Judith Estrada-Larino

Iginigiit ng mga operator ng provincial buses ang full operations nila sa Metro Manila.

Ipinabatid ni Alex Yague, Executive Director ng nagkakaisang samahan ng nangangasiwa ng Panlalawigang Bus sa Pilipinas Incorporated na nasa 15% lamang ng mga dating prangkisa ang operational sa kasalukuyan.

Sinabi ni Yague na nagtataka sila kung bakit wala pa silang go signal na makapasok sa Maynila gayung hindi naman sila dadaan ng Edsa para makarating sa kanilang terminal kundi tatawig lang sa nasabing kalsada.

Magugunitang binuksang muli ng LTFRB ang Inter Regional Routes ng mga Provincial Bus.

Isinusulong ni House Deputy Speaker Bernadette Herrera ang pagpupulong sa lalong madaling panahon ng Development Budget Coordination Committee (DBCC).

Ito ayon kay Herrera ay para mapagtibay ang rekomendasyon ng Komite sa Pangulong Rodrigo Duterte na suspendihin ang Excise Tax sa langis sa gitna na rin nang patuloy na pagtaas sa presyo ng oil products.

Sinabi ni Herrera na bahagi ng mandato ng DBCC sa ilalim ng Republic Act 10963 o Tax Reform for Acceleration and Inclusion Law ang pagpapa suspindi ng Excise Tax, bagamat hindi lamang ito ang maaaring gawin ng Komite.

Uubra aniyang magtakda ng parameters at metrics ang DBCC sa implementasyon ng nasabing Fuel Tax Suspension.

Kasabay nito, iminungkahi ni Herrera ang sampung porsyentong diskuwento sa pamasahe, NFA rice at iba pang benepisyong panlipunan.

Nagsasabwatan umano ang iba pang e-sabong licensee kabilang ang isang retired PNP Chief at mga dati at kasalukuyang kongresista laban kay Charlie Atong Ang.

Ito ang ibinunyag ni Ang sa pagharap niya sa pagpapatuloy ng pagdinig ng Senate Committee on Public Order and Dangerous Drugs hinggil sa mga nawawalang sabungero.

Tinawag pang trial by publicity ni ang at sa kanyang kumpanyang lucky 8 star quest incorporated ang ginagawang pagdinig ng senado kaugnay sa paghawak niya sa pinakamalaking online sabong operations sa bansa na itinanggi naman ni Committee Chair Ronald Bato Dela Rosa.

Sinabihan ni Dela Rosa si Ang na pangalanan ang mga tinutukoy na iba pasng e sabong stakeholder isang “pineda” ang binanggit ng gaming tycoon

Tinanong naman ni Senate Minority Leader Franklin Drilon kay ang kung sinu sino ang iba pang licensees ng e sabong.

Ang tugon ni ang ..siya ang number 1, number 2 si Bong Pineda, number 3 si Congressman Teves at number 4 si dating Congressman Patrick Antonio.

Number 5 naman kina Mayor Elan at number 6 si General Cascolan.

Ayon pa kay Ang, delikado na ang buhay niya kayat hinihiling niya ang isang executive session sa komite kung saan niya ibubunyag ang mga mahahalagang impormasyon hinggil sa kaso ng mga nawawalang sabungero.

Itinalaga ng Pangulong Rodrigo Duterte si Romando Artes bilang MMDA Chairman epektibo March 1.

Pinalitan ni Artes si Benhur Abalos na nagbitiw upang maging National Campaign Manager ni presidentiable Ferdinand Bong Bong Marcos. Jr.

Si Artes, isang abogado at certified public accountant ay unang nagsilbi bilang Assistant General Manager for Finance and Administration ng MMDA nuong may 2017, General Manager nuong October 2021 at OIC nuong February 2022.

Samantala, si MMDA Undersecretary Frisco San Juan, Jr. ay itinalaga namang general manager kaalinsabay ng pagiging deputy chairman ng ahensya.

Pina-vi-veto ng democracy.net.ph sa Pangulong Rodrigo Duterte ang panukalang Sim Card Registration Law.

Binigyang diin ng advocacy group na bagamat malinaw ang intensyon ng batas na sanggain ang cybercrime at internet trolls hindi naman aniya mga tunay na solusyon ang mga probisyon ng panukala sa mga problema.

Bukod dito, inihayag ng grupo na ipinagkakait din ng panukala sa mga user ang dapat sanay dagdag na seguridad para sa mga celebrity, public figures, influencers, activists, human rights defenders, mga biktima ng domestic abuse and violence laban sa mga kababaihan at mga bata.

Ipinabatid pa ng grupo na napatunayan na ang sim card registration sa ibang bansa ay hindi epektibo at inefficient.

Sa halip anito ay malilimitahan ang right to privacy ng bawat subscriber o user at malalagay sa panganib ang mga ito dahil sa paglalagay ng mga personal information sa centralized server.

Pinanatili ng Pangulong Rodrigo Duterte ang komposisyon o mga bumubuo sa Bangsamoro Transition Authority.

Ipinabatid ito ng SJPCC (Security, Justice and Peace Cabinet Cluster) matapos nilang irekomenda ang status quo sa kasalukuyang komposisyon ng bta bagamat mayruon na lamang tatlong buwan bago mag take over ang bagong administrasyon.

Sinabi ng SJPCC na dapat gamitin pa ng bta ang panahong ito para makumpleto ang kanilang trabaho o tungkulin.

Nagpakita na sa senado ang tinaguriang gaming tycoon na si Charlie Atong Ang.

Kasunod na rin ito ng muling pagpapatuloy sa pagdinig ng Senate Committee on Public Order and Dangerous Drugs hingil sa mga nawawalang tatlumput isang sabungero.

Una nang idinahilan ni Ang, ang kaniyang kondisyong pangkalusugan kayat bigong makadalo sa naunang pagdinig ng komite nuong Biyernes.

Magugunitang inihayag ni Committee Chair Ronald Bato Dela Rosa na kailangang kailangan sa imbestigasyon si ang dahil sa tatlong sabungang pag aari nito huling nakita ang mga nawawalang sabungero.

Si Ang ay Vice President ng luck 8 star quest incorporated na isa sa mga gaming company na pinayagan ng PAGCOR  na makapag operate.