Naglalayag na rin ang mga barko ng China sa Eastern Side ng Pilipinas o sa dagat na nakaharap sa Pacific Ocean, bukod sa West Philippine Sea.
Kinumpirma ni Defense Secretary Delfin Lorenzana na namataan ang mga survey ship ng China sa Benham Rise na malapit lamang sa Isabela.
Sinabi ni Lorenzana na tatlong araw na aniyang naroon ang mga nasabing barko at naghahanap umano ng madadaan.
Dahil dito, inatasan ni Lorenzana ang Philippine Navy na sitahin at itaboy palayo ang mga barko ng China sakaling muli itong makitang naglalayag sa Benham Rise na sakop ng teritoryo ng Pilipinas.
By Judith Larino |With Report from Jonathan Andal
