FEATURES

Isang drugstore sa Quezon City ang hinoldap ng mismong gwardiya nito ngayong Martes ng umaga.

Ayon kay Quezon City Police District Director, Brigadier General Nicolas Torre the Third, naganap ang insidente dakong alas-6:30 kaninang umaga, sa Mercury drugstore sa E. Rodriguez Avenue Corner, Banawe Street.

Nabatid na dalawang buwan pa lang nagtatrabaho ang guwardiya sa branch bago ang pangho-holdap.

Kwento ng mga otoridad, gumamit ng crowbar, martilyo, chisel at iba pang gamit ang gwardiya para sirain at mabuksan ang vault.

Wala pang P100 ang nakuha ng suspek na hindi naman nanakit.

Posibleng dahilan sa holdap ang pagsisi ng gwardiya sa kumpanyang pinagtatrabahuhan nito, dahil di kaagad pinauwi nang mamatay ang kanyang asawa noong nakaraang buwan.

Sa ngayon, patuloy ang manhunt operation ng PNP sa gwardiya.

Viral ngayon ang isang lola kung saan mala-stephen curry ang pag shoot ng bola sa ring.

Sa isang video na ibinahagi ng netizen, makikita rito ang mala machine na kamay ng lola habang patuloy ito sa pag-shoot ng bola sa isang arcade machine.

Dahil dito, maraming netizen ang natuwa kay lola dahil talo pa nito ang mga lalaki sa pag shoot ng bola.
Ilan sa mga comments ay :

“kung lola ko to, ipagmamalaki ko to grabe ang galing galing ni lolaaa”

“lola ano vitamins nyo? Para same tayo braso”

“lola ito ni steph curry”

“this should be submitted to guinness world records!!”

Ang nasabing video ay umani na ng halos sa 600,000 likes at 5 million views

Nagbabala ang Bangko Sentral ng Pilipinas kaugnay sa mga taong nagpapanggap na kanilang kawani para lamang manghingi ng pera sa gitna ng holiday season.

Ayon sa Central Bank, ang mga bogus employee ay gumagamit ng tunay at gawa-gawang pangalan ng mga tauhan, officers at organizational units ng BSP upang tumawag o magpadala ng mensahe sa kanilang biktima.

Sinabi pa ng BSP na gumagamit rin ang mga ito ng fraudulent mobile numbers at email address na kapareho ng ginagamit ng mga BSP.

Nilinaw ng BSP na hindi sila nagso-solicit ng pera o nanghihingi ng impormasyon o mga dokumento ng financial transactions ng sinumang pribadong indibidwal.

Hinimok naman ng central bank ang publiko na i-report ang mga kahina-hinalang nagpapanggap na empleyado ng BSP at mga transaksyon.

Bilang lungsod na kilala sa diversity at creativity, napatunayan ng Baguio City ang galing nito sa pagpapakita ng mayaman at aktibong yaman ng Cordillera region at mga tao nito.
Ang SM City Baguio, bilang mahigpit na sumusuporta sa commitment ng lungsod para sa preservation ng art and culture ay nakipag-partner sa Baguio museum para i-preserve at i-promote ang malawak na kultura ng lungsod sa pamamagtitan ng teknolohiya.
Sa pamamagitan ng 500,000 pesos o kalahating milyong pisong donasyon ng SM, sasailalim ang mga tauhan ng Baguio museum at youth volunteers sa audio visual training para i-digitize at i-preserve ang art collections, cultural artifacts at data ng Baguio museum.
Sinabi ni Stella De Guia, Executive Director ng Baguio museum na mayaman ang Baguio museum sa kasaysayan, kultura, art at traditions ng cordillera region at mga mamamayan nito at malaking bagay para ma-sustain ang museum sa paggamit ng teknolohiya at iba pang hakbangin para ma-preserve ang tinaguriang koleksyon ng community treasure.
Ang turn-over ceremony para sa proyekto ay nagsilbing pagtitipon ng mga sumusuporta sa cultural preservation ng Baguio, mga miyembro ng Baguio museum board of trustees, Department of Tourism-Cordillera Administrative Region Office at maging ang mga miyembro ng academic institutions tulad ng university of Baguio at Baguio City National High School.
Binigyang-diin ni SM supermalls president Steven Tan na tiwala silang mape-preserve ang Filipino heritage sa pamamagitan ng digitization program kung saan ang mga susunod na henerasyon ay mabibigyan ng oportunidad na kilalanin at ipagdiwang ang makulay na kasaysayan ng kultura ng mountain province.
At tiwala sila sa magandang partneship para sa sustainable development ng Baguio City lalo pa’t mahigpit na kinikilala ng SM supermalls ang heritage, preservation at culture sa lahat ng pagkakataon.
Para sa SM, ang pagsuporta sa preservation ng art and culture ay mahalaga para pagtagpuan ang mga kuwento ng nakalipas at kinabukasan ng Baguio City sa pamamagitan ng platform para sa mga artist sa lahat ng henerasyon.
Sa ngayon, patuloy ang SM City Baguio sa pagsusulong ng mga aktibidad tungol sa cultural preservation sa pamamagitan ng paglalaan ng espasyo para ipagdiwang ang cordilleran art and heritage at ibukas ito sa malawak na audience.

