FEATURES

Inilunsad ng isang telecommunications company o telco ang isang bagong broadband category para sa komunidad: ang TMBayan Fiber WiFi.

Ito’y upang magkaroon ng access ang bawat Pinoy sa mabilis at maaasahang internet connection at magsisilbing karagdagang paraan ng Globe upang kumita ang mga sari-sari stores at iba pang establisimiyento na magsisilbing connectivity hub.

Nabatid na sa pamamagitan ng TMBayan Fiber WiFi ay malayo ang mararating ng mababang halaga kung saan sa halagang P20, may access na sa reliable internet sa loob ng 12 oras.

Sinasabing bahagi ito ng pangako ng telco na makapaghatid ng mga produktong pangkomunikasyon gaya ng fiber na labis na kailangan sa mga panahon ngayon.

Maliban dito, sinusuportahan din ng serbisyong ito ang hangarin ng pamahalaan na palaganapin ang internet access sa Pilipinas lalo na sa masa.

Iba’t ibang plataporma ang ginagamit ng Globe gaya ng mobile data, home WiFi, at prepaid fiber WiFi, para matugunan ang layuning ito.

“Para matugunan ang tinatawag na digital divide sa bansa, ginagawan ng Globe ng paraan na ma-access ng lahat ang mabilis na fiber internet. Hindi sapat ang pag-aalok ng mga abot-kayang promo at mataas na GB allocation. Ang TMBayan Fiber WiFi ay idinisenyo para maging pinaka-accessible na Fiber plan sa merkado ngayon. Madali nang makararanas ng first world internet ang mas maraming Pilipino para sa pag-aaral, raket, video streaming, online gaming at mga bonding moments kasama ang mga kaibigan at pamilya para sa GV na kailangan nila araw-araw,” pahayag ni Globe At Home Brand Management Head Janis Legaspi-Racpan.

Ayon kay Legaspi-Racpan: “Pinagsasama-sama ng TMBayan Fiber WiFi ang network strength ng Globe at accessibility ng TM para maihatid ang fiber-strong brand of connectivity ng Globe sa mas maraming Pilipino. Layon namin na magkaroon ng mga TMBayan sa buong bansa, para ang lahat ay maka-access ng maaasahang internet connection, ” dagdag niya.

Ang maganda aniya rito sa TMBayan Fiber WiFi, maaaring maging WiFi hotspots na may unlimited at affordable connectivity ang mga sari-sari store, town plaza, community center at iba pang lugar kung saan ang karamihan ay nagtitipon-tipon.

Isa pa, pagkakataon din ito para palakasin ng mga sari-sari-store ang kanilang mga negosyo habang nagsisilbing paboritong tambayan ng komunidad.

Kasabay nito, nangako rin ang telco na magbibigay ito ng #1stWorldNetwork sa mga Pinoy kaya naglaan ang kompanya ng P89 bilyon sa pagpapalawak at pagpapahusay ng network ngayong taon.

Nagdaragdag din ito ng mga fiber asset at cell sites, nag-a-upgrade ng mga tower sa 4G/LTE, at naglulunsad ng teknolohiyang 5G.

Bisitahin ang website ng Globe para sa karagdagang kaalaman tungkol sa TMBayan Fiber WiFi.

Na-iturn over na ng SM Foundation Incorporated at Uniqclo at Parent Company nitong Fast Retailing Company Limited ang mga Barangay Community Health Centers sa Bicol Region na sanib puwersa nilang isinailalim sa rehabilitasyon.

Hindi na nagdalawang isip ang SMFI at Uniqclo para isulong ang pag upgrade o pagsasaayos ng community health centers sa Bicol na prone o madalas apektado ng bagyo dahilan nang hindi maiiwasang danyos at sira lalo na sa mga health centers na sadyang hindi na ligtas para gamitin ng publiko.

Kabilang sa magkatuwang na isinailalim sa rehabilitasyon ng SMFI at Uniqclo ang Angas Barangay Health Center sa Basud, Camarines Norte, Cararayan Barangay Health Center sa Naga City at San Isidro Barangay Health Center sa Baao, kapwa sa Camarines Sur.

