FEATURES

Patay ang dating kadete ng Philippine Merchant Marine Academy (PMMA) matapos paputukan ng baril ang mga humahabol sa kanyang otoridad sa Quezon City.

Nabaril din ang isang miyembro ng SWAT team na kasama sa mga tumugis sa suspek na si Martin Luther Nuniez.

Naganap ang engkuwentro sa pagitan ni Nuniez at QC Police at SWAT sa isang subdivision sa Barangay 177 sa CALOOCAN CITY.

Ayon sa mga otoridad, bago ang engkuwentro ay nagpaputok ng baril si Nuniez sa Barangay Pasong Putik dahil hinahanap umano nito ang taong nambasag sa salamin ng kotse ng ina.

Hinabol ng mga otoridad ang suspek hanggang makarating sa bahay nito sa Caloocan at sinubukan umano itong padapain subalit nagpaputok pa ng kanyang Glock 45 kaya’t gumanti ng putok ang mga otoridad na ikinasawi ng suspek.

Nasawi ang SWAT member na si Police Corporal Noel Ugano matapos tamaan ng putok sa kasagsagan ng engkuwentro.

Malaki ang gampanin ng buwitre sa ating ecosystem dahil ito’y itinuturing na “scavenger” o naglilinis ng mga patay o bangkay ng mga tira-tirang hayop sa kapaligiran na maaring maglaman ng mapanganib na microbes at sari-saring sakit at para maiwasan ang disease outbreaks.

Madalas manirahan ang mga buwitre sa disyerto, o damuhan na malapit sa tubig. At sa 22 vultures species, 14 na uri nito ang nanganganib na ma-extinct o tuluyan nang mawala at ang pinaka-malaking banta sa buhay ng mga ito ay ang pagkalason. Mabilis bumaba ang populasyon ng Vultures o buwitre sa kontinente ng Africa at sa Southeast Asia dahil sa lason at ginagamit ang parte ng kanilang katawan sa traditional medicinal purposes ng mga witch doctor.

Kilala man na bantay-salakay o oportunistang hayop ang mga buwitre, mayroon pa rin silang mahalagang gampanin sa ating kapaligiran. Isa ang vulture sa mga endangered species at pinakamabilis maubos na uri ng ibon sa buong mundo.—mula sa panulat ni Angelo Baiño

Aarangkada na ngayong hapon ang mga aktibidad para sa pagdiriwang ng Ibagiw Festival 2022 sa Baguio City.

Ito na ang ika-limang taong pagdiriwang ng Ibagiw Festival sa Baguio City matapos mapabilang sa UNESCO list ng World Creative Cities ang siyudad.

Alas-kwatro ngayong araw sisimulan ang programa sa pamamagitan ng ‘madmad’ o native invocation na susundan ng lighting the flame of creativity dakong alas-singko ng hapon.

Kahapon, November 6 ay napuno ang session road ng iba’t ibang expression ng sining at kulturang cordillera sa pamamagitan ng creative Sundays.

Sari-saring mga booth at stall ang nasaksihan kung saan ipinapakita ang mga gawang Cordillera gaya ng mga hinabing produkto, metal craft, wood craft at visual arts.

Hindi rin nawala ang mga putahe at pagkaing gawa sa rehiyon bukod pa sa pagkakaruon ng mga ethnic performances ng mga local artist sa Ibagiw stage na itinayo sa session road.

Ang mga art exhibit naman ay nasa Calderon street, habang mayroon ding Ibagiw strip sa Assumption road.

Itinakda naman sa ngayong araw, November 12 ang pormal na pagbubukas ng seremonya kaugnay sa Ibagiw 2022 na may temang “Locally Creative, Globally Competitive.”

Samantala, ang creative sundays ang magaganap sa lahat ng araw ng Linggo ng buong buwan ng nobyembre kung saan inaasahang madaragdagan pa ang grupo ng artists, craftsmen at artisans na makikilahok sa Ibagiw Festival para maipagmalaki ang kanilang mga gawa.

Kasado na ang mga Special Privilege na ipagkakaloob ng PhilHealth para sa mga miyembro, employer at healthcare facilities mula sa mga lugar na nasa ilalim ng State of Calamity dahil sa bagyong Paeng.

