Judith Estrada-Larino

Bahala na ang mga employer na magpasya kung tatapusin na ang work from home (WFH) set up ng kanilang mga empleyado.

Ito ayon sa DOLE ay matapos ibaba sa Alert level 2 ang quarantine classification sa Metro Manila.

Gayunman, sinabi ni Sergio Ortiz-Luis, pangulo ng Employer’s Confederation of the Philippines (ECOP) na posibleng hindi muna nila papasukin ang ilang empleyado nila dahil sa problema ng transportasyon.

Kailangan din aniyang ikunsider ang espasyo sa mga opisina na hindi na kakayaning ma accommodate ang lahat ng mga empleyado sa gitna na rin nang ipinatutupad na physical distancing.

Ikinukunsider na ng MMDA ang pagbabalik ng number coding scheme, ngayong nasa Alert level 2 na ang Metro Manila.

Ito ayon kay MMDA Chairman Benhur Abalos ay kasunod na rin nang pagdagsa muli ng mga motoristang dumadaan sa Edsa at iba pang mga pangunahing kalsada.

Ipinabatid ni Abalos na mahigit 400,000 sasakyan kada araw ang dumadaan sa Edsa at kulang na lamang ito ng 5,000 para maibalik na sa dati ang mga bumabyahe rito o bago pa ang pandemya.

Hindi aniya kaagad naibalik ang number coding dahil ang edsa ang dinadaanan ng ilang empleyadong pumapasok sa trabaho lalo na ng mga frontliners.

Pansamantalang natigil ang operasyon ng LRT 2 matapos magka problema sa signaling system nito.

Ayon sa Light Rail Transit Authority (LRTA), naapektuhan ang operasyon ng LRT 2 mula Recto hanggang Antipolo stations at pabalik kaninang alas siyete ng umaga.

Humingi naman ng paumanhin ang pamunuan ng LRT 2 sa nangyari kasabay nang agarang pag resolba sa problema.

Sadyang malaking tulong lalo na ngayong may pandemya ang malakas na signal ng internet.

Kaya namang 3 kilalang social media personalities ang nagbahagi ng mga benepisyong hatid ng Globe at kung bakit sa kasalukuyan ay #besttimewithglobe.

Kabilang sa mga personalidad na ito ang 25-year-old na si Dr. Kilimanguru, host DJ na si jhai Ho, at ang komedyanteng si Kiray Celis.

Sinabi ni Dr. Kilimanguru o Winston Tiwaquen sa tunay na buhay at isang lisensiyadong doktor na malaking tulong sa kanya ang globe data para maipaabot sa mahigit 5 milyong followers niya sa tiktok at facebook dahil sa mga simpleng payo at impormasyong pangkalusugan.

Ayon kay Dr. Kilimanguru, malaki ang bahagi ng Globe para mapanatili siyang updated at konektado hindi lang sa kanyang mga pasyente at mga fans kundi maging sa kanyang pamilya.

Puno naman ng magagandang memories si DJ Jhai Ho sa mahigit 10 taon niyang pagiging customer ng Globe kung saan naka depende siya simula pa noong high school lalo nat nagagamit niya ang globe rewards nito.

Halos lumaki na si Kiray na kasama ang Globe na maganda aniya ang serbisyo na nagsisilbing daan para mabilis niyang makontak ang kanyang pamilya dahil ito ang mayruong pinakamalakas na signal sa buong bansa.

Bukod sa mga promo, mayroon ding perks at rewards ang Globe gaya ng device deals, plan discounts, at sim samplers samantalang maaari ring mapakinabangan ng mga customer ang mga digital platform gaya ng Gcash at healthtech services na konsulted at healthnow at iba pang mga benepisyo para sa mga customer.

Naitala ang pinakamababang active cases ng COVID-19 sa bansa na nasa 57,763 mula noong Hulyo 29.

Ito ayon sa DOH ay matapos maitala sa 4,405 ang mga bagong kaso ng COVID-19, dahilan kaya’t sumirit sa mahigit 2.7 milyon na ang kumpirmadong kaso ng virus sa bansa.

Sinabi ng DOH na mula sa mga active cases, 76.2% ang mild, 6.5% ang asymptomatic, 5.3% ang severe at 2.3% ang critical condition.

Samantala, sumirit pa sa halos 2.7 milyon ang total recoveries matapos madagdag ang 7,561 na mga bagong gumaling sa nasabing virus.

Pumapalo na sa halos 42,000 ang death toll kabilang na ang 149 na mga bagong nasawi sa nasabing virus.—mula sa ulat ni Aya Yupanco (Patrol 5)

Binigyan na ng gobyerno ng P1 bilyon ang LTFRB para itulong sa mga driver sa gitna na rin nang pagsirit ng presyo ng oil products.

Ayon sa Development Budget Coordination Committee (DBCC), ang nasabing pondo ay magsisilbing cash grant sa halos 180 thousand PUV drivers hanggang sa susunod na buwan bilang bahagi ng pantawid-pasada program ng LTFRB.

Huhugutin ang pondo sa fiscal year 2021 unprogrammed appropriations sa ilalim ng Support for Infrastructure Projects at social programs.

Ngayong araw na ito ikinasa ang ika-9 na sunod na linggong oil price hike.

Naitala sa bansa ang unang kaso ng B.1.1.318 variant ng COVID-19.

Ayon sa DOH, na-detect ito mula sa isang 34 anyos na lalake na dumating sa bansa mula sa United Arab Emirates noong March 5.

March 10 naman nang makolekta ang sample nito mula sa Philippine Red Cross at maka-rekober sa sakit noong March 21.

Nabatid na mula sa Bacolod City ang lalake.

Ayon kay Health Undersecretary Maria Rosario Vergeire, ang variant na ito ng COVID ay under monitoring batay sa klasipikasyon ng World Health Organization.

Gayunman sinabi ni Vergeire na walang dahilan para mag-panic ang publiko.

Niluluto na ang muling paghaharap ng itinuturing na mortal na magkaribal sa boxing ring na sina Manny Pacquiao at Floyd  Mayweather sa Las Vegas, Nevada.

Pero sa pagkakataong ito, magkakasagupa ang dalawa sa isang charity basketball.

Wala pang inilabas na petsa ng nasabing charity games, ngunit posible umano itong gawin bago ang kaarawan ni Pacquiao sa Disyembre 17.

Batay sa impormasyon kaugnay sa gagawing set-up, bubuo sina Pacquiao at Mayweather ng 10-man team kabilang ang dalawang dating NBA players.