FEATURES

HAPPINESS FACTORY NG SM SOUTHMALL, OPISYAL NANG NAGBUKAS

Wala nang makakapigil pa sa sayang hatid ng SM Southmall ngayong Holiday sa pagdiriwang nang itinuturing na “Busiest Time of the Year”!
Aba ano pa ba ang hinihintay nyo?
Tara na sa happiness Christmas factory na nasa food street concourse ng SM Southmall kung saan masasaksihan si Santa at ang kanyang robo squad gifts na nagmamahal sa buong mundo.
Sa pamamagitan ito ng instragammable displays, selfie room at gifting area na handog ng SM Cares Bears of Joy na kada bear ay nagdudulot ng saya sa SOS children’s village.
Hindi dapat palampasin ang 32 feet Christmas tree na pinalibutan ng mga makukulay at naggagandahang ilaw.
At higit pang happiness ang hatid ng SM Southmall para sa shoppers nito kaya’t mark your calendars na para sa mga events just for you!
Hindi mo dapat ma-miss ang South Yuletide Markets o Christmas Bazaar na bubusugin ka sa napakaraming bagay at regalo na maaaring iuwi para sa pamilya kayat punta na sa event center at South yard areas.
And yes Stanta Claus is coming to town kaya’t be ready sa pagdating ni Santa at ng kanyang squad sa Christmas centerpiece at outdoor holidrive sa December 24 at 25 kung kailan pu-pwede kang magpa-selfie kay Santa at makakuha ng special treat!
Mas mag-enjoy pa sa pagbabalik ng outdoor holidrive ng SM Southmall para sa isang drive thru Christmas experience mula November 4 hanggang January 8, 2023 sa West parking area ng SM Southmall.
Kabilang sa mga funtastic attractions ng outdoor holidrive ang glee town at malalaking Christmas displays, the sweet forest, happiness overload station at the light tunnels.
Ang Santa’S Squad ay makaka-bonding natin sa outdoor holidrive sa lahat ng araw ng linggo mula November 20 hanggang December 24 mula 4pm hanggang 10pm kung saan ka-partner nito ang Viyline Group of Companies at URC.
Makisaya sa special performance ng Santas Squad na pasok sa ating Merry Mood kaya’t huwag nang magpahuli, bisitahin ang @smsouthmall sa facebook, instagram at tiktok!

October 28, 2022 0 comment

FEATURES

ALWAYS A HAPPY CHRISTMAS SA SM SUPERMALLS!

written by Judith Estrada-Larino

Mas masayang Pasko ang handog ng SM North Edsa at iba pang SM Supermalls sa pamamagitan ng magical events para sa mga Pilipino!

Sa SM North EDSA, October 21 pa lamang ay naikasa na ang spectular play of lights and festive celebration sa tinaguriang magical Northern Holidays.

Bentahe ng SM North EDSA ang napakalaking Christmas tree nito na tiyak na magbibigay ng kakaibang feels ng special Holiday hanggang January 8, 2023.

Ma-miss mo man ang Christmas event ng SM North EDSA gayundin sa iba pang SM Supermalls tulad ng SM Mall of Asia, SM Aura Premier, SM Southmall, SM Cagayan De Oro Downtown Premier, The Podium at S Maison – marami pang paraan para ipagdiwang ang Holidays matapos maglatag ng exciting at festive activities ng SM supermalls para sa lahat!

Experience the Christmas playpark sa lahat ng SM Supermalls.

Makukulay na ilaw para sa kakaibang Holidays ngayong taon at mag dine-out al fresco style sa mga super spots na pinuno ng sparkling lights!

Eto pa—ipararanas ng SM Supermalls ang festive season kung saan apat na A.R filters ang available kabilang sina Santa Claus, reindeer, snowman at sparkle kung saan i-scan lamang ang QR code sa pinakamalapit na SM Mall para sa unforgettable Christmas Holidays.

