Home FEATURES METRO PATROL

METRO PATROL

NBI BUILDING

Nareskyu ng mga tauhan ng National Bureau of Investigation ang 7 babae kabilang na ang 3 menor de edad matapos iblackmail ng isang lalaki sa Biñan, Laguna.

Ayon sa mga biktima, niyaya umano silang makipag inuman ng isang lalaki kapalit ng pera pero nagulat na lamang sila matapos silang ibugaw sa online.

Agad na nakatanggap ng report ang mga otoridad mula sa isang concerned citizen at agad na nagsagawa ng operasyon dahilan ng pagkakareskyu sa mga biktima.

Sa ngayon, tinutugis na ng NBI-Biñan ang suspek sa pambubugaw habang isasailalim naman sa rehabilitasyon at counseling ng DSWD ang mga menor de edad. —sa panulat ni Angelica Doctolero

November 18, 2021 0 comment
0 Facebook Twitter Google + Pinterest
DO NOT CROSS

Tinutugis na ng mga tauhan ng Caloocan at Quezon City Police Station ang suspek matapos pagnakawan ang tatlong simbahan sa Caloocan at Quezon City.

Ayon sa mga otoridad, sinisilip na o pinoprofile na ang suspek matapos makuha ang tracker sa lugar.

Sa pahayag ng pari, nagulat nalang sila na nawawala na ang mga ciborium at bell.

Sa ngayon, patuloy pang iniimbestigahan ng mga otoridad ang pangyayari. —sa panulat ni Angelica Doctolero

November 18, 2021 0 comment
0 Facebook Twitter Google + Pinterest
arestado

Inaresto ng mga tauhan ng Pasig City Police Station ang 2 miyembro ng basag kotse gang matapos mangikil sa kanilang nabiktima sa Pasig City.

Kinilala ang mga suspek na sina, alyas Bert, 22-anyos, at alyas Jay, 41-anyos na parehong nahuli sa ikinasang entrapment operation.

Sa impormasyong nakuha ng mga otoridad, nanghingi ang dalawang suspek sa biktima ng cash para mabawi ang ninakaw na laptop at cellphone.

Nang makumpirma ng biktima ang pagkakakilanlan sa mga suspek ay agad itong inaresto ng mga pulis.

Nahaharap ngayon sa kasong robbery extortion ang mga suspek habang pinaghahanap pa ang isa pang suspek na sangkot sa pangingikil at sinasabing isang delivery rider. —sa panulat ni Angelica Doctolero

November 17, 2021 0 comment
0 Facebook Twitter Google + Pinterest
patay dead kill

Patay ang 72-anyos na rider ng motorsiklo matapos mabangga ng sasakyan sa lungsod ng Makati.

Ayon sa imbestigasyon, binangga ng motorsiklo na minamaneho ng 22-anyos na si Oliver Corros ang sinasakyan ni Romeo Bautista.

Tumilapon sa kalsada ang dalawa kung saan nakabangon at sugatan si Corros habang nasawi ang senior citizen sa naturang insidente.

Tumanggi namang magbigay ng pahayag ang pamilya ni Bautista at nais na ituloy ang kasong reckless imprudence resulting in homicide and damage to property laban sa suspek na nakadetine sa Makati City Police Station.  —sa panulat ni Airiam Sancho

November 10, 2021 0 comment
0 Facebook Twitter Google + Pinterest
PNP

Muli na namang isinailalim sa balasahan ang ilang opisyal ng Philippine National Police (PNP) bunsod ng nakatakdang pagreretiro ni Police Regional Office 6 o Western Visayas Director, P/BGen. Rolando Miranda.

Batay sa dokumentong nakalap ng DWIZ Patrol, epektibo ang rigudon sa Miyerkules, Nobyembre 10 na inaprubahan ni PNP Chief P/Gen. Guillermo Eleazar na magreretiro na rin sa Nobyembre a-13.

Malilipat si Miranda sa Office of the Chief PNP habang ang papalit sa kaniya sa Western Visayas si P/BGen. Flynn Dongbo mula sa Integrity Monitoring and Enforcement Group (IMEG).

Papalit naman kay Dongbo si P/BGen. Oliver Enmodias na mula sa Criminal Investigation and Detection Group (CIDG) na papalitan naman ni P/Col. Leumar Abugan na nagmula naman sa PNP Maritime Group.

Itinalaga naman si P/Col. Genaro Sapiera ng PNP Drug Enforcement Group na pumalit kay Abugan sa PNP Maritime Group  habang papalit naman kay Sapiera sa PDEG si P/Col. Fernando Ortega na mula sa Directorate for Plans.

Nakatakdang magretiro si Miranda sa Nobyembre a-16 na kasabay ng kaniyang ika-56 na kaarawan at mandatory retirement age para sa mga nasa unipormadong hanay.

November 9, 2021 0 comment
0 Facebook Twitter Google + Pinterest
pulis covid

Ipinag-utos ng liderato ng Philippine National Police ang pagsibak sa isang pulis dahil sa pagkakasangkot sa pagdukot sa isang Chinese national.

