FEATURES

Nakatakdang magsagawa ng 1st National Conference on Social Development and Sustainability ang SM Foundation Incorporated at University of the Philippines- Los Baños – College of Human Ecology (CHE) sa November 24 at 25, 2022.
Sa panayam ng DWIZ, sinabi ni assistant professor Ron Jay Dangcalan ng UPLB-CHE, na layunin nitong makita ang siyensya na nakatuon sa social technology for institution building, sustainable livelihoods and enterprise development, climate change adaptation and disaster risk management, at social and public health.
Nilinaw rin ni professor Dangcalan na ginagawa nila ang naturang conference sa public o face-to-face, pero dahil sa pandemya ay isa sa naging hamon ang pag-oorganisa nito online.
Kaugnay nito, ipinaliwanag naman ni UPLB-CHE associate professor Maria Emilinda Mendoza ang kahalagahan ng conference na gaganapin sa November 24 at 25.

Iba’t ibang programa ang iniaalok ng SM Foundation Incorporated upang makatulong sa mamamayang Pilipino.
Kabilang na rito ang proyekto para sa edukasyon tulad ng scholarship at school building programs, ang sustainable agriculture na naglalayong tulungan ang mga magsasaka at ang health and wellness programs.
Sa panayam ng DWIZ, binigyang-diin ni SMFI Assistant Vice President, for Corporate Affairs and Sustainability Victor Persius Chan na mayroon silang programang tinatawag na “collaboration for social good” kung saan ay nakikipag-ugnayan o partnership sila sa iba’t ibang institusyon.
Layunin nito aniya na mapayabong o mapabuti pa ang mga proyekto o social good sa bansa.
Kaugnay nito, katuwang ng SMFI sa programa ang University of the Philippines-Los Baños College of Human Ecology (CHE).
Ipinabatid naman ni UP-Los Baños, Department of Social Development Services – College of Human Ecology (CHE), assistant professor Dr. Rita Mae Ang-Bon na isang magandang oportunidad na nakasama nito ang SMFI sa isang partnership program na naglalayong isulong ang social development and sustainability.

Pagpapaganda ng buhay ng mga Pilipino.
Ito ayon sa SMFI o SM Foundation Incorporated ang pangunahing layunin ng kanilang #collabforsocialgoodinitiative sa pamamagitan ng mga magagandang programa sa edukasyon, health and wellness, sustainable agriculture at disaster response.
Naging susi ang nasabing hakbangin para makipag-partner ang SMFI sa iba’t ibang sangay sa gobyerno at mga pribadong grupo para maabot ang mas marami pang Pilipino mula sa grassroot communities.
:NCSDS (National Conference on Social Development and Sustainability)
Sa pamamagitan nang pagsuporta sa NCSDS o National Conference on Social Development and Sustainability, layon ng SMFI na makipag-sanib-puwersa sa UPLB sa ilalim ng collab for social good program—na mapag-isa ang mga pangunahing stakeholders sa buong bansa para tutukan ang mga pinakamagagaling na hakbangin kaugnay sa social development at social good innovations na nakasandig sa collaboration at partnerships.
Layunin ng nasabing event na maisulong ang practical strategies, makabuo ng mga magagaling na solusyon at mai-promote ang innovative social technologies bilang tugon sa mga hamon ng kahirapan at hindi pagkakapantay.
:SM Prime x UPLB: Scholarship Grant for Sustainability Related Courses:
Bukas ang scholarship program tig-limang estudyante ng UPLB mula sa college of human ecology at college of forestry and natural resources na kapwa naka-focus sa development ng ecologically stable communities, environment resource utilization and management na kahalintulad ng sustainability at isa sa mga itinuturing na major pillars ng SM Prime.
:SMFI x UPLB beta sigma x UPLB:
>> Battle Royale IX collab for social good:
Itinampok sa battle royale MMA event ang siyam na laban at 18 atleta mula sa iba’t ibang lugar at weight classes mula sa Metro Manila, Calabarzon at Region 2.
Ang anumang nakuhang kita mula sa nasabing event ay ginugol sa taunang charity na tinaguriang “operation big brother”na naglalayong pasayahin ang less privileged children partikular ang mga street children sa Los Baños, Laguna.
Nakapagpamahagi rin ang SMFI at UP sa stranded 1,200 dormitory residents sa loob ng UPLB dahil sa ECQ nuong 2020 ng relief packs na naglalaman ng mga pangunahing pangangailangan tulad ng pagkain, toiletries at iba pang hygienic supplies.
:Support for UPLB and Los Baños frontliners:
Bilang paninindigan sa commitment na maipalaganap ang social good, tagumpay ang SM foundation incorporated katuwang ang UNIQCLO Philippines sa pag-abot sa frontliners ng University of the Philippines-Los Baños sa huling quarter ng 2021.
Sa tulong ng UPLB College of Human Ecology at UP Beta Sigma Fraternity, nakapagbigay ang SMFI ng 500 UNIQCLO dry T-shirts at 2,000 disposable masks sa UPLB professors, frontliners at UPLB medical team.
Ang nasabing social good collaboration ay kasabay na rin nang pagpapagaan sa COVID-19 restrictions kabilang ang go signal para sa limited face-to-face classes.
Bukod dito, ang naturang hakbangin ay nagdala ng kasiyahan sa mga matatapang na frontliners sa academe na patuloy ang pag-aalay ng kanilang buhay para labanan ang mga hamong dala ng COVID-19 pandemic.
:Support for marginalized mothers
Katuwang naman ang Watsons at Nivea, nakapagbigay ang SMFI ng Nivea creams sa mga kababaihan at mga nanay mula sa grassroot communities sa Los Baños, kung saan ka-partner din ang UPLB sigma beta.
:Collab for social good: SMFI and up system
Dahil sa kanilang partnership sa UNIQCLO Philippines, ang SM Foundation Incorporated ay nakapagpamahagi ng UNIQCLO airism facemasks at t-shirts sa frontlines sa UP Diliman at UP Baguio sa pamamagitan nang pakikipag-isa sa UP beta sigma fraternity bukod pa sa COVID-19 PPEs at medical equipment para sa PGH.
Samantala, nakiisa rin ang SMFI sa ST e-talks kung saan ibinahagi nito ang pinakamagagaling na paraan sa pamamagitan ng impact communications at development communications sa mga estudyante, sa academe at social development practitioners. 

