Muling inilatag ng Inter Agency Task Force (IATF) ang mga gagamiting batayan ng technical working group kung pahahabain o tatanggalin na ang enhanced community quarantine.
Ayon kay IATF Spokesman at Cabinet Secretary Karlo Nograles, una na rito ay kung dumarami o kumokonti ang kaso at kung gaano ito kabilis o kabagal dumami.
Ikalawa ang kapasidad ng ating health care system tulad ng pagkakaoon ng sapat na quarantine facilities, kapabilidad sa contact tracing, sapat na gamit tulad ng PPE’s at testing kits.
Ikatlo ang social factors, economic factors at ika-lima ang security factors.
Hindi ko pa masabi ngayon kung kailan ilalabas ang desisyon sa ECQ, pero makakasiguro kayo na sa desisyon na ito papakinggan natin, ng IATF at ni Pangulong Duterte at lahat ng mga eksperto, bago makarating sa napaka-importanteng desisyon na ito,” ani Nograles.
