METRO PATROL

Patay ang isang lalaki matapos makuryente sa isang poste sa Port Area, Manila kahapon ng madaling araw.

Batay sa imbestigasyon ni PCpl. Charles Benzon Dela Torre mula sa Manila Police District (MPD), nabatid na dakong alas kwatro ng madaling araw nang maganap ang insidenteng naging dahilan sa pagkasawi ng biktimang si Arwin Cabugayan.

Ayon sa live-in partner ni Cabugayan na si Rica Delos Santos, bigla silang nawalan ng kuryente sa kanilang tahanan. Upang maibalik ang suplay ng kuryente, umakyat ang biktima sa poste.

Maya-maya lamang, nakarinig si Delos Santos ng malakas na kalabog at nakita na lang niyang nakahandusay ang biktima sa sementadong kalsada.

Isinugod si Cabugayan sa Gat Andres Bonifacio Memorial Medical Center (GABMMC) ngunit dead on arrival na ito.

Labing-isang katao ang sugatan matapos magsalpukan ang tatlong pampasaherong jeep sa Commonwealth Avenue, Quezon City.

Batay sa ulat ng Quezon City Police District (QCPD) Traffic Sector 5, bandang alas diyes ng umaga kahapon nang maganap ang aksidente malapit sa kanto ng Tandang Sora Avenue, Brgy. Old Balara.

Sa inisyal na imbestigasyon, nagmamaneho ang driver na si Noel Lipango sa Commonwealth Avenue mula Philcoa nang mawalan ito ng preno, kung saan nabangga niya ang jeep ni Fernando Cadayona.

Tumagilid naman ang jeep ni Cadayona na naging dahilan sa pagsalpok nito sa isa pang pampasaherong jeep na minamaneho ni Rolando Rubia.

Walong pasahero mula sa jeep ni Cadayona ang sugatan, samantalang tatlo naman ang mula kay Lipango.

Dinala sa East Avenue Medical Center ang siyam sa mga sugatan. Hindi pa rin alam ang kanilang pagkakakilanlan sa ngayon.

Samantala, iniimbestigahan pa rin ng Traffic Sector 5 ang tatlong jeepney driver upang malaman ang pinagmulan ng banggaan.

Patuloy ang pinaigting na nationwide campaign ng nangungunang digital solutions platform na Globe laban sa cable theft, katuwang ang Philippine National Police.

Patunay nito ang pagkaka-aresto sa anim na magnanakaw ng kable sa Metro Manila, kamakailan.

Naapektuhan sa nasabing insidente ng ang mga customer ng globe, kabilang ang critical services nito, tulad ng mga bangko at medical facilities.

Nasakote ang mga suspek sa M.H. Del Pilar Street, Malate, Maynila noong Setyembre matapos maaktuhang nagpuputol ng dalawandaang pares ng innove copper cable wires na habang 28 meters.

Tatlong araw ang nakalipas ay isa pang suspek ang nasakote rin ng Manila Police District sa kanto ng Maria Orosa street at U.N. Avenue at isa pa sa Paco noong Oktubre.

Ayon kay Gerardo Recio, Globe Enterprise and Corporate Operations Head, pinahahalagahan nila ang tiwala sa kanila ng customers at bawat kable ay kumakatawan sa lifeline ng bawat isa, sa trabaho man ito o sa pag-aaral.

Dahil anya sa pakikipag-sanib-pwersa nila sa mga local agencies, gaya ng P.N.P., hindi lamang nila nilalabanan ang cable theft, bagkus ay pino-protektahan din nila ang bawat koneksyon na nag-durugtong at nagbibigkis sa bawat komunidad.

Aabot na sa 1,181 cable theft incidents sa unang bahagi ng taon ang naitala ng Globe, kung saan tumaas ito noong Hunyo.

Timbog ang tatlo katao sa ikinasang operasyon sa San Jose del Monte, Bulacan matapos masangkot sa large scale scam kung saan sangkot ang pagbebenta ng mga rehistrado at pre-activated sim na ginagamit umano sa mga iligal na aktibidad.

 Isang bagong raket ang nadiskubre sa nasabing operasyon nang pinagsanib na puwersa ng security team ng Globe, PNP at Barangay officials na isa sa pinakamalaking operasyon kontra sim related fraud simula nang ikasa ang Sim Registration Act.

 Kinilala ang mga inaresto sa naturang operasyon sina Rodolfo de Juan, Jr., Rosemarie de Juan na kilala rin bilang Charlene Dela Cruz at Taiwanese  national na si   Cheng Tsung Huang na may alias na Rodney Serrano.

 Ikinasa ang operasyon matapos magpalabas ng search warrant ang Malolos RTC dahil sa paglabag sa access device regulation act of 1998, may kaugnayan sa cybercrime prevention act of 2012.

 Kabilang sa mga kinumpiska sa operasyon ang 332 sim cards na may sim beds 6, 976 assorted sims mula sa iba’t ibang telecom companies, 13 cellular phones tatlong ipads at dalawang system units.

 Nasabat din sa mga suspek ang mga dokumento tulad ng identification cards at bank transaction records.

 Matapos maaresto ang mga suspek ay kaagad inilipat sa Anti-Cybercrime Group headquarters sa Camp  Crame, Quezon City para sa kaukulang imbestigasyon.

 Binigyang-diin ni Ronald Uychutin, Vice President, Security and Fraud Investigation ng Globe na malaking tulong ang kanilang ugnayan sa mga otoridad para masawata ang mga iligal na aktibidad na may kinalaman sa anomalya sa pre activated sims.

 Sa kabila ng mga pagtatangka, tiniyak ng Globe ang commitment nitong mahigpit na ipatupad ang Sim Registration Act at plantsahin ang mga security measures para mapalakas ang consumer confidence at maiwasang magamit ang teknolohiya sa panloloko.

Patuloy na mangunguna ang Globe sa pagpapatupad ng cyber security measures para ma protektahan ang mga impormasyon at pondo ng consumers.

 Sa pagkakasa ng technological safeguards kasama sa cybersecurity framework ang comprehensive personnel training at public awareness initiatives kontra digital threats.

 Ang mga efforts na ito ayon sa Globe ay patunay ng commitment nang nangungunang telco para mapanatili ang pinakamataas na antas ng cybersecurity at pag adapt sa nag-iiba at nagbabagong digital landscape.

Patay ang isang lalaki habang nakikipag-inuman sa kanyang ex matapos saksakin ng kasalukuyang live-in partner ng babae sa Las Piñas City.

 Kinilala ang biktima na si John Patrick Beño, isang Engineer.

 Batay sa ulat, naabutan na nag-iinuman ang biktima at ex nito dahil dito, nagalit ang suspek.

 Matapos ang naganap na pananaksak, mismong ang suspek pa ang nagsugod sa biktima sa ospital.

 Nahaharap ang suspek sa kasong murder ngunit giit nito, hindi niya sinasadya at aksidente ang nangyari.