Maglalagay ng K9 units o Police dogs ang Bureau of Correction (BuCor) sa entry at exit point ng New Bilibid Prison (NBP).
Ayon kay BuCor Dir. Gen. Gregorio Pio Catapang Jr., naniniwala ang kanilang ahensya na malaki ang magiging ambag ng mga K9 dog dahil hindi marunong magsinungaling ang mga ito.
Bukod pa dito, hindi sila nasusuhulan at kung may naaamoy man ang mga aso hinggil sa mga kontrabando partikular ang mga baril, bomba at iligal na droga na nais ipuslit sa loob ng NBP, ay madali itong mahahanap.
Layunin ng ahensya na maresolba ang problema sa loob ng Bilibid matapos ang pagkasawi ng middle man sa lapid slay case.
