Isa nang ganap na full pledged Police General si Philippine National Police (PNP) Chief Dionardo Carlos.
Mismong si Pangulong Rodrigo Duterte ang siyang naggawad ng ika-apat na estrelya kay Carlos sa ginawang donning of ranks kagabi sa Palasyo ng Malakaniyang, hudyat ng pag-angat nito sa ranggo.
Si Carlos ang ika-27 Hepe ng PNP kapalit ng nagretiro nang si Gen.Guillermo Eleazar at ika-7 sa mga itinalaga ni Pangulong Duterte sa ilalim ng kaniyang Termino.
6 na buwan manunungkulan sa pwesto si Carlos na nagtiyak ng pagpapatuloy sa magagandang nasimulan ng kaniyang mga sinundang PNP Chief at naglunsad ng Double Barrel Finale 2022 na siyang tatapos sa mga sindikato.
Sa kaniyang panig, labis na nagpasalamat si Carlos sa tiwala at kumpiyansang ibinigay sa kaniya ni Pangulong Duterte para pamunuan ang hanay ng Pulisya. —sa ulat ni Jaymark Dagala (Patrol 9)