Ang DSDS o Department of Social Development Services ay isa sa academic units sa ilalim ng College of Human Ecology sa UP Los Baños na sumasakop sa implementasyon ng instruction, research at public service programs na mahalaga sa development at pagpapalakas ng HOSI’s o Human Organization and Social Institutions.
Kabilang sa mga kursong nasa ilalim ng DSDS ang Bachelor of Science in Human Ecology major in social technology na nagbibigay ng premium sa active participants ng HOSI’s sa pag organize, mobilize at pangangasiwa ng human at environmental resources tungo sa social development at sustainability.
Taglay ng mga nagsipagtapos ng BSHE major in social technology ang social tools at techniques para epektibong maikasa ang value oriented human environment interactions na nakatuon sa social organizations at institutions bilang strategy para ma empower ang mga komunidad.
Ang SDMP o Social Development and Management program ng DSDS ay naka-focus sa apat na areas na kinabibilangan ng STIB o Social Technologies for Institution Building, CDRM o Climate Change and Disaster Risk Management, CPSS o Consumer Protection Stakeholders Satisfaction at SLED o Sustainable Livelihood and Enterprise Development.
Ang STIB o Social Technologies for Institution Building ay naglalayong i-develop o pagyabungin ang kapasidad ng HOSI’s tungo sa self-reliance at sustainability sa pamamagitan nang paggamit ng social technologies.
Kabilang sa research at public services sa ilalim nito ang community profiling at pangangailangan ng assessment, community organizing, training design and management, capacity building, organization development and management at formulation ng social development at management plans.
Ang CDRM o Climate Change and Disaster Risk Management naman ay naka-focus sa pagpapalakas sa HOSI’s sa pagtugon sa disaster risk management, climate change adaptation,social determinants of health sa pamamagitan nang pagtutok sa complexity ng mga disaster gamit ang participatory approaches sa pagbuo ng mga solusyon katuwang ang stakeholders tungo sa resilient at healthy communities.
Kabilang sa mga proyekto ang participatory community capacity and vulnerability assessment, youth ecological camps, mainstreaming sa drrm sa planning, capacity enhancement sa pagsasagawa ng DRRM at CCA studies.
Ikatlong focus area ang CPSS o Consumer Protection Stakeholders Satisfaction na makakatulong para ayusin ang organizational o institutional processes upang mapaganda ang performance at service delivery ng HOSI’s sa stakeholders.
Bahagi ng research at public service initiatives ng CPSS ang pag-institutionalize sa consumer protection centers sa piling Local Government Units, pagpo-promote ng consumer education at stakeholders satisfaction studies.
Ang ikaapat ay SLED o Sustainable Livelihood and Enterprise Development na nakatutok sa design at management ng mga programa ng HOSI’s na nasa social enterprises.
Kabilang sa research at public services initiatives ay capacity development ng partner state universities and colleges sa pagpapatupad ng community based enterprise, community participation sa development ng sustainable livelihood at sustainability studies ng social enterprises.
Iniaalok din ng DSDS para sa apat na focus areas ng SDMP ang SIA o Social Impact Assessments at STAMP o Social Technologies Technical Assistance and Mentoring Program.
Ang mga ito ng foundational sub-themes ng NCSDC 2022 o first National Conference on Social Development and Sustainability na isinusulong ng DSDS at partners nito.
Layon ng NCSDC 2022 na mapag-isa ang civil society, practioners, policy makers, researchers, academia at experts sa isang pagtitipon kung saan maibabahagi ang practical strategies, creative solutions at innovative technologies para tutukan ang mga hamon ng kahirapan at hindi pagkakapantay pantay.
bibigyang-diin sa NCSDS 2022 ang talakayan sa research at practices sa social and community innovations na resulta ng collaboration o pagsasanib-puwersa ng mga HOSI’s tungo sa social development at sustainability.
Kabilang sa plenary speakers sa NCSDS 2022 na gaganapin sa November 24, 25 via zoom sina Dr. Liza Dacanay ng Institute for Social Entrepreneurship in Asia, professor Ernesto Garilao ng Zuellig family foundation at Dr. Renzo Guinto ng sunway centre for planetary health.
Sa mga interesadong lumahok sa NCSDS 2022, maaaring mag sign at mag-imbita sa pamamagitan ng registration link na http://bit.ly/ncsds2022 at uubrang mag-email sa sdconference.secretariat@gmail.com para sa mga dagdag na katanungan.

