FEATURES

Tinanghal si Quezon City Mayor Joy Belmonte bilang top performing local chief executive sa Metro Manila ng RP Nation and Development Foundation Incorporated.

Nakalikom si Belmonte ng overall job performance rating na 90%.

Nito lamang nakaraan ay tumanggap naman ang alkalde ng Seal of Good Local Governance mula sa Department of the Interior and Local Government.

Samantala, ang iba pang top performing mayors sa National Capital Region ay sina Along Malapitan ng Caloocan na nakakuha ng 78%, Jeannie Sandoval ng Malabon na may 74%, Vico Sotto ng Pasig City na may 72% at John Rey Tiangco ng Navotas na may 70%. —sa panulat ni Hannah Oledan

Handang patayuan ng Manila local government unit ng barangay hall ang mga barangay sa lungsod na wala pang punong tanggapan.

Inamin ni Manila City Mayor Honey Lacuna na isang malaking problema sa kanilang siyudad ang kawalan ng barangay hall sa ilang mga barangay sa Sta. Mesa, Manila.

Sa muling pakikipag ugnayan ni Lacuna at Vice Mayor John Marvin Nieto sa taumbayan, sinabi ng ilang punong barangay na hindi sila makapagtayo ng barangay hall sa mismong kalsada o dahil magiging sagabal ito para sa mga pedestrian.

Sinabi naman ni Lacuna na handa itong makipagtulungan sa mga punong barangay. Kailangan lamang ng mga ito na maghanap ng bakanteng lote at sila na ang sasagot sa mga gastusin. —sa panulat ni Hannah Oledan

Aabot sa P2.65-M na halaga ng cocaine at iba pang iligal na droga ang nasabat ng Bureau of Customs (BOC) mula sa isang bodega sa Taguig City.

Tumitimbang ng nasa kalahating kilo ang mga nasabat na cocaine at vape na naglalaman ng hinihinalang marijuana oil habang nasa 30 gramo ang nakumpiskang hinihinalang kush.

Nakatakdang i-turn over sa Philippine Drug Enforcement Agency (PDEA) laboratory service ang mga nadiskubreng droga.

Ang naturang raid may kaugnayan sa isinagawang operasyon ng PDEA sa isang shabu laboratory sa Ayala Alabang, Muntinlupa City kung saan mahigit P146-M na halaga ng shabu ang nadiskubre. —sa panulat ni Hannah Oledan

Nakumpleto na ng Team Energy Foundation Inc. (TEFI) ang pagpapatayo ng mga pasilidad sa isang paaralan sa Pangasinan at ang 320 square meter-multi purpose hall sa Quezon, bilang bahagi ng pagpapaigting ng sektor ng edukasyon sa bansa.

Ang bagong itinayong gusali sa Siaosio Integrated School sa Sual, Pangasinan ay mayroong dalawang silid-aralan na may armchairs, blackboards, teacher’s desk, electric fans at mga ilaw.

Mayroon din itong sariling restroom para sa mga estudyante at mga guro.

Habang ang multi-purpose facility na ibinigay ng TEFI sa Lipata Elementary School sa barangay Lipata, Padre Burgos, Quezon ay kumpleto sa mga pasilidad tulad ng stage, floodlights at 100 upuan na magagamit para sa iba’t ibang programa at aktibidad ng paaralan at barangay.

Ayon kay Nestor Bangam program manager ng TEFI, patuloy silang nakikipag-ugnayan sa mga lokal na pamahalaan at iba’t ibang organisasyon para mas mapabuti pa ang naturang sector.

Umaasa sila na ang mga bagong pasilidad sa Pangasinan at Quezon ay naglalayong mapaunlad ang kalidad ng edukasyon para sa mga estudtyante at guro.

Sa mga nakalipas na taon, ang TEFI’s project Sikap o silid-aralan tungo sa katuparan ng mga pangarap ay matagumpay na nakapagpatayo ng mga magagandang silid-aralan at mga gusali upang suportahan ang pagpapabuti ng sektor ng edukasyon sa bansa.

Nadakip ng Quezon City Police District ang dalawang suspek sa pagho-hold-up at pagnanakaw sa barangay san Isidro sa Quezon City.

Ayon sa biktima na si Diem Garcia hinihintay niya ang kanyang live-in partner na si Dennis Mariano sa bahagi ng Cordillera street nang tigilan siya ng dalawang lalaking sakay ng motorsiklo.

Aniya matapos huminto tinutukan siya ng mga ito ng baril at sapilitang inagaw ang kanyang cellphone at agad na tumakas pa-Maynila

Dahil dito, sinundan ng live-in partner ni Garcia ang mga suspek at natunton ang kinaroroonan ng mga ito.

