Ibinasura na ng korte sa Pangasinan ang kaso laban sa 83 anyos na si Lolo Narding Oleonardo Flores.
Magugunitang kinasuhan si Flores dahil umano sa pagnanakaw ng 10 kaing ng mangga mula sa mga puno ng kanyang kapitbahay sa bayan ng Asingan.
Ayon kay Atty. James Fernandez, abogado ni Lolo Narding, humingi na ng paumanhin sa complainant ang akusado.
Samantala, wala namang pahayag si Atty. Deo Navarro, abogado ng nagreklamong si Robert Hong.
Ilang driver at konduktor sa EDSA bus carousel ang nagkilos-protesta sa harap ng tanggapan ng Land Transportation Franchising and Regulatory Board dahil ilang buwan na umanong atrasado ang kanilang suweldo.
Ang EDSA bus carousel ay bahagi ng service contracting program ng gobyerno noong kasagsagan ng Covid-19 pandemic at libreng nagsasakay ng mga pasahero.
Mayroong pribadong kumpanya ang mga driver at konduktor subalit ipinabatid nila sa LTFRB ang kanilang hinanakit sa naiipit na sahod.
Gayunman, ikinagulat ng employer ang demonstrasyon ng mga driver at konduktor lalo’t tinutugunan naman umano ang kanilang pangangailangan.
Inihayag ni Ritchie Manuel ng ES Consortium na pinag-uusapan na sa pamamagitan ng National Conciliation and Mediation Board ang problema at nakikibahagi ang kompanya sa naturang mediation process.
Samantala, nilinaw ng LTFRB na nagagampanan nila ang kanilang obligasyon sa pagbabayad sa mga operator.
Patay ang dalawang lalaki na itinuturong nang-holdap sa isang gasolinahan matapos pumalag sa mga rumespondeng pulis araw sa Novaliches, Quezon City.
Ayon sa mga pulis, bago ang insidente ay nakatanggap sila ng report na isang gasolinahan na hinoldap ng riding-in-tandem.
Nang napuna nila ang mga suspek na nakatambay sa dilim na lugar naturang barangay kaya’t sinita nila ang mga ito.
Bigla umanong bumunot ng baril ang mga suspek at pinaputukan ang mga otoridad kaya naman apilitan naman ang mga ito na gumanti ng putok na nagresulta sa pagkamatay ng mga suspek.
Narekober naman ng mga pulis mula sa mga suspek ang dalawang baril at ang halos 13 thousand peso cash na siyang kita ng gasolinahang natangay ng mga ito.
Samantala, inaalam pa ng mga tauhan ng Quezon City Police District (QCPD) ang pagkakilanlan ng mga suspek, na kapwa nakasuot ng jacket at magkaangkas sa isang motorsiklo.—sa panulat ni Mara Valle
Arestado ang isang Jordanian national sa pagbitbit ng iligal na baril at pagiging marahas sa loob ng isang hotel sa Makati City.
Kinilala ang suspek na si Tarek Siam.
Ayon sa NBI, nakatanggap ng reklamo ang ahensya mula sa Makati Hotel and Residences Condominium Corporation na humihiling ng law enforcement assistance kaugnay kay Siam na bayolenteng nanghaharass sa mga empleyado ng hotel.
Binantaan din umano nito ang ilang security guards ng nasabing establisimyento habang may baril, nang suriin ng NBI-STF sa database ang criminal records ni Siam, nalaman na mayroon itong warrant of arrest na inisyu ng Manila Regional Trial Court dahil sa paglabag sa Special Protection Of Children Against Abuse, Exploitation, at Discrimination Act.
Sa bisa ng warrant of arrest, si Siam ay naaresto sa tinutuluyang hotel at narekober sa kanya ang isang glock 27 gen 4 at mga bala.
Sasampahan ng kasong paglabag sa RA 10591 o Comprehensive Firearms and Ammunition Regulation Act at paglabag sa The Omnibus Election Code.—sa panulat ni Mara Valle
Arestado ang dalawang lalaking may bitbit ng shabu sa bayan ngTtuy sa lalawigan ng Batangas.
Kinilala ang mga suspek na sina Mark John Mauricio, 37 anyos at Jeffrey España, 36 anyos.
Ayon sa Batangas Police, nagsasagawa sila ng inspeksyon para sa election gun ban sa isang checkpoint sa lugar, ngunit mabilis na tumakas ang mga suspek, na agad rin namang nakorner ng mga pulis.
