Judith Estrada-Larino

Hindi na talaga napigilan ang pag akyat din ng presyo ng bigas sa pagsirit ng halaga ng langis sa world market.

Ayon ito kay Cathy Estavillo, Spokesperson ng Grupong Bantay Bigas ay nanatili o hindi na rin umusad sa 12 pesos ang farm gate price ng butil ng palay.

Sinabi sa DWIZ ni Estavillo na matinding sakripisyo na ang ginagawa ng mga magsasaka para lamang makapagbigay ng maayos na butil sa hapag kainan.

Tila imposible na rin aniya ang nakasaad sa Republic Act 11203 o Rice Liberalization Law na mapababa sa 25 pesos ang kada kilo ng bigas.

Natutuwa ang Alliance of Concerned Teachers (ACT) sa hakbangin ng COMELEC para madagdagan ang honoraria ng mga nagsilbi nitong nakalipas na eleksyon.

Sinabi ng ACT na makatuwiran ang pahayag ng COMELEC na target nitong maglabas ng 20 million pesos para sa dagdag honoraria ng mga guro kapalit na rin anito ng hindi matawaran pagod nila nitong halalan.

Positibo naman ang Teachers Dignity Coalition (TDC) na hindi na paghihintayin ng COMELEC ang mga guro at kaagad nang ibibigay ang nasabing dagdag benepisyo.

Tutol si Senior Citizens Party-list Representative Rodolfo Ordanes na buwagin ang party-list system sa bansa tulad ng nais ng Pangulong Duterte.

Subalit nilinaw ni Ordanes na pabor siyang masuri ang sistema at kung mayroong sapat na basehan ay maisulong ang reporma.

Katuwiran ni Ordanes, kapag binuwag ang Partylist system, madedehado ang marginalized sector ng lipunan dahil mawawalan sila ng representasyon sa mababang kapulungan ng kongreso tulad niya na kumakatawan sa mga nakakatandang populasyon ng bansa.

Tinukoy din ni Ordanes ang mga isinulong niyang panukala sa kamara tulad nang pagtatatag sa National Commission of Senior Citizens at ang P1-K buwanang pensyon sa mga Indigent senior citizens partikular sa mga mahihirap na senior citizens at ang tanging patunay lang na kailangan ay wala silang regular na pinagkakakitaan.

Sa huling datos tinatayang may P12-M senior citizens sa bansa at kalahati sa mga ito ang walang pensyon.

Pinaplantsa na ni Education Secretary Leonor Briones ang maayos na transition o pag turn-over ng ahensya kay presumptive vice president Sara Duterte-Carpio.

Kasunod na rin ito nang pagtanggap ni Duterte sa pagtalaga sa kanya ni presumptive president Ferdinand Bongbong Marcos, Jr. bilang kalihim ng Department of Education (DepEd).

Tiniyak ni Briones ang kahandaan niya at buong DepEd na makipag tulungan sa team ni Duterte para sa maayos na transition ng liderato sa ahensya.

Kumbinsido naman aniya siyang nasa mabuting kamay ang DepEd sa ilalim ng pangunguna ni Duterte.

Naka antabay na ang mga investor sa anunsyo ni dating senador Ferdinand Bongbong Marcos hinggil sa economic team nito.

Ito ayon sa mga investor ay dahil nakasalalay sa mga bagong cabinet members partikular sa economic team ang pag rekober ng ekonomiya ng bansa mula sa pandemya.

Tiwala ang mga ekonomista na pawang best economic managers ang itatalaga ni presumptive president Ferdinand Bong Bong Marcos, Jr.