Judith Estrada-Larino

Police power.

Ito ayon sa Department of Agriculture (DA) ang kailangan nila para mahuli at makasuhan ang mga smuggler.

Sinabi ni Agriculture Undersecretary Fermin Dantes Adriano na ang police power ay matinding ngipin ng ahensya laban sa smuggling.

Limitado aniya ang magagawa ng DA dahil umaasa lamang sila sa Bureau of Customs (BOC) na mayroong otoridad kontra smuggling.

Kasabay nito, ipinabatid ni Adriano na nag iimbestiga na sila sa umano’y sabwatan ng technical smugglers sa kanilang hanay.

Binaha ang maraming lugar sa bansa dahil sa matinding pag ulan dulot ng Inter Tropical Convergence Zone (ITCZ) at Low Pressure Area (LPA) sa Southeast ng Davao City.

Sa Sarangani Province, halos zero visibility sa mga bayan ng Maasin at Maitum dahil sa matinding pag-ulan at kailangang mag dahan-dahan ang mga motorista para iwas aksidente.

Sa bayan naman ng Alabel, kabilang sa mga binaha ang ilang kabahayan sa Barangay Ladol kung saan ini-evacuate na ang mga residente.

Binaha rin ng hanggang dibdib ang Barangay Kawas gayundin ang National Highway, samantalang stranded ang maraming motorista sa munisipalidad ng Malapatan dahil sa matinding pagbaha.

Ayon sa mga otoridad, hanggang beywang at pumasok na sa ilang bahay ang tubig baha sa Compostela, Davao De Oro kung saan tag-hirap ang pag evacuate dahil mayruon lugar ang hanggang leeg ang baha.

Ibinabala naman ng mga otoridad ang landslides sa Barangay Saud sa San Ricardo, Southern Leyte dahil pa rin sa matinding pag-ulan.

Hindi na rin nangisda ang mga residente sa Casiguran, Aurora para makaiwas sa sakuna dulot ng malakas na buhos ng ulan.

Ipinagpaliban ng Korte Suprema ang paglalabas ngayong araw na ito ng resulta ng 2020-2021 Bar Examinations.

Ayon kay Supreme Court Spokesperson Brian Keith Hosaka, ilalabas nila sa April 12 ang resulta ng pagsusulit dahil humingi pa ng Special En banc Session si Associate Justice Marvic Leonen, 2020-2021 Bar Examinations Committee Chairperson para marekunsider ang kanyang report sa kauna unahang digitalized at regionalized bar examinations at paglalabas ng resulta nito.

Ipinabatid pa Ni Hosaka na itinakda naman sa May 2 ang oath taking ng mga bagong abogado bagama’t i a anunsyo na lamang aniya nila ang eksaktong oras, venue at iba pang detalye hinggil dito.

Ang nasabing bar examinations na isinagawa nitong nakalipas na February 4 at 6 ay nakapagtala rin ng 96.5% turn out o halos 12K law graduates na pinakamataas sa gitna ng COVID-19 pandemic.  – ulat mula kay Bert Mozo (Patrol 3), sa panulat ni Judith Estrada-Larino

Hinimok ng National Water Resources Board (NWRB) ang publiko na samantalahin ang malakas na buhos ng ulan ngayong araw na ito para makapag ipon ng tubig.

Sinabi sa DWIZ ni NWRB Director Dr. Sevillo David na malaking tulong ang tubig ulan para sa maraming tubig na kailangan ng publiko.

Tiwala aniya silang makakaabot sa watershed ng Angat Dam ang malakas na pag ulan para madagdagan naman ang water level rito.

Pasok ang Pilipinas sa mga bansa kung saan naitala ng United Nations Children’s Fund (UNICEF) ang mataas na bilang ng mga kabataang drop out sa klase.

Ito ay matapos lumabas sa pag aaral ng US Agency for International Development na tumaas ng mahigit 25% ang bilang ng out of school youth sa Pilipinas nuong April 2020 mula sa halos 17% lamang nuong January 2020 o halos tatlong buwan lamang ang pagitan.

Ipinabatid ng Department of Education na nasa 1.1-M students ang hindi nag enroll sa school year 2020-2021 bagamat tumaas sa 27.2-M enrolees ang nagparehistro nuong november 2021 na mas mataas ng  halos apat na porsyento sa 26.2-M enrolees na naitala sa school year 2020-2021.

Sa nasabing school year anito pinairal ang maraming lockdowns dahil sa pagtaas ng kaso ng COVID-19.

Kasabay nito, inihayag ng DepEd na maglalabas ito ng learning recovery plan para tugunan ang mga naging problema sa education set up ng bansa ngayong pandemya.

Inaasahang ilalabas ngayong araw na ito ang resulta ng 2020-2021 Bar examinations.

Ipinabatid ito ni Supreme Court Associate Justice Marvic Leonen matapos pakalmahin ang mga examinees.

Ang nasabing bar examinations na isinagawa nitong nakalipas na February 4 at 6 ay kauna unahang digitalized at localized Licensure exam sa bansa.

Nakapagtala rin ang pinakahuling bar exam ng 96.5% turn out na pinakamataas sa gitna ng COVID-19 pandemic.  —ulat mula kay Bert Mozo (Patrol 3) 

Patay ang isa katao at tatlong iba pa ang isinugod sa ospital matapos maapektuhan ng Ammonia leak mula sa isang Ice Plant sa Navotas City.

Kaagad ding inilikas sa gilid ng Road 10 ang ilang residente ng Barangay NBBS Kaunlaran kasunod nang nakakasulasok anilang amoy at paninikip ng kanilang dibdib dahil sa Ammonia leak sa nasabing planta na pansamantala munang isinara habang iniimbestigahan pa ang insidente.

Ipinabatid ng BFP navotas na inilikas din nila mula sa planta ang 15 empleyado ng planta kung saan ikatlong beses nang nagkaruon ng ammonia leak.

Ayon sa mga otoridad, mayruong sakit sa puso ang 48 anyos na lalaking nasawi  bagama’t inaalam pa kung may kinalaman sa Ammonia leak ang pagkamatay nito.

Nakontrol na rin ang Ammonia leak sa planta matapos ang halos isang oras, bagamat patuloy ang abiso sa mga residente ng huwag lumapit sa planta at magsuot ng face mask.

Bumilis pa ang inflation sa buwan ng Marso kasabay ang pagtaas ng presyo ng langis at iba pang pangunahing bilihin.

Ayon sa Philippine Statistics Authority (PSA) sumirit pa sa 4% ang inflation rate kumpara sa mga naitala na 3% nuong Enero at Pebrero.

Ipinabatid ng PSA na pasok sa target inflation na 2% hanggang 4% ang naitalang consumer price index para sa nakalipas na buwan.

Binigyang diin ni BSP Governor Benjamin Diokno na posibleng umakyat pa ang inflation sa buong taon dahil sa feopolitical tensions.

Magugunitang patuloy ang pagtaas ng presyo ng mga produkto partikular ng oil products dahil na rin sa paglusob ng Russia sa Ukraine na una na ring ibinabala ng Bangko Sentral ng Pilipinas.