Bumaba pa sa 2.24 milyon ang bilang ng mga Pilipinong walang trabaho sa bansa nitong Oktubre.
Batay sa datos na inilabas ng Philippine Statistics Authority (PSA) ngayong araw, mas mababa ito sa 2.5 milyon na naitala noong Setyembre at 3.5 milyon noong Oktubre nakaraang taon.
Katumbas naman ang tala ng national unemployment rate na nasa 4.5%.
Maliban sa unemployment rate, tumaas naman ang underemployment rate o yung mga Pilipinong nangangailangan ng mas maraming trabaho.
Sa huling tala, sumampa ito sa 6.67 milyon, na 17.8% mas mataas kumpara sa 6.54 milyon noong Hulyo ngayong taon.
Ang ika-apat na quarter ng taon ay itinuturing na pinakamalakas para sa mga negosyo, dahil inaasahang tataas ang paggasta ng consumer sa panahon ng kapaskuhan.