Nagpalabas na ng bagong kautasan kaugnay sa pagsasagawa ng field trips ang Department of Education o DepEd.
Ayon kay DepEd Undersecretary Tonisito Umali para maiwasan na ang mga aksidente o anumang problemang maaaring kaharapin sa mga aktibidad sa labas ng paaralan, inilabas na ang DepEd Order Number 66 para sa mga off campus activities kagaya ng camping at field trips.
Nakasaad dito na dapat kasama na sa annual improvement plan ng eskuwelahan ang lahat ng aktibidad sa labas ng paaralan at aprubado ng division head.
Dagdag ni Umali mayroon na ring isang consent o guardian form na ang gagamitin para sa lahat ng aktibidad upang masiguro na hindi lumalabas na maaabswelto ang eskwelahan sa lahat ng pananagutan.
Gayundin ang paghihigpit sa mga gagamiting sasakyan kung saan dapat ay may certificate na galing sa Land Transportation Franchising and Regulatory Board o LTFRB o kaya ay sa Land Transportation Office o LTO.
—-