May happiness stations din na bubuo sa inyong lasting memories kasama ang inyong pamilya at mga kaibigan tulad ng happiness photo wall, Christmas tree decors kasama ang family photos at malaking TV screen kung saan mapapanuod ang TikTok o IG live sa inyong favorite mall.

At pamilya ba kamo? Mararamdaman din ng furbabies ang happiness at love sa SM Supermalls sa pamamagitan ng Holiday paw play dates at costume pawty bukod sa maaaring ma-flex ang mga ito sa Christmas photo challenge at manalo ng premyo.

Kakaibang experience rin ang hatid ng SM Supermalls sa pamamagitan ng bigger, better and brighter virtual Christmas village kasunod ang pagbili ng mga produkto para sa cause oriented programs kung saan bahagi ng 100 days campaign ang pakikipag-partner ng SM sa bag designer na Zarah Juan, Spark PH, Girl Scouts of the Philippines, Association of Foot and Mouth Artists of the Philippines at Quezon City LGU para sa Vote-To-Tote intiative nito.

At hindi rin pahuhuli ang mga exciting deals, discounts at giveaways hindi lamang mismo sa mall kundi maging sa SM malls online kaya i-check ang www.smsupermalls.com at i-follow ang @supermalls sa lahat ng social media accounts ng SM Supermalls.

October 25, 2022 0 comment

FEATURES

Golden Christmas journey, hatid ng SM Aura Premier

written by Judith Estrada-Larino

Mala-gintong kapaligiran.

Kakaibang tunnel display.

At light show na overlooking sa Bonifacio Global City (BGC).

Ang mga ito ang ipapa-experience to the max ng SM Aura Premier sa mga shoppers ngayong Kapaskuhan.

Mas makukulay na palamuti at mga bagay bahay na may kinalaman sa kapaskuhan ang sasalubong sa mga parokyano ng SM Aura Premier sa pagpasok pa lamang sa mall at habang ini enjoy mo ang paglilibot sa SM Aura Premier.

Kabilang sa mga aktibidad na ikinasa ng SM Aura Premier para sa kanilang shoppers ang Santa Meet and Greet at isang Chorale performance na hatid ng Everest Chorale na binubuo ng mga bata mula sa Everest Academy sa December 10, 17, 24 at 25.

Katuwang ang Global Smartphone brand na Tecno Mobile.

Isa pang kakaibang experience ang ibibigay ng SM Aura Premier, sa pamamagitan nang pagsasanib puwersa ng technology at art kung saan mapapasok mo ang “New World with Glitz and Glamour”.

Matutunghayan naman sa Skypark na nasa Level 5 ng SM Aura Premier ang tinaguriang Nights of Dazzling Lights na binubuo ng Forest of Lights at Musical Show tuwing alas-7 ng gabi sa lahat ng araw ng linggo ng buwan ng Disyembre kabilang ang December 25.

At hindi rin pahuhuli ang mga exciting deals, discounts at give aways hindi lamang mismo sa mall kundi maging sa SM malls online kaya i check @smaurapremier sa Facebook, Instagram at TikTok!

October 25, 2022 0 comment

METRO PATROL

Manila City government, naglabas ng listahan ng mga kalsadang isasara ngayong Undas

written by DWIZ 882

Naglabas na ang City Government ng Maynila ng listahan ng mga kalsada na isasara malapit sa Manila North Cemetery para sa Undas 2022.

Mula alas-10 ng gabi ng October 31 hanggang alas-5 ng hapon ng November 2 ay sarado ang Aurora Boulevard mula Dimasalang hanggang Rizal Avenue; Dimasalang mula Makiling street hanggang Blumentritt; Guevarra mula Cavite street hanggang Pampanga street; Blumentritt mula A. Bonifacio hanggang P. Guevarra; Retiro mula Dimasalang hanggang Blumentritt extension at Leonor Rivera mula Cavite street hanggang Aurora boulevard.

Pinayuhan naman ang mga Public Utility Jeepneys na dumaan sa mga alternatibong ruta upang hindi maabala sa biyahe.