Kakaibang Christmas season ang ipaparanas ng SM Mall of Asia sa pamamagitan ng anito’y “A Very Merry MOA Christmas Celebration”.

Sa taong ito, ibabalik ng SM Mall of Asia ang MOA Night of Lights ka-partner ang From Family to Yours Holiday campaign ng Disney Philippines gayundin ang Hyundai Moto Philippines.
Ang tinaguriang larger than life installations ay tiyak na maghahatid ng magical experience sa paglalatag ng MOA ng Disney themed audio visual holiday drive thru experience na mayruong mahigit two million holiday lights at disney inspired tunes.

Ang MOA Night of Lights ay tiyak na magdadala ng saya at liwanag sa mga bisita habang nasa loob sila ng kani-kanilang mga sasakyan dahil sa kumpletong magical bright lights, colorful installations at Holiday music.

Ang SM Mall of Asia concert grounds ay gagawing Happiest Place in the Philippines mula December 1, 2022 hanggang January 8, 2023 kung saan mula ala-5:30 ng hapon ay ma-e-explore ng customers ang pitong magical zones na magdadala ng saya sa lahat ng kids at kids at heart habang nagbibiyahe sa pamamagitan ng magical night of lights.

Pagpasok pa lamang ay bubungad na sa customers ang maliwanag na tunnel na puno ng ribbon at ang all time favorite nating si Mickey Mouse na pinalibutan ng magagandang bulkalak at iba’t ibang ilaw, susunod namang eksena ang kakaibang nostalgic ride kung saan iwe-welcome tayo ng Disney princesses na sina Aurora, Cinderella, Belle, Rapunzel, Mulan, Pocahontas at Ariel sa isang hall of fame zone na punung-puno ng bedazzled stars at malalaking Christmas balls.

Sa pagpasok naman sa Gingerbread Candyland Tunnel, babatiin ang mga batang customers at kids at heart ng Very Merry MOA Gingerbread Christmas treats tulad nina Mickey Mouse, Minnie Mouse, Donald Duck at Daisy Duck.

Dadalhin naman ng Madrigal family ang customers sa magical place ng Casita sa pamamagitan ng Encanto Forest ng Disney kung saan napapalibutan ng magaganda at makukulay na ilaw at matatangkad na tower.

Masisilayan naman sa Toy story at cars ang Pixar characters sa pagpasok mo sa Pixar zone! at namnamin si Woody, Buzz Lightyear, Rex, Slinky, Jessie habang nasa Andy’s room, sina Mr. Potato head at little green aliens ang babati sa kaliwang bahagi ng zone samantalang pangungunahan ni Lightning Mcqueen ang stars ng cars sa kanang bahagi habang nakaparada sa harap ng kilalang casa della tires ng Luigi.

Hindi pahuhuli ang Frozen themed tunnel kung saan naruruon sina Elsa, Anna at Olaf na pinapalibutan ng winter elements tulad ng snowflakes, steep mountains at snow mounds kaya’t tiyak na mararamdaman ang simoy sa Arendelle.

Magtatapos ang MOA Night of Lights sa isang malaking season’s greetings tunnel na pinalilibutan ng ating paboritong Disney characters.

At para ma-experience ang lahat ng ito, kailangan lamang ng 1,500 pesos na halaga ng anumang purchase mula sa mga establishment sa MOA, SM by the bay, S Maison, MOA Square o IKEA at 500 pesos na halaga ng purchase ng Disney merchandise mula sa SM Store, Toy Kingdom, SM Hypermarket, Watsons, Uniqlo, Mini So, Pandora, H&M, Havaianas, Crocs o Nike MOA o S Maison branch mula November 26, 2022 hanggang January 8, 2023.

Maaaring ipakita ang resibo sa MOA night of lights registration booths para sa gustong date at oras sa level 1 ng south main mall malapit sa Aeropostale at Panda express, level 2 ng South main mall malapit sa Zara, level 2 sa MOA square malapit sa SM store, level 1 malapit sa S Maison concierge at MOA concert grounds – bay shore avenue.

Bukas ang MOA night of lights sa mga kotse, bike, motorsiklo at MOA tram at sa taong ito, special hyundai vehicles na pupuwedeng i-try ng lahat ng customers at ang online registration ay makikita sa official facebook, twitter at instagram account ng Sm Mall of Asia.

Maaari ring bisitahin ng customers ang disney pop up para sa souvenirs at Hyundai showroom para sa huling yugto ng experience upang makita ang pinakahuling car models.

Ito ang bumungad sa mga pasahero ng LRT-1 kung saan isa sa mga bagon ng tren ang dinisenyuhan ng christmas theme.

Naghatid naman ng goodvibes ang ilang empleyado matapos mangaroling o kantahan ang mga pasahero sa nasabing trend.

Dahil dito, maraming netizens ang nais sumakay ngayon sa LRT 1.

