Nagsagawa ng inspeksiyon ang Bureau of Correction (BuCor) sa New Bilibid Prison sa Muntinlupa City maging sa Sablayan Prison and Penal Farm sa Mindoro Occidental.
Pinangunahan ni Justice secretary Jesus Crispin Remulla ang Onsite inspection kasama si BuCor Director General Gerald Bantag at iba pang BuCor personnel.
Ito ay para alamin ang lokasyon, layo, at laki ng lupa maging ang mga programa, serbisyo at reporma na balak ipatupad sa correctional system sa bansa.
Ayon kay Remulla, mas madaling mababantayan ang mga preso na nasentensyahan ng hukuman dahil sa iba’t ibang krimen, katulad ng murder, rape, kidnapping, drug-trafficking at iba pa.
Matatandaang kabilang ang BuCor sa tatlong attached agencies ng Department of Justice (DOJ), na nais matutukan ng ahensya makaraang masangkot sa katiwalian at presensya ng iba’t ibang sindikato sa loob ng piitan.
