Inihayag ng pamahalaan ng Estados Unidos na kinakailangang magsumite ng negatibong resulta sa COVID-19 test ang mga biyahero mula sa United Kingdom bago payagang makapasok ng Estados Unidos.
Ayon sa Center for Disease Control and Prevention (CDC), ang negative COVID-19 result ng pasaherong mula UK, ay dapat isinagawa sa loob ng 72 oras o tatlong araw bago ang pagbiyahe.
Paliwanag ng CDC, ang naturang hakbang ay pag-iingat sa banta ng bagong strain ng COVID-19 na naunang natuklasan ng mga eksperto sa UK.
Kasunod nito, sa pagtataya ng CDC, ang bagong strain ng virus, ay 70% mas mataas ang tiyansa o mabilis na kumalat.