Isa umanong dating opisyal ng Social Security System (SSS) ang nasa likod ng sinasabing pag-leak ng report ng Commission on Audit (COA) na kumukwestyon sa 60 Million Peso ad placement ng Department of Tourism (DOT) sa programa ng broadcaster na si Ben Tulfo sa PTV 4.
Ito ang inihayag ng Tulfo sa gitna ng mga kinakaharap na issue ng kanyang kapatid na si Tourism Secretary Wanda Teo.
Ayon kay Tulfo, nakatanggap siya ng impormasyon na isang sinibak na SSS official na ini-re-appoint sa D.O.T. ang nakipag-usap sa ilang taga-media na isiwalat ang issue laban sa kanyang kapatid dahil nais umano ng nasabing opisyal na palitan si Teo sa posisyon.
Bagaman hindi pinangalanan ang sinasabing opisyal na kaalyado ni Pangulong Rodrigo Duterte, tila tinutukoy ng broadcaster si Tourism Undersecretary Jose Gabriel “Pompee” La Viña na itinalaga lamang sa kagawaran noong isang linggo.
