Posibleng itaas ang buwis sa Pilipinas upang mabayaran ang utang ng bansa dulot ng krisis sa COVID-19 pandemic.
Ayon kay Finance Secretary Carlos Dominguez III, inihahanda na ng kanilang ahensya ang fiscal o tax consolidation plan na makakatulong upang mabayaran ang tumataas na utang ng bansa.
Nabatid na lumaki ang utang ng Pilipinas dahil sa mahigit dalawang taong paghihigpit sa restriksiyon dahilan para bumagsak ang ekonomiya.
Matatandaang inilaan ang nasabing utang ng bansa sa pagbili ng gobyero ng mga bakuna at iba pang medical supplies bunsod narin ng krisis sa COVID-19.
Base sa pinakahuling datos ng department of finance, nakalikom ang bansa ng kabuuang $22.55-B sa budgetary support financing noong buwan ng Enero a-14 2022. —sa panulat ni Angelica Doctolero
