Nanawagan ng donasyon ang Caritas Philippines para sa pagtatayo ng temporary shelters para sa mga naapektuhan ng pag-aalburoto ng bulkang Mayon.
Ayon kay Caritas National Director at Caceres Archbishop Tria Tirona, kung magpapatuloy ang pag-aalburoto ng bulkan ay tiyak na darami pang residente ng Albay ang magsisipaglikas.
Pag-nangyari aniya ito ay tiyak na kakalat ang mga sakit at magiging problema din ang seguridad ng mga kababaihan at mga bata.
Dahil dito, plano ng Caritas na patayuan ng temporary shelters ang may 500 pamilya.
—-
