Pinababasa ni British Ambassador to the Philippines Asif Ahmad kay Presidential Spokesman Ernesto Abella ang buong report at huwag lang ang headlines bago mag komento.
Kasunod ito ng reaksyon ni Ahmad matapos mabasa sa tweet ng DWIZ ang pagbatikos sa kanya ng Malakanyang matapos siyang magsalita sa iba’t ibang usapin.
Una nang binatikos ni Ahmad na nakapagsasalita ng basic Filipino words ang plano ng Duterte administration na buhayin ang death penalty sa isang artikulong may titulong “Change Has Come, But Not in A Good Way”.
Sinagot naman ni Abella ang pagbatikos ni Ahmad sa pagsasabing ang obserbasyon nito ay hindi nagmumula sa isang Pilipino na siyang dapat nagpapalabas ng tunay na sentimiyento sa mga nangyayari sa bansa.
By Judith Larino
