Patay ang isang miyembro ng Citizen Armed Force Geographical Unit o CAFGU habang sugatan ang isa nitong kasama matapos pagbabarilin sa Barangay Centro Occidental Polangui, Albay, Lunes ng umaga.
Kinilala ang nasawi na si Arnilo Secretario, 40-anyos na miyembro ng CAFGU at residente ng Libon, Albay habang sugatan naman si Jonasis Bonit na taga-Polangui Albay.
Hindi naman tukoy pa ng mga awtoridad ang motibo at pagkakakilanlan ng mga salarin.
Nabatid na patungo sana ang dalawa sa isang road widening project sa Nabua, Camarines Sur nang maganap ang pamamaril.
—-
