Patay sa buy bust operation ang isang big time drug pusher sa Naga City sa Camarines Sur.
Kinilala ni Police Master Sergeant Tobias Bongon, tagapagsalita ng Naga City police ang suspected drug pusher na si Ryan Nolasco, 36 anyos, residente ng bayan ng Magarao.
Ani Bongon, sinubukang magbenta ni Nolasco ng isandaang gramo ng shabu na nagkakahalaga ng halos P700-K sa barangay Carolina bandang alas-9:45 kagabi.
Nang tila mapansin ng suspek na kahina-hinala ang perang ibinayad sa kaniya, binitiwan niya ito at agad bumunot ng baril at ipinutok sa undercover na pulis.
Dito na gumanti ng putok ang iba pang pulis kung saan tinamaan si Nolasco.
Ayon kay Bongon, kinukuha ng suspek ang kaniyang suplay ng iligal na droga sa Metro Manila.