Tiniyak ng SMFI at Uniqclo hindi lamang ang pagpapaganda ng kalidad ng mga pasilidad sa pisikal na anyo nito kundi magkaruon din ito ng mga kinakailangang basic medical equipment, mga gamit at mga appliance.

Bukod dito, opisyal ding inilunsad ng SMFI at Uniqclo ang pagsasama ng emergency go kit plue sa mga naturang health centers bilang paghahanda na rin sa anumang kalamidad at emergency situations.

Binigyang diin ni SMFI Executive Director for Medical Programs Connie Angeles ang napakahalagang papel ng health facilities para makaagapay sa mga kalamidad dahil sa pagtulong nilang gumamot ng mga sugatan at maging ang pagtugon sa outbreak ng mga sakit.

Sinabi pa ni Angeles na sa pamamagitan nang pagtutulungan ng SMFI at Uniqclo ay mababawasan ang exposure ng mga nasabing komunidad sa mga hindi magagandang sitwasyon dulot ng mga kalamidad dahil sa mga matatag na medical infrastructures na kumpleto sa mga basic equipment.

Kabilang sa mga isinagawang improvement sa mga tinukoy na health centers ang patients’ waiting lounge, reception area, consultation room, pre-natal and treatment room, meeting room with pantry, mobile play cabinet para sa mga bata, under 5 clinic, breastfeeding room at medicine storage cabinets.

Nasa mahigit 170 health and wellness centers na ang nai-upgrade ng SMFI sa pamamagitan ng health and medical programs nito at tinatayang nasa 1.2 milyong pasyente na ang nakinabang sa mga medical missions nito.

Nakuha ng Intramuros sa Maynila ang titulong Asia’s Leading Tourist Attraction sa World Travel Awards 2022.

Naganap ito sa Ho Chi Minh City, Vietnam noong Miyerkules.

Naungusan ng bansa ang iba pang destinasyon tulad ng Angkor Temple sa Cambodia; TAJ Mahal sa India; The Great Wall, the Forbidden City at Terracotta Warriors sa China; at Tokyo Imperial Palace sa Japan.

Maliban dito, itinanghal din ang Pilipinas bilang Asia’s Leading Dive Destination at Asia’s Leading Beach Destination.

Pang-6 na beses na itong pagkilala sa bansa para sa dive destination at pang-4 na taon para sa beach destination.

Lubos naman ang pasasalamat ni Tourism Secretary Christina Garcia Frasco sa mga award at tiniyak ang pagpapanatili nito sa ilalim ng administrasyong Marcos.

Ang world travel awards ay isang London-Based competition na itinuturing na ‘oscars’ sa industriya ng paglalakbay.

Na-iturn over na sa Eternal Chapels Mortuary and Chapel Services ang management at operation ng Green Hills Memorial Chapel sa Plaza Divisoria sa Cagayan De Oro City.

Sa isinagawang seremonya, binigyang diin ni Jose Antonio Rivera, Vice President for Sales and Marketing ng Eternal Chapels na itinuturing nang landmark ang Green Hills Memorial Chapel at Memorial Care Institution sa bahagi ng Divisoria sa mahigit 50 taon na.

Nais aniya nilang matiyak na magtutuluy-tuloy ang tradisyon ng memorial care sa lugar kung saan mismo nagsimula at gumawa ng legacy ang Green Hills Memorial Chapel.

Tiniyak naman ni Eternal Chapels President Numeriano Rodrin sa mga kliyente ng Green Hills Memorial Chapels nang pinaigting na serbisyo at pinaayos na mga pasilidad sa ilalim ng bagong management.

Bilang provider ng kumpletong mortuary at chapel services, binuksan ng Eternal Chapels ang unang sangay nito nuong 2017 sa Eternal Gardens Greenhills sa Barangay Bulua, Cagayan De Oro City at mula nito ay naitayo na rin ang dalawa pang sangay nito at patuloy pa ang konstruksyon ng ikatlong sangay nito sa Balagtas, Batangas City.