Kasunod na rin ito nang panawagan ng Pangulong Ferdinand Bongbong Marcos, Jr. na tulungan ang mga naapektuhan ng bagyo partikular sa mga lugar na idineklara niyang nasa State of Calamity tulad ng mga rehiyon ng CALABARZON, Bicol, Western Visayas at BARMM.

Ipinabatid ng PhilHealth na ang Special Privileges ay ibinibigay para matiyak na tuluy-tuloy ang paggamit ng mga benepisyo at makatanggap din ng tulong mula sa ahensya ang mga pasilidad para maiayos din ang kanilang health care system na sinira ng bagyo.

Ayon pa sa PhilHealth, maaari ring magamit ang benepisyo ng mga apektadong miyembro kahit ubos na ang kanilang 45 day benefit limit at kung ma-admit sa ospital ng walang isang araw o 24 oras bukod pa sa exemption a Single Period of Confinement Policy.

Bahagi pa ng Special Privileges ang pagpapalawig sa deadline nang pagbabayad ng kontribusyon ng self-paying member at employer, pagsusumite ng claim documents ng mga naapektuhang health care facilities hanggang 120 days at pagbabayad para sa referring at receiving health care institutions maging sa pagsusumite ng mga report.

Inihayag pa ng PhilHealth na pinalawig din ng ahensya ang validity ng accreditation ng mga pasilidad at pagsusumite ng application para sa accreditation ng PhilHealth na tiniyak din ang reimbursement sa mga claims na nasira dahil sa bagyo.

Para makuha ang Special Privileges, ang mga apektadong health care providers ay kailangang magsumite ng Letter of Request sa PhilHealth Regional Office na nakakasakop sa kanilang pasilidad.

Nakumpleto na ng Eternal Gardens ang pagbili ng iba’t ibang property sa Barangay Patag, Opo, Misamis Oriental kung saan itatayo ang ika-12 Memorial Park ng nasabing kumpanya.

Kasunod na rin ito nang idinaos na contract signing sa Cagayan De Oro City na sinaksihan nina Eternal Gardens Vice President for Sales and Marketing Jose Antonio Rivera, Vice President for Finance Marvin C. Timbol, Cagayan De Oro Branch Manager Amor Leodones, Property Owners Atty. Rosemil Robles Bañaga and Macario Bañaga; Sharon Tan, Eternal Gardens Chairman and Chief Executive Officer D. Edgard A. Cabangon, Property Owners Ricarido King, Rosalinda King, Roselle King, Marife Mag-Away, Luis Mag-Away, Aris Simene at Joel Simene.

Taong 2014 nang makuha ng Eternal Gardens ang ownership at management ng Greenhills Memorial Park sa Barangay Buluan, Cagayan De Oro City at siyang kauna-unahang memorial park ng kumpanya sa Mindanao.

Dahil sa nakitang demand para sa mas marami pang memorial park sa Misamis Oriental, nagpasya ang Eternal Gardens na mag develop ng isang memorial park sa bayan ng Opol na maituturing na excellent memorial care products and services na tanging ang kilalang memorial park developer lamang ang makakagawa para mas paglapitin ang mga Pilipino sa Mindanao.

Simula 1976, ang Eternal Gardens ay nakapag develop na ng 11 parks na matatagpuan sa mga pangunahing lungsod sa bansa at ito ay bahagi ng Eternal Memorial Group na kinabibilangan ng Eternal Chapels, Eternal Crematory Corporation at Eternal Plans gayundin ng mas malaki pang organisasyon, ang ALC Group of Companies na itinatag ni yumaong dating Ambassador Antonio Cabangon Chua at pinangangasiwaan ngayon ng Chairman nitong si D. Edgard Cabangon.

Nilimitahan ng lokal na pamahalaan, ang biyahe ng mga “QCity bus” sa ilang ruta sa Quezon City.

Pansamantalang limitado ang biyahe sa route 1 o ang biyahe mula sa City Hall hanggang Cubao; route 2 o ang biyahe mula City Hall hanggang Litex; at ang route 7 o biyahe mula City Hall hanggang C5 Ortigas Ave. Extension.

Hindi naman idinetalye ng Quezon City government ang dahilan kung bakit nilimitahan ang biyahe ng “QCity bus” sa mga nabanggit na lugar pero magiging regular naman ang operasyon sa ibang mga ruta.

