Judith Estrada-Larino

Bahagyang humina ang bagyong Neneng bagama’t bumilis ito habang tinatahak ang pa-kanluran timog kanlurang direksyon.

Ang sentro ng bagyong Neneng ay pinakahuling namataan sa layong 835 kilometers silangan ng dulong Hilagang Luzon.

Taglay ng bagyong Neneng ang pinakamalakas na hanging umaabot sa 45 kilometers kada oras malapit sa gitna at may pagbugso na umaabot sa 55 kilometers kada oras.

Ang bagyong Neneng ay kumikilos pa kanluran timog kanluran sa bilis na 25 kilometers kada oras.

Ayon sa PAGASA, posibleng maglabas sila ng mga lugar sa eastern portion ng Northern Luzon na nasa ilalim ng wind signal number 1 ngayong hapon dahil sa inaasahang malakas na hanging dulot ng bagyong Neneng.

Mamayang gabi o bukas ng umaga inaasahang kikilos pa kanluran timog kanluran ang bagyong Neneng at posibleng lumakas pa habang nasa ibabaw ng Philippine Sea.

Posibleng maabot din ng bagyong Neneng ang tropical storm category bukas ng gabi o linggo ng umaga.

Ibinasura ng Pangulong Ferdinand Bongbong Marcos, Jr. ang panawagang resignation kay Justice Secretary Jesus Crispin Remulla dahil sa kaso ng anak nito.

Sinabi ng Pangulong Marcos Jr. na walang basehan ang nasabing panawagan dahil ang pinagbibitiw sa tungkulin ay kung hindi nagta-trabaho o mayruong maling ginagawang mali sa kanyang trabaho.

Ayon pa sa pangulo, alam na alam ni Remulla na dapat nitong hayaang masunod ang tamang proseso at walang sinuman sa ehekutibo ang manghihimasok sa nasabing isyu.

Naihayag na rin naman aniya ni remulla ang katuwiran nito at pagdistansya sa kaso ng kanyang anak. - mula sa ulat ni Gilbert Perdez (Patrol 13)

Mahigpit ang sanib puwersang alerto na ipinatutupad ng Department of Agriculture (DA) at Bureau of Customs (BOC) kontra smuggling ng puting sibuyas sa bansa.

Ayon kay Agriculture Udersecretary for Consumer Affairs Kristine Evangelista nakikipag-ugnayan na sila maging sa Bureau of Plant Industry (BPI) para alamin kung bakit nakakakuha pa ng supply ng white onion kahit walang importation permits.

Patuloy aniyang ini inspeksyon ng BPI ang mga merkado hinggil sa posibilidad na smuggled puti at pulang sibuyas na hindi dumaan sa good safety protocols kaya’t hindi tiyak kung ligtas ang mga ito.

Sinabi pa ni Evangelista na hindi lamang retailers ang dapat managot kundi maging ang supplier ng smuggled onions.

Una nang nakumpiska ang 47 sako ng dilaw na sibuyas sa Malabon Central Market at Divisoria kung saan nasa 500 pesos ang kada kilo.

Pumapalo sa mahigit 22,000 Chinese nationals ang bumisita sa Pilipinas ngayong taon.

Ipinabatid ito ni Tourism Undersecretary Verna Buensuceso, Office-in-Charge ng Department of Tourism (DOT) Development matapos sabihing mga Chinese nationals ang ikalawang pinakamalaking bilang ng mga dayuhang bumisita sa bansa na nasa halos 2 million taun-taon bago ang pandemya.

Sinabi ni Buensuceso na kabilang sa factors nang bumabang bilang ng Chinese tourists ay ang COVID-19 policies ng China tulad nang pagsailalim sa quarantine pagbalik sa kanilang bansa.

Sa taong ito, inihayag ni Buensuceso na mga Amerikano ang nangungunang turistang bumisita sa bansa, ikalawa ang South Koreans at sinundan ng Australians, Canadians, British nationals at Japanese tourists.