Nakiisa ang grupong bagong alyansang Makabayan o Bayan sa mga mamamayan ng Amerika sa pagkapanalo ni President elect Joe Biden.
Ayon kay Bayan Sec/Gen. Renato Reyes, ang tagumpay ni Biden ay tagumpay laban sa mapaniil at pasistang rehimen ni incumbent President Donald Trump.
Kailangan lamang aniyang magtulungan ang malawak na hanay kasama ang mga nasa laylayan at iba pang progresibong puwersa upang gapiin si Trump.
Kasunod nito, ibinalik ni Reyes ang mga katagang madalas bitiwan ni Trump sa dati nitong programa sa telebisyon na “The Apprentice” na: “You’re fired!”
Marapat lamang aniyang ipagpatuloy ang laban ng mga mamamayan ng Amerika para sa reporma lalo na sa pagtugon nito sa coronavirus disease 2019 (COVID-19) pandemic.
Gayunman, sinabi ni Reyes na hindi sila umaasang bibitiw ang Amerika sa kanilang paninindigan sa Pilipinas bilang neo-koloniya ng Amerika kaya’t patuloy aniya nila itong babantayan.
