Ipinagmalaki ng pinuno ng US Special Operations na mahigit 60,000 miyembro na ng ISIS ang napatay ng Amerika at mga kaalyado nito.
Ayon kay Gen. Raymond “Tony” Thomas, malaki ang papel ng US Elite Special Operations Troops na kinabibilangan ng Navy Seals at Army Green Berets sa pakikipaglaban sa teroristang grupo.
Pinaigting pa ng US-led coalition ang pagsasagawa ng airstrikes laban sa ISIS sa Raqqa, Syria habang nagpapatuloy din ang pambobomba ng US at Iraqi troops sa Mosul.
Nilinaw naman ni US Defense Spokesman Christopher Sherwood na ang nasabing bilang ay pagtaya lamang ni Thomas at hindi ito maituturing ‘precise figures’.
By Jelbert Perdez
Credit to: CNN Philippines