Isa katao ang nasawi sa sunog sa Barangay Holy Spirit sa Quezon City.

Ayon kay Delmar Enerva, papaalis na nang nasusunog nilang bahay ang 70 anyos na amang si Delfin nang madulas ito at mabagok ang ulo sa semento.

Dead on arrival sa ospital ang matandang enerva na mayruon ding sakit sa puso.

Nabatid na nagsimula ang sunog sa bahay ng isang Nestor Bactismo na nakita ang umuusok na kuwarto ng kapatid na nasa second floor ng kanilang bahay.

Sinubukan nila aniyang apulahin subalit hindi na kinaya kaya’t inilabas na lamang niya ang kanyang mga anak.

Iniimbestigahan na ng mga otoridad ang dahilan ng nasabing sunog na tumupok sa 10 kabahayan na pawang gawa sa light materials.

Opisyal na inilunsad ng Buildrite Construction Chemicals ang tinagurian nitong “First in the Philipines” products.

Ang launching ng Readycrete: Ready Mix Concrete in a Bag at Smartbond Flex:  the first flexible tile adhesive ay itinuturing na makasaysayan ng Buildrite Construction Chemicals dahil hudyat ito ito ng tradisyon nang paglulunsad ng mga bago, innovative products sa kada taunang Philconstruct event.

Ayon sa buildcrite, ang readycrete ay kauna unahan sa Pilipinas na ready mix concrete na nasa bag kaya’t mabilis na magagamit sa construction projects dahil sa magandang concrete mix nito.

Para naman sa tile installation, ipinapakilala ng buildrite ang smartbond flex, ang kauna-unahang flexible tile adhesive sa bansa na nagsisilbing matinding pampakapit at para hindi masira ang kung anuman ang idinikit.

Sa paglulunsad ng readycrete at smartbond glex, tiniyak ng buildrite ang patuloy na paghahanap at pag diskubre nito ng mga kapaki pakinabang na bagay sa construction chemical technology, pag develop ng mas maraming innovative solutions at ipaalam sa publiko ang tungkol sa cost efficient, reliable at sustainable construction chemical products and methodologies.

Para sa dagdag pang mga impormasyon hinggil sa buildrite construction chemicals, bisitahin ang kanilang website na www.magnaprime.com.ph gayundin ang you tube channel ng buildrite na www.youtube.com/c/buildriteconstructionchemicals at i follow ang kanilang facebook page – @buildritephils.

Planbank (Rural Bank of Canlubang Planters Inc.) celebrated its platinum anniversary on Thursday, November 24, 2022, with a Thanksgiving Mass and simple lunch at the head office, Planbank Bldg., Barangay Halang, Calamba City, Laguna.

Rev. Fr. Marlu V. Marasigan, Parish Priest of the Holy Trinity Parish officiated the Thanksgiving Mass which was attended by Planbank officers, branch managers, department heads and staff. In his homily, Fr. Marasigan gave a glimpse of what transpired during the past 7 decades, and was amazed by how Planbank survived several economic downfalls, unforeseen challenges, and trials. He also reminded them to always put God at the center of the business – the key to continued success.

Planbank Executive Officer Dannica Nicole A. Cabangon, in her message, extended her warmest greetings and appreciation to all the employees and clients who have been part of this company milestone. She assured that the ALC Group of Companies, under the leadership of chairman D. Edgard A. Cabangon, will give their utmost support to Planbank.

Meanwhile in a special message to the stakeholders, Planbank President D. Michaela Cabangon Chua pledged the company’s commitment to continued growth in the years to come. “Our clients will always be at the forefront of our priorities. While we continue to grow, so will our commitment to them. And as we move into the next years, we are prepared to make Planbank stronger by bringing products and services that enable our clients to succeed,” she shared.

At present, Planbank is the biggest rural bank in Laguna with 10 branches in the province. It has also expanded in Batangas with 2 branches, and in Bulacan with 1 branch, bringing its total network of branches to 13.

Patay ang isang pulis na miyembro ng Special Weapons and Tactics (SWAT) nang aksidenteng maputukan ng baril habang naglilinis kasama ang kanyang mga kabaro sa San Pablo City Police Station sa Laguna.

Batay sa ulat ng Police Regional Office – CALABARZON kinilala ang biktima na si Police Corporal  Fhrank Aldene Yasay Dela Cruz, 30 taong gulang.

Ayon sa kwento ng suspek na si  Police Corporal Mervin Cañeta Duran, 31 taong gulang nililinis nila ng biktima at iba pang kasamahan nito ang kanilang baril para sa inspeksyon pasado alas-9:00 kaninang umaga.

At nang tanggalin niya ang magasin ng kanyang Taurus TS 99 mm service firearm at aalisin ang balang nakalagay ay bigla na lamang itong pumutok at tinamaan sa kanang dibdib ang biktima.

Agad namanag isinugod sa San Pablo Community General Hospital ang biktima ngunit idineklara itong dead on arrival. —sa ulat ni Tina Nolasco (Patrol 11)