Samantala, kabilang naman sa itinalaga bilang mga parking area ang Craig, Simon, F. Huertas at Bulacan streets. —mula sa panulat ni Jenn Patrolla

October 24, 2022 0 comment

HEADLINES METRO PATROL NATIONAL NEWS

Ilang kalsada sa lungsod ng Maynila isasara sa Undas 2022

written by Angelica Doctolero

Inilabas na ng pamahalaang lungsod ng Maynila ang listahan ng mga kalsada na isasara malapit sa Manila North Cemetery para sa Undas 2022.
Mula alas-10 ng gabi ng Oktubre 31 hanggang alas-5 ng hapon ng Nobyembre 2, sarado ang mga sumusunod na kalsada:
• AURORA BOULEVARD MULA DIMASALANG RD. HANGGANG RIZAL AVENUE
• DIMASALANG ROAD MULA MAKILING STREET HANGGANG BLUMENTRITT ROAD
• P. GUEVARRA MULA CAVITE ST. HANGGANG PAMPANGA ST.
• BLUMENTRITT MULA A. BONIFACIO HANGGANG P. GUEVARRA ST.
• RETIRO MULA DIMASALANG ROAD HANGGANG BLUMENTRITT EXTENSION, AT
• LEONOR RIVERA MULA CACITE ST. HANGGANG AURORA BOULEVARD
Pinapayuhan naman ang mga Public Utility Jeepneys (PUJs) na dumaan sa mga alternatibong ruta para hindi maabala sa mga pupuntahan.
Samantala, naglagay ang Manila LGU ng parking areas sa mga bibisita sa naturang sementeryo.
• CRAIG STREET
• SIMON STREET
• F. HUERTAS STREET
• BULACAN STREET
• TECSON STREET
• P. GUEVARRA STREET
• SULU STREET
• OROQUIETA STREET
• METRICA STREET
• NATIVIDAD STREET
• M. HIZON STREET
• KALIMBAS STREET

October 22, 2022 0 comment

FEATURES HEADLINES

Bonuan Boquig National High School, nasungkit ang World’s Best School prize

written by Judith Estrada-Larino

Muli na namang nagmarka ang Pilipinas sa mapa ng mundo matapos mapasakamay ng isang paaralan mula sa Bayambang, Pangasinan ang top prize dahil sa pagmamahal sa kapaligiran.

Itinanghal na kampeon at nakuha ng Bonuan Boquig National High School ang environmental action prize ng World’s Best School prizes dahil sa pagtatanim ng mangroves at pagbibigay ng bagong tirahan para sa mga isda.

Pinadapa ng nasabing paaralan ang International School of Zug and Luzern ng Zug, Switzerland at Green School ng Bali, Indonesia.

Kinikilala sa nasabing award ang kahalagahan ng mga kabataan, estudyante at mga paaralan sa pagtugon at pagresolba sa mga usapin ng global warming at climate crisis.

Ang winning entry ng BBNHS na mangrove planting project ay una nang inilunsad nuong 2010, isang taon matapos salantain ng matinding pagbaha ang Dagupan City kung saan nasira ang daan-daang ektarya ng bangus ponds na siyang pagkakakitaan ng mga residente ruon.

Sinabi ni BBNHS Principal Renato Santillan na ang premyo nilang 50,000 US dollars ay gagastusin sa pagtatayo ng Mangrove Nursery.

October 21, 2022 0 comment

HEADLINES METRO PATROL

150 pamilya, nawalan ng tirahan matapos matupok ng apoy ang isang residential area sa Malabon City

written by DWIZ 882

Tinatayang nasa 150 pamilya ang nawalan ng tirahan matapos matupok ng apoy ang isang residential area sa Malabon City nitong Biyernes.

Batay sa ulat, dakong ala-1:40 ng madaling araw nang sumiklab ang sunog kung saan mabilis itong kumalat sa katabing mga bahay na gawa sa light materials.

Agad namang rumesponde ang mga tauhan ng Bureau of Fire Protection at idineklarang fire-out ng sunog bandang alas-6:35 ng umaga.