Bubuhayin ng 2022 Hybrid National Trade Fair ang Festive Holiday Shopping Season habang naghahanda ang mga Pilipino sa itinuturing nilang favorite time of the year.

Kasunod na rin ito nang ikinakasang 2022 Hybrid National Trade Fair ng Department of Trade and Industry-Bureau of Domestic Trade Promotion (DTI-BDTP) na magaganap sa November 16 hanggang 20 sa SM Megamall.

Katuwang ng DTI-BDTP sa 5 araw na event na ito na may temang “GO GREEN! GO LOCAL” ang regional operations group ng nasabing ahensya, design center of the Philippines at national bamboo industry cluster.

Ang naturang event ay patuloy na suporta para sa sustainability at inclusivity sa pamamagitan nang pagpapakita nng green, sustainable at eco-friendly products gayundin ang artisanal at heritage crafts mula sa labing anim na rehiyon ng bansa na masusing pinili para ipakita ang mayabong na indigenous products at raw materials, handcrafted and handwoven products, furniture at home decor na gawa mula sa sustainable materials, unique at eco friently packaging materials gayundin ang health at wellness products.

Ayon kay BDTP Director Marievic Bonoan, itatampok din sa nasabing trade fair ang iba’t ibang uri ng fresh produce, processed food and beverages at native delicacies na u ubrang ipang regalo lalo na ngayong kapaskuhan.

Ang nasabing event aniya ay mangyayari rin online o sa e commerce platforms tulad ng lazada.

Maaaring i check ang social media accounts ng DTI BDTP sa facebook, instagram at twitter gayundin sa kanilang twitter account para sa iba pang mga detalye ng 2022 hybrid national trade fair.

photo credits: DHANIA LAMSIS/Ibagiw Festival 2022

Umarangkada na ang mga aktibidad para sa pagdiriwang ng Ibagiw Festival 2022 sa Baguio City.

Ito na ang ika-5 taong pagdiriwang ng Ibagiw Festival sa Baguio City matapos mapabilang sa UNESCO list ng World Creative Cities ang syudad.

Kahapon, November 6 ay napuno ang session road ng iba’t ibang expression ng sining at kulturang Cordillera sa pamamagitan ng Creative Sundays.

Sari-saring mga booth at stall ang nasaksihan kung saan ipinapakita ang mga gawang Cordillera gaya ng mga hinabing produkto, metal craft, wood craft at visual arts.

Hindi rin nawala ang mga putahe at pagkaing gawa sa rehiyon bukod pa sa pagkakaruon ng mga ethnic performances ng mga local artist sa Ibagiw stage na itinayo sa Session Road.

Ang mga art exhibit naman ay nasa Calderon Street, habang mayroon ding Ibagiw Strip sa Assumption Road.

Itinakda naman sa Sabado, November 12 ang pormal na pagbubukas ng seremonya kaugnay sa Ibagiw 2022 na may temang “Locally Creative, Globally Competitive.”

Samantala, ang Creative Sundays ang magaganap sa lahat ng araw ng Linggo ng buong buwan ng Nobyembre kung saan inaasahang madaragdagan pa ang grupo ng artists, craftsmen at artisans na makikilahok sa Ibagiw Festival para maipagmalaki ang kanilang mga gawa.

Nasamsam ang hinihinalang high-grade marijuana o kush na nagkakahalaga ng 925,000 pesos, sa isang lalaking sa Parañaque City.

Ito’y matapos isagawa ang controlled delivery ng PDEA Central Luzon, Bureau of Customes Port of Clark, PDEA-NCR, at PNP sa brgy. Don Bosco kung saan nasabat ang ilegal na droga at naaresto ang 25-anyos na suspek.

Ayon sa PDEA, dumating ang package sa port of clark noong Oktubre 24 mula sa California.

Natuklasang may lamang ilegal na gamot ang package nang sumailalim sa X-ray at K9 inspeksyon.

Maliban sa nakumpiskang 588 gramo ng dami ng kush kasama rin sa package ang 45 vape catridge na may lamang marijuana.

Nahaharap ang mga suspek sa kasong paglabag sa section 4 ng Republic Act 9165 o importation of dangerous drugs.—mula sa panulat ni Maize Aliño-Dayundayon