Judith Estrada-Larino

Naantala ang pagbubukas ng polling precinct sa Malate, Maynila matapos sumiklab ang apoy dito.

Ayon sa mga otoridad, nagka-problema sa kuryente ang Aurora Elementary School at kaagad namang nakontrol ang sunog.

Kaagad inilabas ng gusali ang VCMs dahilan kayat na delay ng bahagya ang botohan subalit kaagad ding naipasok ang VCMs nang kumalma na ang sitwasyon.

Mahabang pila at mga isyu sa vote counting machines (VCMs).

Ito ang ilan sa mga naging problema sa unang mga oras ng botohan ngayong araw na ito.

Bagamat bahagi ng health protocols dahil sa malaking bilang ng mga boboto sa ilang lugar tulad sa Camarin D. Elementary School sa Caloocan City hindi lahat ng mga botante ay sumailalim sa temperature check.

Nasaksihan din ang malaking crowd sa pagpasok pa lamang ng President Corazon Aquino Elementary School sa Quezon City na siyang pinakamalaking polling precinct sa Metro Manila kung saan nasasakupan nito ang halos 40 libong registered voters.

Sa Fort Bonifacio Elementary School Sa Makati City, uminit ang ulo ng ilang botante dahil hindi pa nai-post ang printed precincts nila nang magbukas ang mga presinto at nakalipas pa ang 15 minuto bago tuluyang nailabas ang printed precincts.

Samantala, nagkaruon naman ng problema sa supply ng kuryente sa General T. De Leon Elementary School sa Valenzuela City subalit gumana pa rin ang vote counting machines na nilagyan na lamang ng baterya.

Hindi naman malinaw kung naapektuhan ng power outage ang iba pang polling places sa Valenzuela.

Sa Misamis Oriental, na-delay naman ang pagsisimula ng botohan dahil sa problema sa VCM.

Si Senador Panfilo Lacson ang kauna-unahang presidentiable na bumoto ngayong araw na ito.

Maaga pa lamang ay pumila na si Lacson sa Bayan Luma 1 Elementary School sa Imus, Cavite at nakaboto na bago pa mag alas siyete ng umaga.

Ang botohan ay nagsimula alas sais ng umaga hanggang mamayang alas siyete ng gabi.

Nasa mahigit 25,000 o halos 57% ng mga pampublikong paaralan sa buong bansa ang bumalik na sa in-person learning, sa gitna ng COVID-19 pandemic.

Sa kanyang pagharap sa Pangulong Rodrigo Duterte sa Talk to the People, ipinabatid ni Education Secretary Leonor Briones na inaasahan nilang halos anim na milyon pang public school students sa lahat ng grade levels ay makikiisa sa face to face classes.

Ang nasabing bilang aniya ay mahigit 25% pa lamang ng halos 24 million total enrollees sa public school sector sa kasalukuyang academic year.

Gayunman, sa kabila nito, sinabi ni Briones na nananatiling hamon sa DepEd ang halos 700 o halos 6% lamang ng kabuuang bilang ng private schools ang nagsimula nang mag face-to-face classes.

Maaga pa para sabihing nagsisimula nang sumirit ang kaso ng COVID-19.

Ito ayon kay Professor Jomar Rabajante ng UP COVID-19 pandemic response team ay dahil nananatili namang mababa ang bilang ng COVID-19 cases.

Sinabi ni Rabajante na mayruong mga pagkakataong mababa din naman ang reported cases at dapat na maging maingat sa pag interpret ng growth rate.

Sa mga new cases aniya halimbawa, ang average daily attack rate (ADAR) sa NCR ay sadyang mababa kaya kung titingnan, posibleng ma hit ang 7% growth rate subalit kung tutuusin hindi naman malaki ang itinalon ng aktuwal na numero ng COVID-19 cases.

Gayunman, ipinabatid ni Rabajante na posibleng sumirit ang kaso ng COVID-19 sa Hunyo o Hulyo dahil sa bumababang immunity ng populasyon.

Idineklara na ng Pangulong Rodrigo Duterte ang May 3, araw ng Martes o bukas bilang regular holiday kaugnay sa pag obserba sa Eid’l Fitr o pagtatapos ng Ramadan.

Sa nilagdaan niyang Proclamation 1356, binigyang-diin ng pangulo na magandang pagkakataon ang Eid’l Fitr para makiisa sa mga kapatid na Muslim sa pagdiriwang ng Eid’l Fitr kung saan mahigpit pa ring ipatutupad ang minimum public health standards.

Una nang inihayag ng Frand Mufti ng Bangsamoro Darul Ifta kahapon na ang pagdiriwang ng Eid’l Fitr ay magsisimula ngayong araw na ito.