Nasawi ang 5 taong gulang na batang lalaki nang malunod sa isang dam sa bayan ng Marcos, Ilocos Norte nitong linggo.
Batay sa panayam kay Marcos PNP Police Chief Lt. Rudy James Jacalne kasama ng bata ang lola, tiyahin at kapatid nitong babae sa dam nang maganap ang insidente.
Ayon sa salaysay ng lola nito, napansin niyang nawawala ang kanyang apo habang ito ay naglalaba at nakitang nakalutang na sa dam ang naturang bata.
Dagdag ni Jacalme, hindi napansin ng lola nito na naligo pala ang bata sa aabot sa may pitong talampakan lalim ng dam.
Samantala, sinubukan namang dalhin sa ospital ang bata subalit huli na ang lahat.
