Arestado ang kapitan ng barangay Cabantian, Manticao, Misamis Oriental dahil sa iligal na droga.
Kinilala ito na si kapitan Marvin Tagalogon na ika-anim sa PNP-PDEA provincial level target list at ikinukunsiderang high value target sa droga.
Ayon kay PNP Region 10 Director Chief Superintendent Timoteo Pacleb, naaresto si Tagalogon sa kanyang bahay kaninang alas-5:30 ng umaga nang hainan ito ng search warrant para sa illegal drugs at illegal possession of explosives and ammunition.
Narekober mula sa kapitan ang 4 na sachet ng hinihinalang shabu, 1 granada at 4 na piraso ng bala ng shotgun.
Ayon kay Pacleb, resulta ito ng mas pinaigting nilang paghabol sa mga nasa ‘narco-list’ ng Pangulong Rodrigo Duterte.
—-
