Nagsagawa ng bike rally at agroecology fair sa Quezon City kasunod ng paggunita sa World Hunger Day. Pinangunahan ito ng Youth Peasant Advocacy Group na National Network of Agrarian Reform Advocates (NNARA) na may “Temang Padyak Kontra Kagutuman”
Nakiisa ang mga biker mula sa iba’t ibang organisasyon upang ipaalam ang kanilang mga panawagan sa administrasyong Marcos Jr., na tugunan ang krisis sa pagkain.
Panawagan ni NNARA Advocate chairperson Zoe Caballero sa administrasyong Marcos na suportahan ang mga magsasaka at palakasin ang lokal na produksyon.
Muli namang inilunsad sa naturang pagdiriwang ang “kanin, isda at iba pang likha ng bansa, idepensa!” na kung saan ibinahagi ng mga pinuno ng mga magsasaka mula sa iba’t ibang rehiyon ang kanilang kalagayan at kahilingan.
Layunin ng naturang agenda ang pagpapalakas sa agrikulturang Pilipino, paunlarin ang mga industriya sa kanayunan at pambansa, reporma sa lupa, at iba pa.—mula sa panulat ni Maize Aliño-Dayundayon
