Isa katao ang nasawi sa sunog sa Barangay Holy Spirit sa Quezon City.
Ayon kay Delmar Enerva, papaalis na nang nasusunog nilang bahay ang 70 anyos na amang si Delfin nang madulas ito at mabagok ang ulo sa semento.
Dead on arrival sa ospital ang matandang enerva na mayruon ding sakit sa puso.
Nabatid na nagsimula ang sunog sa bahay ng isang Nestor Bactismo na nakita ang umuusok na kuwarto ng kapatid na nasa second floor ng kanilang bahay.
Sinubukan nila aniyang apulahin subalit hindi na kinaya kaya’t inilabas na lamang niya ang kanyang mga anak.
Iniimbestigahan na ng mga otoridad ang dahilan ng nasabing sunog na tumupok sa 10 kabahayan na pawang gawa sa light materials.
