MULING nanindigan ang Bureau of Corrections o BuCor na tama ang ginawa nitong pagpapasara sa isang kalsada sa Katarungan Village 1 at 2 sa Brgy. Poblacion, Muntinlupa City.
Ayon sa BuCor, sinusunod lamang ng ahensya ang kanilang mandato na siguraduhing ligtas ang New Bilibid Prison o NBP dulot na rin ng mga umano’y naitatalang illegal activities sa loob ng pambansang bilangguan.
Binigyang-diin ng bureau na may iba pa namang access roads tulad ng Daang Hari at Green Heights Subdivision na maaaring daanan ng mga nakatira sa Katarungan Village.
Matatandaang inihayag ng lokal na pamahalaan at ng Department of Justice o DOJ na walang koordinasyon sa kanila si BuCor Director Gerald Bantag bago binakuran ang naturang kalsada.