Kaya’t nagsumbong sila sa Galas Police Station 11 at naaresto ang mga suspek na sina Mark Gil Concepcion at Analdo Ebores.

Walang humpay ang pagtulong ng SM Foundation Incorporated (SMFI) sa mga Pilipinong lubos na nangangailangan sa bansa.

Kabilang sa programa ng SM Foundation ang pagtulong sa mga komunidad sa larangan ng edukasyon, kalusugan, tirahan, pagtugon tuwing may sakuna, pagsasanay ng magsasaka, programa sa kapaligiran at pangangalaga sa mga taong may espesyal na pangangailangan.

Sa panayam ng DWIZ, inilatag ni Carmen Linda Atayde, Executive Director for Education ng SMFI ang kahalagahan ng edukasyon na pinagtutuunan nila ng pansin noon pang 1983.

Samantala, nakapanayam din ng DWIZ ang ilan sa mahihirap ngunit deserving na mga mag-aaral na mapalad na nakakuha ng scholarship.

Kabilang dito sina Harvey Japinan; Heart Cabrera; Aliyah Red Cadiz; Arthur Soqueña at Edsel Matildo.

Ayon kay Matildo na nasa Netherlands na ngayon matapos makapagtapos ng pag-aaral sa tulong ng SM Foundation, malaki ang pasasalamat niya sa buong grupo dahil sa pagtulong nito sa kaniya habang hirap pa noon sa buhay.

Kaya payo ni matildo sa mga kabataan na magpatuloy lang para sa pangarap.

Para sa mga gustong mag-apply sa college scholarship program ng SM Foundation, magbubukas ang aplikasyon sa February 1, 2023 at magtatagal hanggang March 3, 2023.

Bumisita lamang sa website ng SM Foundation para sa ibang detalye at mga qualifications.

Pinalawig pa ng global sports retailer na Decathlon ang operasyon nito sa pagbubukas ng isa pang outlet sa SM Fairview sa Quezon City.

Ang nasabing Decathlon store na ika-anim na sa bansa at ikatlong partnership nito sa SM Supermalls ay sumasakop sa mahigit 200 square meters na space kaya’t maayos na makapag-iikot, makapagte-test, makakapili at makakabili ang customers ng mahigit 70 sports products.

Ayon kay Hans Iff, Chief Executive Officer ng Decathlon Philippines, masaya sila sa panibagong milestone ng kanilang partnership sa SM Supermalls, bitbit ang pinakabagong concept store sa isa sa pinaka-abalang mall sa Quezon City.
Sinabi ni Iff na naniniwala silang ang sports bilang malaking factor sa pagiging malusog ng isang tao at ang kanilang misyon na gawing accesible ang sports para sa lahat, malaki ang maitutulong nila para mas marami pang Pilipino ang makadiskubre at buhayin ang kanilang love for sports.

Ipinabatid naman ni Steven Tan, pangulo ng SM Supermalls na nakikita nilang mas pinagtutuunan na ng pansin ng mga Pilipino ang pagkakaroon ng healthy lifestyle lalo na’t nangingibabaw sa mga panahong ito ang health at wellness.

Kaya nga natutuwa sila aniyang patuloy na nakakaagapay ng SM Supermalls ang Decathlon sa pagpapalakas ng pagmamahal for sports ng mga Pilipino sa pagbubukas ng isa pang branch nito sa SM City Fairview.

Binigyang-diin ni Tan na ang SM ay nagsisilbing lugar kung saan nagsasama-sama ang lahat at nakaka-experience ng mga bagong bagay kaya’t sa misyon nilang i-welcome ang bawat Pilipino sa SM, patuloy rin ang pagsuporta nila sa mga negosyong tulad ng Decathlon upang maging accessible ang sports para sa lahat.

Inihayag naman ni Janella Landayan, Decathlon Fairview store leader, itinayo nila ang kanilang concept store na nasa isip ang bawat Pinoy shopper at hindi lamang limitado sa mabibili nila ang mga produktong nakikita nila mismo sa store kaya’t hinihimok nila ang publiko na i-access din ang decathlon.ph at bumili ng produkto na maaaring pick-up o kaya naman ay ide-deliver sa kanilang mga bahay.

Hindi rin dito aniya tumitigil ang tinagurian nilang Decathlon experience dahil nakatitiyak ang kanilang satisfied customer na maaaring i-test ang kanilang produkto in store at sa pagiging Decathlon member ng libre, maraming perks ang kanilang makukuha tulad ng return and exchange, 2 years warranty sa kanilang mga produkto at access sa Decathlon sports events.

