Nagpasalamat Armed Forces of the Philippines (AFP) sa donasyong eroplano sa Philippine Army ng Semirara Mining and Power Corporation na pag-aari ng pamilya Consunji.
Kahapon, nilagdaan ang Deed of Donation sa turnover ceremony ng Segunda-Manong Short Brothers & Harland SD3-30 na isang twin-engine turbo-prop aircraft at may kapasidad na hanggang 27 pasahero sa Ninoy Aquino International Airport (NAIA), Pasay City.
Ayon kay AFP Chief of Staff General Andres Centino, malaki ang maitutulong ng donasyon para mapalakas ang kakayahan ng Army Aviation Forces.
Gagamitin ng Philippine Army ang eroplano sa pagbibigay ng suporta sa ground troops. —sa panulat ni Mara Valle