernando Alberta at Joseph Alindang kung saan sinasabing natangay mula sa kanila ang tinatayang P30,000 na cash.

Tinugaygayan din si Salamat ng mga dati niyang kabaro dahil sa sinasabing pagkakasangkot nito sa ilang illegal activities tulad ng illegal gambling at nagsisilbi pang escort ng mga delivery trucks ng mga Chinese businessmen.

Nabatid din kina Versola at Alising na gumamit ang mga operatiba ng RSOG-RID ng Alternative Recording Devices (ARD) o body cams sa nasabing operasyon.

Agad na pinuri ni Estomo sina PCol. Romano Cardiño at RSOG-RID Chief LtCol. Wilfredo Valerio Sy at ang mga operatiba sa  pagkakaaresto nila kay Salamat upang mapanatili aniya ang katahimikan at kaayusan sa komunidad.

Bahagi aniya ito ng S.A.F.E. Program ng NCRPO na layong supilin ang mga gumagalang kriminal sa kanilang nasasakupan.

Patuloy po ang ating mga kapulisan sa paglulunsad ng mga operasyon kontra sa mga most wanted persons kaya hinihikayat na rin natin ang iba pang akusado na sumuko ng payapa sa awtoridad upang masagot ang mga kasong inihain laban sa kanila,” pahayag ni Estomo.

Nagsanib-pwersa ang Robinsons Bank Corporation (Rbank) ng Gokongwei Group at Bank of the Philippine Islands (BPI) ng Ayala Group para makapaghatid ng mas magandang serbisyo sa mga customer nito.

Sa inilabas na anunsyo ng 2 commercial bank kahapon, September 30, paiigtingin nito ang overall banking experience, products and services ng corporate and retail clients sa 190 branches ng Rbank, 393 ATMs at online and mobile banking channels katuwang ang BPI na may 1, 181 branches at 2, 398 ATMs.

Ipagpapatuloy naman ng Rbank ang operasyon at dedikasyon nito sa mga kliyente habang hinihintay ng 2 kompanya ang ilang regulatory approvals para sa legal merger.

Samantala, patuloy na magbibigay ng abiso ang Rbank sa official website nito na robinsonsbank.com.ph kaugnay sa mga pagpapapubuti ng sistema ng banko.

Palalakasin pa ng Eternal Chapels Cabuyao ang operasyon nito.

Kasunod na rin ito nang pagdiriwang ng Eternal Chapels Cabuyao ng ikalawang anibersaryo nito nuong Miyerkules, September 28.

Isang misa ang nagsilbing hudyat nang pagdiriwang bilang pasasalamat sa anibersaryo ng Eternal Chapels Cabuyao na dinaluhan ng officers at staff ng Eternal Gardens at Eternal Chapels gayundin ng barangay at local officials ng Cabuyao, Laguna.

Kabilang sa mga nakiisa sa pagdiriwang ng Second Anniversary ng Eternal Chapel Cabuyao sina Eternal Gardens Cabuyao branch Manager Alexander Atienza, President and COO Numeriano B. Rodrin, Barangay Mamatid SK chairman Raul Lapaz, Jr., Barangay Mamatid chairman Jervis R. Himpisao, Eternal Gardens Executive officer Dannica Nicole A. Cabangon, Finance Manager Rose Donor, Assistant PR Manager Ivee Johnson, Eternal Chapels Assistant Vice President for Operations Angelito D. Twaño, and Eternal Gardens MIS Manager Geoffrey C. Coberos.

Gayundin sina Rose Manimtim, Helen de Leon, Gladys Bautisma, mga kinatawan ng Barangay Marinig; Barangay Casile Chairman Paulino C. de Leon, Barangay Diezmo Chairman Nolasco A. Manimtim, Barangay Poblacion Uno chairman Raul S. Ramos at Barangay Counselors Baltazar Rodrigez at Michael Juliano.

Kabilang sa mga serbisyong alok ng Eternal Chapel na matatagpuan sa loob ng Eternal Gardens Cabuyao sa Barangay Mamatid ay kumpletong mortuary at chapel services bukod pa sa maayos nitong family rooms, mayruong 24 hour security, libreng Wi-Fi at malawak na parking space.

Ang Eternal Chapels sa ilalim ng Eternal Gardens ay isa sa mga bumubuo sa ALC Group of Companies na pinangangasiwaan ni D. Edgard Cabangon.