Nabigyan ng award ang Decathlon Fairview ng edge green building certification para tiyaking nakapagpapakita ito ng high environmental performance sa pamamagitan ng water, energy at materials efficiency, dahilan din kaya’t ang Decathlon fairview ang first ever mall store sa buong bansa para makaabot sa level ng environmental certification.

Matapos ding mabigyan ng green certification building ang Decathlon, Masinag store, lumakas pa ang commitment ng kumpanya para gawing sustainable playground para sa sports ang mundo kaya’t hinihimok ang publiko na bisitahin ang www.decathlon.ph at i-follow ito sa facebook at instagram.

Halos 2.3 million Pinoys ang walang trabaho noong 2018 at 18% dito o nasa 368,000 ay pawang college undergraduates.

Batay ito sa labor force survey na isinagawa ng Department of Labor and Employment na siyang nagtulak kay Mr. Henry “Tatang” Sy, Jr., visionary founder ng SM conglomerate para isulong ang libreng pagpapaaral sa mga mahihirap, subalit deserving Pinoy students.

Malaki ang paniniwala ni Tatang na magkaka-ugnay ang eduational attainment at employment o trabaho ng isang indibidwal at suweldo nito para mapalakas ang human capital na kinakatawan ng mga kabataang Pinoy.
Ang anito’y better educated workforce ay magsisilbing pinakamahalagang aspeto sa isang bansa tulad ng Pilipinas na ang populasyon ay pangunahing susog sa ekonomiya.

Tinukoy ni Tatang ang mga kabataan bilang solusyon para matulungan ang bansa sa pagkalas mula sa kahirapan.
Binigyang-diin pa ni Tatang na ang pagbibigay ng access sa quality tertiary at vocational education sa mga kabataan ay makatutulong ng malaki para maisulong ang estadong pang-ekonomiya ng kani-kanilang buhay.

Sa kasalukuyan, ang scholarship program ng SMFI ay nakapag-produce na ng mahigit 3, 400 college scholars kung saan 99% ang mayroong trabaho.

Sa pamamagitan ng scholarship program ng SM Foundation, naipatutupad ang vision ni Tatang na burahin ang kahirapan sa pamamagitan nang pagbibigay ng scholarship grants sa mga mahihirap, subalit deserving students.

Ang nasabing hakbangin ay konstribusyon ng SM sa achievement ng United Nations Sustainable Development Goals 4 sa pamamagitan ng pagtiyak na ang mga oportunidad para sa quality education ay maibibigay para sa mga kabataan lalo na sa mga bahagi ng grassroots communities.

Kaugnay nito, inilabas ng SMFI ang schedule ng pag-screen ng mga aplikante para sa school year 2023-2024 kung saan itinakda sa:

1.February 1-March 31, 2023 ang application period
2.April 29, 2023 (Saturday) – online exam
3.May 8-31, 2023: virtual interview and virtual house visits
4.June 5-30: Confirmation of School and Course/Slots of Scholars (by phone)
at para sa mga nais mag-apply, paki click ito:
https://www.sm-foundation.org/sites/default/files/upload-file/Scholarship%20Online%20Application%20Process%20Flow.pdf

Niregaluhan ng kotse ng kanyang alma mater ang isang physician board examinee sa Cebu matapos makapasok sa top 10 ng 2022 Physician Licensure Examinations.

Personal na iniabot ni University of Cebu School of Medicine Chairman Augusto Go kay Mark Johnuel Duavis ang susi ng bago niyang sasakyan bilang pagkilala sa kanyang tagumpay.

Bukod kay Duavis, nagpasalamat din si Go sa faculty at staff dahil ang nagawa aniya nila ay isang malaking karangalan para sa unibersidad.

Pumatok sa masa ang panibagong flavor ng ice cream sa Manaoag, Pangasinan dahil sa kakaibang lasa nito.

Hindi prutas ang ginamit na sangkap sa paggawa ng ice cream na ito kundi bulaklak ng Sampaguita.

Ayon sa gumawa ng ice cream, nakuha nito ang ideya ng Sampaguita Ice Cream mula sa isang customer nito na nabanggit na gusto nitong subukan ang naturang flavor.

Ayon sa may-gawa ng ice cream, hindi nito inaasahan na papatok ang bagong flavor na bukod sa mabango ay masarap pa.

Ang Sampaguita o Jasmine sa ingles ay ginagawa ring sangkap sa paggawa ng Tsaa o Jasmine Tea. —sa panulat ni Hannah Oledan