Nahaharap sa patong-patong na kasong kriminal ang suspek na si Pat. Josen Nino Ramos ng PNP Drug Enforcement Group matapos itong masakote kasama ang umano’y mga kasabwat nito na sina Conrad Hiro Liwanag, Ryan Joshua Turla at Oliver Asentista.

Sinasabing nagbayad ng P3.5 million na ransom ang pamilya ng biktimang si Chen De Jia kapalit ng kanyang kalayaan.

Nakumpiska sa operasyon ang 2 baril, mga bala, ilang patalim, motorsiklo, kotse, plaka ng sasakyan, cellphones, at umano’y shabu na nagkakahalaga ng halos P1 milyon.

October 31, 2021 0 comment
0 Facebook Twitter Google + Pinterest
PASAHERO,facemask,faceshield

Tuloy ang dagsa sa iba’t-ibang transport terminal ng mga biyaherong mag-u-undas sa kanilang mga probinsya,  sa kabila ng pagsasara ng mga sementeryo hanggang November 2.

Kabilang sa dinumog ang mga bus station sa Metro Manila, tulad ng Parañaque Integrated Terminal Exchange, Ninoy Aquino International Airport, Manila North at South Harbor maging ang Batangas Port.

Sinamantala ng mga pasahero ang long weekend upang makauwi at kahit nadaragdagan ay hindi pa ito maikukumpara sa mga nakasanayan bago magpandemya.

Tinaya ng Department of Transportation sa 164,000 ang naitalang departure ngayong Oktubre 2021 kumpara sa halos 49,000 sa kaparehong panahon noong isang taon.

Sa PITX, nasa 50,000 ang dumagsa kumpara sa 75,000 bago magkaroon ng pandemya.

Inihayag naman ni Batangas Port Manager Joselito Sinocruz na nasa 2,000 kada araw ang umaalis sa pier pero mas marami ang dumarating na patungong Metro Manila na aabot sa 4,000 hanggang 5,000.  —sa panulat ni Drew Nacino

October 30, 2021 0 comment
0 Facebook Twitter Google + Pinterest
242145738_439200750843916_5371694039299531456_n

Hinihikayat ng Pamahalaang Lungsod ng Taguig ang mga residente nito na samantalahin na ang libreng COVID-19 testing ngayong unti-unti nang nagbubukas muli ang ekonomiya sa ilalim ng Alert level 4.

Layon nitong panatihilin ang pangako ng LGU sa kanilang mamamayan na ipatupad ang Prevent, Detect, Isolate, Treat at Reintegrate (PDITR) strategy para labanan ang COVID-19.

Ayon kay Taguig City Mayor Lino Cayetano, naniniwala siyang malaking maitutulong ng mabilis na pagtukoy ng mga kaso ng COVID-19 para mapababa hanggang sa tuluyang pigilan ag pagkalat nito.

Dahil sa epektibong mga hakbang para labanan ang virus, nananatiling mababa ang naitatalang mga kaso ng COVID-19 sa Taguig City kumpara sa naitatalang mga bagong kaso sa Metro Manila.

Hinikayat din ni Cayetano ang mga mamamayan nito na maging mapagmatyag dahil nariyan pa rin ang banta ng virus at walang sinisino kahit na bakunado pa ang mga ito.

September 20, 2021 0 comment
0 Facebook Twitter Google + Pinterest
Dead-3

Patay sa pananambang ang isang hindi pa tukoy na lalaki sa Malate, Maynila.

Ayon sa Malate police bumabagtas ang biktima sa kahabaan ng M.H Del Pilar Street patungo sa gawi ng Quirino Avenue nang abangan ito ng isang naka-bonnet.

Huli sa CCTV ang ginawang pagbaril ng suspek sa biktima.

Agad naman na tumakas ang suspek matapos ang isinagawang krimen.

Tinutugis na ng awtoridad ang salarin sa pananambang. —sa panulat ni Rex Espiritu

August 3, 2021 0 comment
0 Facebook Twitter Google + Pinterest
buntis pregnant

Isang buntis na kukuha sana ng resulta ng kaniyang COVID-19 swab test ang biglang napaanak habang lulan ng tricycle sa Quezon City.

Hindi na nadala sa ospital si Angeline Rodriguez at ang mga contact tracer na lang ang tumulong sa kanyang manganak.

Kinilala ang mga contact tracer na sina Jocelyn Caliwanagan, Aileen Grace Nimer at Perwina Malat.

Maayos namang nailuwal ni Rodriguez ang kanyang anak na lalaki dahil pawang may medical background ang mga contact tracer na sumaklolo sa kanya.

Nakalabas na ng ospital si Rodriguez at ang kaniyang anak habang nagpasalamat siya sa mga contact tracer na tiyempong nakasabay niya sa biyahe. —sa panulat ni Drew Nacino

July 2, 2021 0 comment
0 Facebook Twitter Google + Pinterest