Narekober ang dalawang sachet ng shabu sa loob ng bulsa at sa sling pouch ng mga suspek na napag-alaman ring kapwa walang lisensiya.
Samantala, nakakulong na ngayon sina mauricio at españa at nahaharap sa mga kasong paglabag sa Comprehensive Dangerous Drugs Act of 2002, pagmamaneho ng walang lisensya at sa paglabag sa election law.
Aabot sa mahigit 10 libong mga pre-registered na batang may edad 5 hanggang 11 ang target mabakunahan kontra COVID-19 sa lungsod ng Taguig.
Isinagawa ang bakunahan sa SMX Convention Center sa SM Aura gayundin sa Lakeshore vaccination hub mula ika-7 ng umaga hanggang ika-4 ng hapon simula Lunes.
Ayon sa lokal na Pamahalaan ng Taguig, ang mga batang sasalang sa pagbabakuna ay nakarehistro na sa TRACE o Taguig Registry for Access Engagement na sasamahan ng kanilang magulang o guardian.
Hinimok naman ng Pamalahalaang Lokal ang mga magulang sa Taguig na pabakunahan na ang kanilang mga anak upang mabigyan ng proteksyon kontra sa virus.
Kritikal ang kalagayan ng isang trenta’y siyete anyos na babae matapos saksakin sa iba’t ibang parte ng katawan ng isang hostage taker sa Antipolo City.
Kinilala ang biktima na si Teresa Lorena habang ligtas naman na naisalba ang dalawa pang hostage victim na sina Mary Grace Lorena, 25 anyos at 6 na buwang sanggol.
Batay sa imbestigasyon, pinasok ng suspek ang kanilang tahanan sa barangay mambungan sa nasabing lungsod.
Isinugod naman sa ospital ang hostage taker dahil sa mga tama ng bala sa katawan matapos na barilin ng otoridad.
Samantala, pagnanakaw ang hinihinalang motibo sa nasabing krimen. — Sa panulat ni Airiam Sancho
Patay ang tatlo katao sa sunog sa Caloocan City sa unang araw ng taong 2022
Ayon sa mga awtoridad, nagsimula ang sunog alas-4:20 ng madaling araw sa residential area sa Malonzo compound sa 4th avenue, Barangay 49.
Dalawa sa mga nasawi ay live-in partner na kapwa 19 anyos at ang ikatlong nasawi ay ang limang buwang gulang na anak nilang lalaki.
Natagpuan sa banyo ang ina habang karga at yakap ang kanyang anak.
Ang mga biktima ay nasawi dahil sa suffocation sa nasabing sunog na nakaapekto sa marami pang residente at tuluyang naapula matapos ang first alarm.
Nakumpiska ng mga otoridad mula sa isang suspek ang nasa P1.3 milyong halaga ng shabu sa Makati City.
Kinilala ang suspek na si Ronilo Buhay Andaya alyas “Ronnie”, 53-anyos na nakuhanan ng 200 gramo ng shabu sa 6th Avenue, Barangay East Rembo sa nabanggit na lungsod.
Ayon sa mga tauhan ng Southern Police District, agad nilang naaresto ang suspek matapos magpanggap na poseur buyer ang isa nilang tauhan para bumili ng shabu na nagkakahalaga ng mahigit apatnapung libong piso na shabu.
Paglabag sa sections 5, 11 at 12 ng Republic Act No. 9165 o Comprehensive Dangerous Drugs Act of 2002 ang kasong kakaharapin ng suspek. —sa panulat ni Angelica Doctolero
Arestado ang 8 indibidwal sa ikinasang buy-bust operation ng mga otoridad sa magkakahiwalay na lugar sa Cavite.
Unang naaresto ang sinasabing miyembro ng vedallio drug group na si Patrick Gañac, 20-anyos matapos makorner ng mga pulis sa Naic, Cavite at nakuha ang a6 na pirasong pinatuyong dahon ng marijuana, fruiting tops at buy-bust money.
Sunod namang naaresto ang 7 pang indibidwal kung saan, tig dalawang suspek ang nahuli mula sa General Mariano Alvarez at Tagaytay City habang tig-isang suspek naman ang nahuli sa Rosario, Trece Martires City at Bacoor City.
Nahaharap ngayon sa kasong Republic Act 9165 o Comprehensive Dangerous Drugs Act of 2002 ang mga naarestong suspek. —sa panulat ni Angelica Doctolero