Wala namang naipaulat na nasaktan o nasawi sa naturang insidente habang inaalam pa ang pinagmulan ng sunog at kabuuang danyos nito.

Agad namang nagpadala ng tulong si Malabon City Mayor Jeannie Sandoval sa mga naapektuhan ng sunog.

Kaugnay nito, namigay ng food packs, tubig, banig, hygiene kit at portable tents ang lokal na pamahalaan ng Mandaluyong at nangako ang kanilang alkalde na magbibigay ito ng agarang tulong upang makabangon ang mga nasunugang residente mula sa nangyaring trahedya.—mula sa panulat ni Hannah Oledan

October 16, 2022 0 comment

FEATURES HEALTH

Benepisyong taglay ng coconut water

written by DWIZ 882

Alam niyo ba ang mga benepisyong taglay ng coconut water?

Ang coconut water ay mayroong 94% ng tubig at kaunting fat content.

Ito rin ay sagana sa iba’t ibang nutrients tulad ng carbohydrates, sugar, calcium, magnesium, phosporus at potassium.

Ang pag-inom ng coconut water ay nakatutulong din sa pagpigil na magkaroon ng kidney stones dahil pinipigilan nito ang mga crystals na dumikit sa kidney at iba pang bahagi ng urinary track.

Bukod rito, mayroon din itong antimicrobial properties na nakatutulong upang maibsan ang pagkakaroon ng pimple o acne.—mula sa panulat ni Hannah Oledan

October 16, 2022 0 comment

HEADLINES METRO PATROL

Rumespondeng fire truck bumulusok, 1 patay, 2 sugatan

written by DWIZ 882

Nasawi ang isang senior citizen habang dalawa ang sugatan matapos masagasaan ng fire truck na rumesponde sa isang sunog sa Makati City.

Sa isang video, makikita na nakatayo ang mga tao at bumbero sa kalsada ng barangay Viejo pero ilang saglit, dumire-diretso ang fire truck hanggang sa masagasaan ang mga residente.

Ayon sa hepe ng Makati City Police na si police Colonel Edward Cutiyog, nilagyan ng kalso ang sasakyan, ngunit pababa ang kalsada. Bumaba ang driver upang tumulong sa pag-apula ng apoy nang biglang umabante ang fire truck.

Binawian ng buhay sa ospital ang senior citizen na kinilalang si Florencio Balaoing Jr. matapos pumailalim sa truck na tumulong pa sa pag-apula sa sunog habang isinugod din sa ospital sina Rita Roxas at Relin Azuelo na nagkaroon ng mga bali sa katawan.

Humarap sa awtoridad ang driver ng sasakyan na si John Polinar Orbeta ngunit tumangging magbigay ng komento. Iimbestigahan pa ng pulisya kung may problema ang fire truck.—mula sa panulat ni Maize Aliño- Dayundayon

October 16, 2022 0 comment

HEADLINES METRO PATROL

Pag-apula ng BFP sa sunog sa Malabon naantala dahil sa water interruption

written by DWIZ 882

Naantala ang pagresponde ng mga tauhan ng Bureau of Fire Protection sa sumiklab na sunog sa lungsod ng Malabon matapos magkaroon ng water interruption bandang ala-1 ng madaling araw.

Nagsimula ang sunog sa isang bahay sa barangay Tonsuya at mabilis na kumalat ang apoy dahilan para itinaas sa ikatlong alarma ng BFP ang sunog.

Sinabi ni Senior Fire Officer-4 (SF04) Kriby Banglos ng BFP, nag-iigib pa sa Portero at Navotas ang mga fire truck dahil sa kawalan ng supply ng tubig. Tumulong naman ang mga residente sa pag-apula ng apoy.

Inaalam pa ng awtoridad ang sanhi ng sunog, bilang ng mga naapektuhang pamilya at halaga ng mga napinsalang ari-arian.

Walang namang naiulat na nasawi sa sunog.—mula sa panulat ni Maize Aliño-Dayundayon

October 16, 2022 0 comment

Newer Posts

Older Posts