Anim na katao ang namatay matapos ang sunog na naganap sa isang residential area sa Barangay Dagat-Dagatan, Navotas City ngayong araw.

Kinilala ang isang pamilya na nasawi na sina Donsito Boiser, 41 y/o; Reynosa Muscoso, 41 y/o; arriana Boiser, 3 y/o; Reinna Boiser, 2 y/o; Nathalia Boiser, 14 y/o; at Raymond Boiser, 10 y/o.

Batay sa imbestigasyon ng mga otoridad, nagsimula ang sunog kaninang alas-5:21 ng umaga sa Block 25 Lot 88 Dalag Street Corner Tanigue sa nasabing barangay.

Umabot ang sunog sa unang alarma na agad namang naapula dakong alas-5:54.

Samantala, inaalam pa ng mga otoridad ang dahilan ng naturang sunog at ang halaga ng mga ari-ariang natupok. —sa ulat ni Beth Samson (Metro Patrol – CAMANAVA)

Inaasahang lolobo pa sa 20,000 hanggang 30,000 katao ang bibisita sa Pasig City Cemetery ngayong araw.

Nagpaalala naman ang pamunuan ng sementeryo na bawal na ang pagdadala ng mga panglinis para sa mga puntod at ipinagbabawal rin ang matutulis na bagay at pagdala ng alak.

Maliban dito, hindi maaaring magtinda at mag-iwan ng mga basura sa loob ng naturang sementeryo.

Samantala, bukas naman ito mula ala-6 ng umaga hanggang alas-11 ng gabi bukas, November 2.

Bagama’t pinapayagang makapasok kahit unvaccinated ang mga indibidwal sa sementeryo, mahigpit ang panuntunan nila sa pagsusuot ng face mask habang nasa loob.

Halos 46,000 katao na ang bumisita sa mga sementeryo sa Quezon City ngayong Undas.

Batay sa monitoring ng Quezon City Police District, nagsimulang dumagsa kahapon ang mga bumibisita sa mga pampubliko at pribadong sementeryo, maging ang ilang kolumbaryo sa lungsod.

Bukod sa mga libingan, tinututukan din ng QCPD ang seguridad sa mga transport terminal gaya sa Araneta at Cubao bus terminals. —mula sa panulat ni Jenn Patrolla