Ang Eternal Chapels ay bahagi ng Eternal Memorial Group kasama ang mga sister company nitong Eternal Gardens, Eternal Crematory Corporation at Eternal Plans na bahagi ng mas malaking grupo na ALC Group of Companies na itinatag ng yumaong dating Ambassador Antonio Cabangon Chua at pinamumunuan ngayon ng Chairman nitong si D. Edgard Cabangon.

Inihayag ng Department of Social Welfare and Development (DSWD) Region 3 na nagsimula silang maging partner ng SM Foundation Incorporated para sa Kabalikat sa Kabuhayan (KSK) on Sustainable Agriculture program noong 2012.

Sa panayam ng DWIZ, sinabi ni DSWD Region 3, Private and Government Sector Officer for Sustainable Livehood program, Mr. Ferdinand Jorge Canlas na malaki ang naitulong ng nasabing programa sa mga benepisyaryo nito sa Region 3.

Actually po, napakalaking tulong po ng SM Foundation sa mga beneficiaries, lalong-lalo na po ‘yung mga 4Ps beneficiaries natin, at kahit hindi 4Ps, basta poorest of the poor, may interest sa farming, qualified po sila. So, napakalaking bagay po ang partnership ng SM Foundation kay DSWD.

Sinabi naman ni Casuga Integrated Farm School President Ms. Cherrylin Casuga na isa silang TESDA accredited school kung saan layon nilang i-promote ang agricultural training, person development, at food security sa pamamagitan na rin ng partnership sa SM foundation.

 So, ‘yung partnership namin nagsimula noon at first po namin is 100 farmer beneficiaries po kaagad. Ito po ay first time namin ginawa at sa awa po ng Diyos and of course sa guidance ng SM Foundation and also ng mga kasama namin sa programa ang mga government agencies, ito ay nabigyan ng value kasi dito nagkaroon kami ng platform na gawin namin ang aming mission na i-incorporate ‘yung technology, ‘yung entrepreneurship sa agriculture and then ‘yung aming NC II.

Samantala, sinabi naman ni Department of Trade and Industry-Tarlac, Business Development Division chief Ms. Zaida Garibay na nagkaroon sila ng mga aktibidad kaugnay sa KSK program ng SMFI kung saan naging pagkakataon ito para maging entrepreneur ang kanilang mga magsasaka sa naturang lugar.

Doon po sa Victoria, Tarlac po kami nagkaroon ng mga activities. At maganda po na naging partner po namin sila, mga farmers po ‘yung kanilang mga ina-assist. Para po sa amin, pagkakataon po namin ito na gawin namang entrepreneur ‘yung mga farmers po na ‘yon. alam niyo naman po na ang DTI, ang mandato niya is on enterprise development, dahil alam po natin na talagang kapag itong sektor ng mga tinatawag na micro, small, and medium enterprises ay mapapalakas po natin ay mas gaganda po ang ating…so, sinasamantala po namin po ‘yung mga ganitong partnership po, para ‘yun pong mga farmer na ina-assist ng SM Foundation ay magiging potential entrepreneurs na rin po ito.

Ang pahayag nina DSWD Region 3, Private and Government Sector Officer for Sustainable Livehood program, Mr. Ferdinand Jorge Canlas, Casuga integrated farm school president Ms. Cherrylin Casuga at Department of Trade and Industry-Tarlac, business development division chief Ms. Zaida Garibay, sa panayam ng DWIZ

Layunin ng Kabalikat sa Kabuhayan on Sustainable Agriculture program na mai-angat ang antas ng pamumuhay ng mga magsasaka.

Sa panayam ng DWIZ, sinabi ni SM Foundation Incorporated, Outreach Program Assistant Vice President Ms. Cristie Angeles na gumawa sila ng programa para umpisahan ang tinatawag na “field school” noong 2007.

