Hindi nababahala ang BIFF o Bangsamoro Islamic Freedom Fighters sa deklarasyon ng Martial Law sa buong Mindanao.
Sa katunayan, sinabi ni BIFF Karyakan Faction Spokesman Abu Amir, nananatili silang nasa defensive position at nakahandang depensahan ang kanilang mga sarili kung susugurin ng mga sundalo at pulis.
Sa panig naman ni Abu Misry Mama, tagapagsalita ng BIFF Kumander Bungos Faction, sinabi nito na hindi sila natatakot sa deklarasyon ng batas militar dahil hindi na bago sa kanila ang pagtugis ng mga otoridad at pakikipagbakbakan sa mga sundalo.
By: Meann Tanbio
