Arestado ang isang British national matapos sampahan ng kapwa dayuhan ng kasong cyber libel sa Negros Oriental.
Kinilala ng ang suspek na si Steven John Taylor, sisenta anyos.
Ayon sa mga otoridad, inaresto ng mga tauhan ng Negros Oriental Cyber Response Team matapos kasuhan si Taylor ng isang Australian National na nagsabing nagbintang ito na inaabuso niya ang kaniyang asawa.
Nabatid na sa bisa ng warrant of arrest na inilabas ni Judge Gerardo Ancheta Paguio Jr. ng RTC Branch 40, Dumaguete City, Negros Oriental, inaresto si Taylor sa paglabag sa RA 10175 o Cybercrime Prevention Act at may nirekomendang piyansa na P10,000.
Sa ngayon, hawak na ng Valencia City Police ang suspek. —sa panulat ni Mara Valle