Noong 2007 kasi wala pang field school masyado, ‘yung bang literal na under the mango tree. Kasi kailangan po namin silang tulungan i-angat ‘yung  technology by introducing the high-value crops. Kasi ‘yung mga panahon na ‘yon nag-uumpisa nang lumiit ang mga lupa ng mga lehitimong magsasaka. Kasi ho diba, nahahati na nang nahahati ang mga lupain nila dahil ‘yung minana nilang lupa noon, mana-mana na po, paliit na nang paliit. So, to help also, tinignan po namin na ‘yung programang ito kung papaano pa siya mas every year mas mai-innovate para mas makapag-produce ng mas maraming gulay, mas kumita ang mga farmer sa mas kokonting halaga. Technology transfer po.

Sinabi naman ni SMFI Outreach Program Project Supervisor Ms. Shiem Bahoy na nakikipag-ugnayan sila sa kanilang partner agency para sa pagpili ng mga magiging karapat-dapat na benepisyaryo.

We really coordinate with our partners. Nagkakaroon tayo ng meetings with our partner agencies and kami naman po sa SM foundation, we really talk with our partners para makuha natin ‘yung mga tamang farmer na makakapag-join po sa atin. And sinisigurado po natin na lahat ng goals na dapat ma-achieve natin for our program is makuha natin, like si SM Foundation nakikipag-meeting with the partners like DSWD, DTI, TESDA, DA.

Ang magkasunod na pahayag nina SM Foundation Incorporated, Outreach program Assistant Vice President Ms. Cristie Angeles at   project supervisor Ms. Shiem Bahoy, sa panayam ng DWIZ

Inihayag SM Foundation Incorporated na layunin ng Kabalikat Sa Kabuhayan (KSK) program na ma-iangat ang buhay ng mga Pilipino sa mahihirap na komunidad sa pamamagitan ng pagpapabuti ng mga produktong pang-agrikultura, makabagong teknolohiya, at farm-market linkage.

Bago pa man maging global concern ang food security, kinilala na ni SM Founder Henry Sy Sr. Ang mga magsasaka bilang nanatiling most underserved sector ng lipunan.

Dahil dito, inilunsad ng SM Foundation ang Farmer’s Training Program bilang bahagi ng KSK kung saan nasa 28, 500 magsasaka ang nakinabang mula sa 900 na lungsod o bayan sa buong bansa.

Layon ng nasabing programa na makapagbahagi ng kaalaman sa mga maliliit na magsasaka upang matulungang maging self-sufficient at mapataas ang kanilang produksyon sa agrikultura.

Sa katunayan, ilan sa mga nasabing magsasaka ay seasonal supplier ng SM, habang karamihan sa mga ito ay benepisyaryo ng programa na kumikita na sa pamamagitan ng pagbebenta sa mga pamilihan.

Samantala, naglunsad ang SM Foundation ng KSK Farmer’s Market Day, na layong magbigay sa mga KSK Farmer ng libreng venue at assistance sa sm malls na kung saan maaari nilang ibenta ang kanilang mga produkto.

Sa ngayon, mahigit apatnapung SM Malls na ang may KSK Farmer’s Market Day.

Ang naturang inisyatiba ay sa pakikipagtulungan ng sm foundation sa Department of Social Welfare and Development (DSWD), Department of Trade and Industry (DTI), TESDA, City Agriculture Office, at SM Supermalls.

Maaari namang suportahan ang mga lokal na magsasaka sa pamamagitan ng SM Foundation sa Facebook, Twitter, Instagram at Youtube para malaman ang mga schedule ng KSK Farmer’s Market Day sa mga SM Mall.

Para sa mga Kare-Kare lovers diyan!

Napasama sa best-rated stews ng taste atlas ang pinagmamalaking Kare-Kare ng Pilipinas.

Umakyat ito sa ika-52 pwesto mula sa ika-53, sa 100 best-rated stews sa buong mundo.

Ang Kare-Kare ay may sangkap na peanut butter, karne, gulay na inihahain na may kasamang bagoong.

Ilan pa sa mga putaheng napabilang sa Taste Atlas ay ang Kare mula sa Japan, Keema ng India, Phanaeng, Curry ng Thailand, Ghormeh Sabzi ng Iran, at Hünkar Begendi ng Istanbul.