Judith Estrada-Larino

Tututukan ng Korte Suprema ang mga anito’y pag atake sa mga miyembro ng legal profession.

Ito ay matapos hilingin ni Associate Justice Marvic Leonen, Chairperson ng SC Human Rights Committee sa mga otoridad at ibang organisasyon na isumite ang findings nila sa pag atake sa mga abogado at hukom sa katapusan ng Setyembre.

Sinabi ni Leonen na tuluy tuloy ang pagsilip nila sa  records at reports na hawak nila hinggil sa mga napaslang na abogado at banta sa mga hukom para makabuo ng strategy at matigil na ang mga karahasang ito.

Posibleng alisin na ng gobyerno ang mga malawakang lockdown.

Sa halip, ipinabatid ni DILG Secretary Eduardo Anio na maaaring magpatupad ang gobyerno ng granular lockdown para mapigilan ang pagkalat ng COVID-19.

Sinabi ni anio na ang granular lockdown ay kadalasang ipinatutupad sa isang partikular na kalye o barangay na nakapagtala ng mataas na kaso ng COVID-19 at ito ay idedeklara mismo ng Local Government Unit.

Sa pamamagitan nito aniya ay hindi maaapektuhan ang buong probinsya o lungsod na kailangan din namang gumalaw.

Himas rehas ang lalaking nanaksak ng tatlong food delivery riders sa barangay Culiat sa Quezon City.

Nasakote ng mga otoridad ang suspek na si Michael Atienza na inabutan ng mga otoridad sa bubong ng isang bahay sa Sitio Mabilog.

Hinabol din ng mga residente si Atienza na ang unang biktima ay nagtamo ng sugat sa kaliwang braso, nadaplisan naman sa tagiliran ang isa pang rider at nasugatan sa tuhod ang ikatlong biktima matapos sumemplang ang kaniyang motorsiklo nang habulin ng suspek.

Sinabni ni Atienza na namukhaan niya ang isa sa mga sinaksak nya na nagdiin sa kanya sa isang krimen kayat nakulong siya ng walong taon.

Ang suspek na nakuhanan ng kutsilyo ay nahaharap sa reklamong three counts ng attempted murder.

Pumapalo na sa 500 tawag kada araw ang natatanggap ng One Hospital Command Center sa gitna nang patuloy na pagsirit ng kaso ng COVID-19.

Ayon ito kay Health Undersecetary at Treatment Czar Leopoldo Vega kumpara sa 120 calls kada araw sa unang linggo ng buwan ng Gulyo.

Sinabi ni Vega na may maayos naman silang connectivity at visibility sa mga ospital kung saan maaring mailipat o ma coordinate ang mga pasyente.

Pinasisilip ng PCSO sa kongreso ang mga batas hinggil sa obligasyon nitong magbigay ng kontribusyon kahit sa mga ahensyang walang kinalaman sa isyu ng kalusugan.

Kasunod na rin ito nang pagtukoy ni PCSO legislative Liason Officer Gay Alvor sa mandatory contributions ng ahensya sa CHED, Philippine Sports Commission at PDEA.

Sinabi ni Alvor na ang mga naturang special laws ay ipinatutupad na bago ang kasalukuyang kongreso kayat umaapela silang ma repaso ang mandatory contributions.

Ipinabatid ni Alvor na sa gitna ng pandemya, inatasan sila ng Pangulong Rodrigo Duterte na gamitin ang kanilang pondo sa ayuda sa non COVID diseases tulad ng dialysis, chemo therapy, hospitalization assistance at request para sa surgery at devices.

Kinontra ni Senate President Vicente Tito Sotto III ang pahayag ng Pangulong Rodrigo Duterte laban sa mga isinasagawang pagdinig ng kongreso.

Ayon kay Sotto, padadalhan niya ng senate report ng pagdinig ng committee of the whole ang Pangulong Duterte para ipakita ritong karamihan sa mga itinalaga nitong opisyal sa PhilHealth ay nahaharap sa mga kaso at nasibak dahil sa imbestigasyon ng senado.

Binigyang diin ni Sotto na sa pagkakaalam niya, dumi depende ang ombudsman sa senate investigations at reports para sa kanilang preliminary investigations.

Magugunitang sa kalagitnaan ng pandemya nuong isang taon ay ikinasa ng senado ang serye ng imbestigasyon nito kaugnay sa mga isyung kinasasangkutan ng PhilHealth.

Hindi uubrang i-audit ng Pangulong Rodrigo Duterte ang commission on audit kahit pa manalo itong vice president sa 2022 national elections.

Ito ayon kay Senador Nancy Binay ay dahil hindi naman kasama sa mga kapangyarihan at tungkulin ng Bise Presidente ang pag o-audit.

Sinabi ni Binay na bilang anak ng dating Vice President, ang nasabing kapangyarihan ay itinalaga lamang sa COA kayat hindi magagawa ng Bise Presidente ang pag o-audit sa mga ahensya ng gobyerno.

Gayunman, inihayag ni Binay na naiintindihan niya kung saan nanggagaling ang Pangulo matapos ding ilabas ng COA ang umano’y overpriced purchase ng equipment ng ospital ng makati nuong 2000 at 2001 kung kailan alkalde ng lungsod ang inang si Dr. Elenita Binay.

Pananagutin ni US President Joe Biden ang nasa likod ng magkasunod na pambobomba sa Kabul Airport sa Afghanistan.

13 sundalong amerikano ang kabilang sa 60 kataong nasawi sa kambal na pagsabog.

Kasabay nito, tiniyak ni Biden ang tuluy tuloy na paglilikas ng kanilang mamamayan mula Afghanistan hanggang August 31.

Nagkaruon na ng peace of mind ang pamilya Gregorio matapos mahatulan ang pulis na pumatay sa kanilang kaanak nuong isang taon.

Ayon kay Mark Christian Gregorio, masaya ang buong pamilya nila sa hatol na double life imprisonment kay Jonel Nuezca na pumatay sa ina niya niyang si Sonia at kapatid na si Frank Anthony.

Sinabi ni Gregorio na napatawad na nila si Nuezca subalit kailangang pagdusahan nito ang ginawang krimen.