Muling ipinasilip ni Pangulong Rodrigo Duterte ang bagong drug matrix na naglalaman ng mga pangalan at koneksyon ng mga drug personality sa Lanao Del Sur at iba pang lugar partikular ang mga tumulong sa grupong ISIS-Maute.
Ayon kay Pangulong Duterte, ang mga pulitiko at iba pang personalidad sa matrix ay nangalap ng pondo para sa grupong Maute at mga kaalyado nito bago at kasagsagan ng bakbakan sa Marawi City.
Tatlong buwan anyang nangalap ng intelligence report para mabuo ang listahan na patunay na halos malugmok sa pagiging narco-state ang Visayas at Mindanao.
Kabilang sa narco-list ang napatay na si Ozamiz City Mayor Reynaldo Parojinog; dating Marawi Mayor Solitario Ali, kapatid na si Fahad Salic at anak na si Arafat na financier umano ng Maute.
SMW: RPE
