Dapat nang baguhin at ayusin ang masamang sistema ng transportasyon sa paliparan.
Ito ang binigyang diin ni Top Gear Philippines Editor-in-Chief Vernon Sarne matapos umanong tangkain na singilin ng 1,800 sa Ninoy Aquino International Airport (NAIA) Terminal 2 gayung sa Mandaluyong City lang naman siya magpapahatid.
Ayon kay Sarne, tinanggihan niya ito at mas piniling maghintay sa pila ng mga metered-taxi na mas mababa naman nang kaunti.
Dahil dito, nanawagan si Sarne sa publiko na ngayong malapit na ang eleksiyon ay dapat maging wais sa pagpili ng kandidato na makatutulong upang maayos ang bulok na sistema sa NAIA.
“Meron na namang pagkakataon ang sambayanang Pilipino sa Mayo para pumili tayo ng tamang mga mamumuno talaga, yun na lang siguro ang panawagan ko hindi na sa gobyerno kundi sa mga taong bayan na lang, pumili naman tayo ng mga matitinong tao talaga na kayang solusyunan ang mga problema na ito.” Pahayag ni Sarne.
By Jelbert Perdez | Ratsada Balita
