Inaasahan na mas maraming Pilipino ang uuwi sa bansa para magdiwang ng pasko.
Ayon kay Bureau of Quarantine (BOQ) Deputy Director Dr. Roberto Salvador, ang mga uuwing pilipino mapa-overseas man o banyaga ay inaanyayahan na maagang magrehistro sa onehealthpass.com.ph upang walang maging abala o problema sa pagdating sa airport ng Pilipinas.
Aniya, matitiyak ng BOQ na wala pang sampung minuto ay mapoproseso nila sa airport ang mga uuwi ng bansa kung makumpleto ang rehistrasyon sa nasabing portal.
Samantala, nilinaw naman ni Salvador na mas maluwag ang ibinabang protokol ng Inter-Agency Task Force (IATF) pagdating sa mga OFW na magpiprisinta ng vaccination card.
Aniya, tinatanggap ng BOQ ang anumang vaccination card na ipapakita at susundin pa rin nila ang quarantineguidelines na binigay ng IATF sa mga bansa na nasa red, green at yellow countries. —sa panulat ni Airiam Sancho