Judith Estrada-Larino

Napasakamay muli ng Pilipinas ang Miss Eco International Title.

Hinablot ng pambato ng Pilipinas na si Kathleen Paton ang titulo bilang Miss Eco International 2022 sa ginanap na coronation sa Egypt.

Sa video na ibinahagi ng Miss Eco International, inilarawan si Paton bilang may masidhing pag suporta para sa mental health awareness at environment conservation.

Kabilang sa runners up ni Paton ang mga kandidata ng Belgium, Amerika, Spain at Malaysia.

Una nang nakuha ni cynthia thomalla ang korona sa Miss Econ International 2018.

Nagpaalam na sa kanyang constituents si Davao City Mayor Sara Duterte-Carpio.

Sa kanyang isinagawang SOCA (State of the City Address) nagpasalamat si mayor sara sa suporta ng mga dabawenios sa kanya kasabay nang pagbabalik tanaw sa kanyang mga naging achievements bilang punong lungsod sa nakalipas na anim na taon.

Sinabi ni Mayor Sara na mabigat ang kanyang pusong magpaalam sa mga kababayan subalit batid niyang suportado rin siya ng mga dabawenios sa pagtakbo niya sa mas malaking hamon nang paninilbihan sa bansa.

Si Mayor Sara ay running mate ni Partido Federal ng Pilipinas Standard Bearer Ferdinand Bongbong Marcos, Jr.at tinaguriang UniTeam.

Pansamantalang solusyon lamang ang subsidy sa patuloy na pagsirit ng presyo ng oil products.

Pananaw ito ni Dating Quezon City Mayor Herbert Bistek bautista kayat kailangang mag isip ng gobyerno ng pang matagalang solusyon sa problema.

Nakikitang solusyon ni bautista ang pagbili muli ng gobyerno sa petron para makapagbenta ng langis sa mas mababang presyo.

Ayon pa kay bautista ..isa sa senatoriable ng bbm sara uniteam sa platapormang internet reform, livelihood for all at youth protection and welfare ..maaaring ibenta ng gasolinahang pag a ari ng gobyerno sa singkuwenta pesos kada litro ang gasolina kung P80 kada litro ang bentahan ng mga pribadong kumpanya tulad ng Shell, Phoenix at iba pa.

Tiniyak naman ni bautista ang suporta sa pag apruba ng kongreso sa pagbili muli ng gobyerno sa Petron kapag naging senador sa Mayo.  

Malaki ang mawawala sa kaban ng bayan.

Ito’y ayon kay Finance Assistant Secretary at Spokesperson Paola Alvarez ay kapag sinuspindi ang excise tax sa mga produktong petrolyo sa gitna na rin nang patuloy na pagsirit ng presyo ng langis.

Sinabi ni Alvarez na isinusulong nila ang pagbibigay ng suporta sa mga mahihirap na talagang nangangailangan ng ayuda.

Una nang inirekomenda ng fuel crisis Ad Hoc committee ng kamara ang pansamantalang pagsuspindi sa excise tax sa langis dahil na rin sa serye nang pagtataas ng presyo ng oil products.

Mahigpit na naka-monitor ang MMDA sa tigil pasada ng mga jeepney operators at drivers ngayong araw na ito.

Tiniyak ito ni MMDA General Manager Undersecretary Frisco San Juan, Jr. para mabatid nila kung anu-anong mga lugar sa Metro Manila ang kailangang pagdalhan ng mga bus at truck para isakay ang mga pasaherong posibleng ma stranded.

Sinabi ni San Juan, na naka puwesto na ang mga bus at truck ng mmda para dalhin ang mga commuter sa Edsa bus carousel.

Tinatayang dalawampung sasakyan kabilang ang  11 van at tatlong military truck ang uubrang magamit para sa libreng sakay.

Pinili ng ilang Pilipino na manatili sa Ukraine sa gitna nang patuloy na paglusob ng tropa ng Russia.

Sa kabila ito nang patuloy na repatriation ng mga Pinoy mula sa Ukraine.

Nabatid na ilang Pinoy ang nagsisilbing volunteer worker at tumutulong sa mga mamamayan na biktima ng giyera bilang pagtanaw na rin ng utang na loob dahil sa magandang pag trato sa kanila ng Ukrainians.

Samantala ..nagsasakripisyo rin ang mga Pilipino sa Russia matapos humina ang pera ng nasabing bansa at dinidiskartehan na lang ng kanilang employers ang kanilang suweldo.

Sinabi ng mga Pinoy sa Russia na mabuting employer din ang Russians na pamilya na ang turing sa kanila.

Tatlong Asian Americans kabilang ang dalawang Pilipino ang nabiktima ng pag atake sa New York.

Nabatid na under observation sa isang ospital sa New York ang isang 67 taong gulang na Asian American matapos mahigit 100 beses suntukin at tadyakan ng suspek na si Tammel Esco dahilan kaya’t nagtamo ito ng facial bone fractures, brain bleeding at multiple contusions sa ulo.

Ayon sa New York City Police Department (NYPD), papauwi na ang biktima nang pagsisigawan siya ng racial slur ng suspek na sumunod sa biktima hanggang sa apartment building nito kung saan siya binugbog.

Samantala, dalawang Pinoy din ang una nang nabiktima ng hate crime at attempted murder sa dalawang train stations sa New York.

Nasa edad 50 at 67 anyos ang mga nasabing biktima na itinulak umano ng dalawang suspek sa magkahiwalay na train stations sa Queens.

Mahigpit pa ring pinag-iingat ng konsulado ang mga Pilipino sa mga nasabing pag-atake at hinimok na kaagad itawag sa kanila ang mga ganitong insidente.

Pinaplantsa na ng Philippine Medical Association (PMA) ang pagsasagawa ng bakuna sa mga pribadong clinic.

Kasunod na rin ito nang pakikiisa ng PMA sa umiiral na “Bayanihan, Bakunahan 4″ bagamat mas pagtutuunan ng pansin ng grupo ang pagtuturok ng booster shot.

Sinabi sa DWIZ ni PMA President Benito Atienza na maraming duktor na ang nagpaabot ng pagnanais na makibahagi sa ika-apat na yugto nang pagbabakuna kontra COVID-19.

Dapat maging handa ang Pilipinas sa panibagong variant ng COVID-19.

Ito ayon kay Health Undersecretary Myrna Cabotaje ay kaya’t kailangang ding itaas ang target na dapat mabakunahan para malabanan ang mutation ng DeltaCron o kumbinasyon ng Delta at Omicron variants.

Sinabi ni Cabotaje na kailangang itaas ang 70 million na target mabakunahan lalo na ngayong isinasagawa pa ang “Bayanihan, Bakunahan” part 4.