Patuloy na lumalakas ang bagyong Lando at ito ay nagbabanta na sa bahagi ng Isabela – Aurora.
Huli itong namataan ng PAGASA sa layong 585 kilometro sa silangan ng Baler, Aurora.
Taglay nito ang pinakamalakas na hangin na umaabot sa 130 kilometro kada oras malapit sa gitna at pagbugso na umaabot sa 160 kilometro kada oras.
Kumikilos ito pa – kanluran sa bilis na 15 kilometro kada oras.
Nakataas ang storm signal #2 sa Aurora at Isabela, habang nasa signal #1 naman ang Cagayan, Kalinga, Mt. Province, Ifugao,Benguet, Nueva Viscaya, Quirino, Nueva Ecija, Bulacan, Pampanga, Tarlac, Pangasinan, Rizal, Quezon kasama ang Polillo Island, Camarines Norte, Camarines Sur at Catanduanes.
Paalala ng Coast Guard
Sinabihan ng Philippine Coast Guard ang mga mangingisda at may-ari ng mga maliliit na sasakyang pandagat na huwag maging matigas ang ulo.
Kasunod ito ng paglakas at pagbabanta ng bagyong Lando sa Luzon.
Sinabi ng Coast Guard na makabubuting ipagpaliban muna ng mga mangingisda lalo na ang mga gumagamit ng mga bangka na mas magaan sa 500 gross tons, ang paglalayag, upang maiwasan ang mga trahedya sa karagatan.
By Katrina Valle | Aya Yupangco (Patrol 5)
