Judith Estrada-Larino

Mahigpit nang tinututukan ng gobyerno ang pag aayos pa ng mga sistema sa mga vaccination sites para ma-accommodate ang mga walk ins.

Ipinabatid ito ni Acting Presidential Spokesperson Karlo Nograles sa gitna na rin nang paghahanda ng gobyerno sa ikalawang bugso ng bayanihan bakunahan National Vaccination Days sa December 15 hanggang 17.

Ayon kay Nograles, dapat maayos ang sistema sa mga walk ins at maipaliwanag sa mga Pilipino na hindi dapat mamili ng brand ng bakunang ituturok sa kanila dahil ang lahat ng COVID-19 vaccines ay ligtas at epektibo.

Itinakda ang second wave ng National Vaccination Drive para maabot ang target na mabakunahan kontra COVID-19 ang nasa 54 million filipinos bago matapos ang taong ito.

Nagpasok ng not guilty plea ang apat na miyembro ng Kingdom of Jesus Christ sa sex at labor trafficking charges sa Amerika.

Kabilang sa mga miyembrong ito ng grupo ni Pastor Apollo Quiboloy na nag plead ng not guilty sa virtual hearing sina Guia Cabactulan, Amanda Estopare at Marissa Duenas , pawang mga naka base sa Southern California.

Ang mga naturang miyembro ay una nang napabilang sa orihinal na indictment na nagresulta sa isinagawang raid ng FBI sa KOJC Compound sa Van Nuys California.

Nagmula naman sa Hawaii si Felina Salinas para sa unang paglantad niya sa korte virtually at naghain din ng not guilty plea.

Umapela ang DOH sa publiko na magpabakuna sa tatlong araw na National Vaccination Drive simula bukas, Lunes, November 29.

Nakiusap din ang DOH sa magpapabakuna sa sumunod sa public health standards para hindi maging COVID-19 super spreader events ang nasabing aktibidad sa loob ng tatlong araw.

Pinayuhan ni Dr Beverly Ho, Director 4 ng Health Promotion Bureau at Disease Prevention and Control Bureau ng DOH ang mga magpapabakuna na palagiang paalalahanan ang bawat isa sa pila na isuot ng maayos ang face mask at sumunod sa physical distancing.

Pinaalalahanan din ng DOH ang mga walk in partikular ang senior citizens at may comorbidities na magpatala na sa kanilang LGU’s para maiwasan ang overcrowding.

Nanawagan ang Quirino Memorial Medical Center sa mga hindi pa nababakunahang close contact ng COVID-19 patients na sumali sa ikatlong yugto ng pag-a-aral sa mga epekto Molnupiravir bilang gamot kontra COVID-19.

Ayon kay Dr. Joel Santiaguel, Clinical Investigator ng QMMC pinahigpit ang requirements sa third phase ng clinical trials ng Molnupiravir na kinabibilangan ng exposure sa kahit isang miyembro lamang ng bahay na mayruong COVID-19 patient.

Inihayag ni Santiaguel na hindi u-ubrang isali sa third phase ng clinical trials sa Molnupiravir ang mga nabakunahan na, kung ang pasyente ay positibo na o kung masyadong marami sa bahay ang nag positibo sa COVID-19.

Ang Molnupiravir ay kauna unahang oral anti viral drug na nakikitang pipigil sa mild to moderate cases ng COVID-19 para lumala pa o dumating sa puntong ma ospital ang pasyente.

Inirekomenda ng DOH ang pagbabawal makapasok sa bansa ng mga magmumula sa Hong Kong matapos lumutang ang bagong variant ng COVID-19 sa South Africa.

Ayon kay Health Secretary Francisco Duque III, sumulat na sila kay Eecutive Secretary Salvador Medialdea na kaagad aksyunan ang kanilang rekomendasyon para makatiyak na hindi makakapasok sa bansa ang B.1.1.529 variant.

Una nang inaprubahan ng IATF ang pagsuspindi ng inbound international flights mula sa South Africa, Botswana at iba pang bansa na mayruong kaso o posibleng mapasukan ng nasabing bagong COVID-19 variant ilang linggo bago ang pasko.

Hindi pa umano nahahanap nina Pharmally Executives Linconn Ong at Mohit Dargani ang mga kahon kahong dokumento may kaugnayan sa financial statements ng nasabing kumpanya.

Ibinunyag ito ng Office of the Sergeant at Arms (OSAA) ng senado matapos ipag-utos ng mataas na kapulungan ang paglipat kina Ong at Dargani sa Pasay City Jail.

Ayon kay Senate Sergeant at Arms Retired Major General Rene Samonte na naka hold pa ang pagtungo sa Pasay City Jail ng dalawang opisyal ng Pharmally matapos magbigay si Dargani ng mga posibleng lugar kung saan makukuha ang mga kahong naglalaman ng financial documents ng kumpanya.

Sinabi ni Samonte na pinatitiyak niya kay Dargani kung alam nitong puntahan ang lugar kung saan naruon ang kahon kahong dokumento na kinabibilangan ng opisina, bahay at bodega.

Suportado ng Lakas CMD ang pangulong rodrigo duterte at administrasyon nito.

Kasunod ito ng alegasyon ni butch belgica ng pdds o pederalismo ng dugong dakilang samahan na ilang kaalydo ng administrasyon ang nagsasabwatan laban kay duterte.

Sa ipinalabas na advisory ng Lakas CMD at mga partner nito sa uni team alliance tiniyak nito ang full support sa pangulo at sa administrasyon kayat dapat nang itigil ni Belgica ang pang-i-intriga nito na naghahati sa mga puwersang loyal sa Pangulong Duterte.

Sinabihan din ng lakas CMD at uniteam alliance si Belgica na itigil na rin ang maruming pamumulitika.

Bumulusok ang stock market gayundin ang presyo ng langis dahil sa banta ng bagong variant ng COVID-19.

Kasunod na rin ito nang babala ng experts na ang B.1.1.529 COVID-19variant na mula sa South Africa ay mapaminsala at nakakahawa.

Tiwala naman ang business experts na alam ng mga bansa ang kanilang gagawin matapos ang naging karanasan sa Delta at Beta variants.