Judith Estrada-Larino

Mas marami pang mga Pilipinong mangingisda ang nakakapangisda na sa Baho De Masinloc.

Ayon ito sa Philippine Coastguard matapos mamataan ang 45 Filipino Fishing Boats sa isinagawang intensified maritime operations mula February 28 hanggang March 5.

Sinabi ni Coastguard Commandant Admiral Artemio Abu na malaking development ang pagdagsa ng mga Mangingisdang Pinoy sa lugar sa harap na rin ng kampanya nila para sa maritime safety and security sa karagatang sakop ng Pilipinas.

Magugunitang 2021 nang iprotesta ng DFA ang pagharang at Radio Challenges ng Chinese Coastguard sa mga barko ng Philippine Coastguard na nagsasagawa ng legitimate patrols at Training Exercises sa palibot ng Baho De Masinloc.

Si Senador Panfilo Lacson pa rin ang presidential candidate ng partido reporma.

Ayon ito kay COMELEC Commissioner George Garcia sa kabila nang resignation ni Lacson sa Partido dahil kinikilala pa rin ng komisyon ang naka deklarang partido sa certificate of candidacy na inihain ng senador.

Sinabi ni Garcia na kung ang COC ay isinampa nuong October 1, 2021, maaari lamang itong amiyendahan makalipas ang isang Linggo hanggang October 8 .

Kasado na ang heat stroke break para sa mga tauhan ng MMDA na nasa labas partikular ang mga nagmamando sa trapiko.

Ayon kay MMDA Chairman Atty. Romando Artes , nag isyu na siya ng direktiba na maaaring magpahinga ang kanilang enforcers ng hanggang tatlumpung minuto kung naiinitan ito ng sobra sa panahon habang nagta trabaho.

Sinabi ni Artes na malaking bagay ang heat stroke break para makaiwas sa mga sakit ang kaniyang mga empleyado sa labas.

Wala naman aniyang dapat ipag alala ang publiko sa heat stroke break ng MMDA enforcers dahil shifting naman o nagpapalitan naman ng duty ang mga ito.

Magsisimula ang heat stroke break ng mga enforcers ng MMDA sa April 1 hanggang May 31.

Hinikayat ng Department of Agriculture ang Local Government Units na paglaanan ng malaking pondo ang agricultural projects para maabot ang food security ng bansa.

Ayon kay Agriculture Assistant Secretary at Spokesperson Noel Reyes, mas mabuting mag invest ang LGU’s sa crop at palay production, mais, livestocks at fishery.

Kasabay nito, ipinabatid ni Reyes na tuluy tuloy ang pamamahagi ng (DA) ng P3K fuel vouchers sa mahigit 1,060 magsasaka at mangingisda sa buong bansa.

Asahan na ang mas marami pang trabaho para sa mga Pilipino sa Canada.

Kasunod na rin ito nang paglagda ng DOLE sa isang kasunduan sa local government ng Yukon sa pangangasiwa ng trabaho para sa mga Pinoy workers sa ilalim ng Yukon Nominee Program.

Nakasaad sa kasunduan na ang mga employer at kanilang agent tulad ng immigration consultants ay pinagbabawalang maningil para sa recruitment services at selection na kaagad sisimulan sa sandaling maikasa na ang implementing guidelines hinggil sa kasunduan.

Ayon kay Labor Secretary Silvestre Bello III, napag-usapan na ang Memorandum of Understanding (MOU) nuon pang 2019 at tuluyang naselyuhan matapos igiit ng Joint Communique ang pangangailangang palakasin ang relasyon ng dalawang partido.

Tinataya ng DOLE na nasa limang libong Pinoy ang nasa Yukon at karamihan sa mga ito ay permanent residents na o Canadian citizens.

Hindi na papayag ang mga Marikenio na muling madaya sa May 2022 elections si presidentiable front runner Ferdinand Bong Bong Marcos, Jr.

Hindi kami papayag na dayain ka, ang mga katagang umalingawngaw sa paligid ng Riverbanks sa Marikina City kung saan idinaos ang grand rally ng BBM-SARA Uniteam na dinumog ng libu-libong supporters ng mga nangungunang presidential at vice presidential candidates.

Alas singko pa lamang ng madaling araw ay lumusob na sa Riverbanks ang maraming Marikenio, bitbit ang kanilang mga placard na nagpapahayag ng suporta sa BBM-SARA Uniteam.

Hindi natinag ng malakas na ulan ang mga Marikenio sa paghihintay kina Marcos at Duterte at tila may magic ang dating senador na ikinamamangha ng mga naruon sa grand rally.

Patuloy din ang sigaw ng mga marikenio ng mga salitang:  BBM, may nanalo na!, Marcos pa rin, panalo ka na!

Hindi man perpekto subalit highly successful o matagumpay.

Ganito ilarawan ni COMELEC Commissioner George Garcia ang idinaos na unang presidential at vice presidential debates ng komisyon nitong nakalipas na weekend bilang bahagi ng PiliPinas Debates 2022.

Ayon kay Garcia, kahit hindi kumpleto ang mga dumalong kandidato mas mabuting mag focus na lamang sa kanilang mga plano para sa bansa.

Sa unang araw ng debate para sa mga presidentiable tanging si dating senador Ferdinand Bong Bong Marcos, Jr. ang wala samantalang hindi nabuo ang mga kandidato sa pagka-bise presidente sa ikalawang araw ng debate dahil hindi nakadalo sina Davao City Mayor Sara Duterte-Carpio at Buhay Party List Representative Lito Atienza.

Tiyak na lolobo pa sa mahigit P13T ang utang ng Pilipinas sakaling isuspindi ang fuel excise tax.

Ayon ito kay Finance Spokesperson Assistant Secretary Paola Alvarez  nasa halos P106B ang mawawala sa pondo ng gobyerno kapag nasuspinde ang fuel excise tax at hindi ito aniya mababawi sa iba pang pondo ng pamahalaan.

Una nang tinutulan ng dof ang panukalang pansamantalang suspindihin ang excise tax sa langis kasunod ng serye ng oil price increase.

Makikiisa ang mga obispong Pilipino sa isasagawang consecrating o pag-aalay ng panalangin ni Pope Francis ng Russia at Ukraine kay Maria sa March 25.

Sa gitna na rin ito nang tumitinding kaguluhan sa pagitan ng Russia at Ukraine na ikinasawi na ng libu-libo katao kabilang na ang mga sibilyan at kabataan.

Ayon kay CBCP Caloocan Bishop Pablo Virgilio David, malaking takot pa rin sa Southeast Asian nations ang dulot ng hidwaan kahit malayo ang Europa sa Pilipinas.

Bumaba ang bilang ng mga Pilipinong walang trabaho sa pagbubukas ng taong ito.

Ito ayon sa PSA (Philippine Statistics Authority) ay sa kabila ng mahigpit na quarantine level sa Metro Manila.

Ipinabatid ni PSA Chief at National Statistician Claire Dennis Mapa na nasa P2.93M ang mga unemployed adults na may edad kinse pataas na nagpapakita ng 6.4% na unemployment rate.

Ang nasabing January 2022 unemployment rate ay mas mababa sa 6.6%  na naitala nuong December 2021 kung saan nasa 340K sa mahigit tatlong milyong pilipino ang walang trabaho na naitala sa huling buwan ng 2021.