Pinatitigil ng Iran sa Amerika ang anito’y tila addiction ng super power sa mga ipinapataw na parusa laban sa islamic republic.
Inakusahan din ng Iran si US President Joe Biden sa patuloy na pagsusulong sa anito’y dead end policies ni dating US President Donald Trump.
Kasunod na rin ito ng anunsyo ng US treasury sa financial sanctions laban sa apat na Iranian intelligence operatives na inakusahang nasa likod nang pagdukot sa isang American journalist.
Tinawag na sarzuela o romcom ni dating PPCRV Secretary General Brother Clifford Sorita ang pag distansya ni Davao City Mayor Sara Duterte sa Pangulong Rodrigo sa isyu ng 2022 presidential election.
Sa harap na rin ito nang ginagawang pagbatikos ni Mayor Sara sa PDP Laban na partido ng ama, ang pag distansya nito sa isinusulong na Senador Bong Go at President Duterte tandem sa 2022 at pagtanggi sa Duterte-Duterte tandem.
Sinabi ni Sorita na nakikita ang camouflage o pagtatakip na ginagawa ng presidential daughter para ipakita sa publiko na magkaiba ang istilo nilang mag ama sa pamamahala subalit ang katotohanan ay magka pareho lamang sila at tutumbok din sa Duterte Duterte ang lahat ng argumento.
Naniniwala si Sorita na nais lamang timplahin ng mga Duterte kung ano ang mas katanggap tanggap na tandem configuration kaya’t hindi dapat ma-misled ang tao dahil ang katotohanan ay kabilang ang mag ama sa i isang grupo na Davao group.
Magugunitang ang Pangulong Duterte ay binabatikos sa kanilang pagtugon sa pandemya tulad nang maling paggamit ng COVID funds ng Department of Health, mabagal na vaccination drive at kawalang sistema sa COVID response samantalang si Mayor Sara ay kinukundena sa ginawang pag iikot sa mga lalawigan at konsultasyon sa mga political leaders habang patuloy ang pagsirit ng kaso ng COVID-19 sa Davao City.
Patay ang isa sa dalawang driver ng isang oil tanker matapos maipit sa ilalim nang tumagilid na truck nila sa diversion road sa Sta. Catalina sa Atimonan, Quezon.
Ang nasabing truck ay patungo sana sa Bicol, subalit nawalan ng preno sa pababang bahagi ng highway
Ayon sa report ng Atimonan Municipal police station, hindi na nakontrol ng driver ang manibela at sumadsad ang truck sa gilid ng bundok, samantalang sinubukan pang isalba ng rescuer ang buhay ng isa sa mga biktima
Halos 45 minuto ang itinagal ng retrieval operations na ginamitan pa ng boom truck para makuha ang isang naipit na driver.
Sinasabing ang accident prone ang lugar kaya’t pinag-iingat ng awtoridad ang mga dumadaan dito.
Hindi sakop ng kapangyarihan ng COA o Commission on Audit ang pag-audit sa Philippine Red Cross na isang Non-Government Organization.
Iginiit ito ni COA chairperson Michael Aguinaldo matapos utusan ng Pangulong Rodrigo Duterte ang komisyon na i-audit ang Red Cross.
Sinabi ni Aguinaldo na ang tanging uubra lamang nilang i-audit ay ang ibinabayad mismo ng Philhealth sa Red Cross.
Gayunman , nakasaad sa Republic Act 10072 na obligado ang PRC na magsumite ng taunang report sa Pangulo hinggil sa mga aktibidad at financial standing ng organisasyon.
Nagbabala ang FDA sa publiko kaugnay sa paggamit ng Ivermectin bilang alternatibong gamot sa severe COVID-19 cases pamalit sa Tocilizumab na kinukulang na ng suplay.
Muling iginiit ni FDA director general Eric Domingo na wala pang ebidensya na makatutulong ang Ivermectin para maibsan ang mga sintomas ng mga pasyente ng COVID-19.
Tinukoy muli ni Domingo ang side effects ng Ivermectin sa utak, atay at bato, kaya’t hindi ito dapat gamiting gamot kontra COVID-19.
Bukod pa aniya ito sa poisoning at toxicity cases at reports dahil sa paggamit ng Ivermectin, kaya’t mas mabuting hintayin na ring matapos ang clinical trials hinggil dito.
Dismayado ang isang grupo ng mga doktor sa paghawak ng gobyerno sa COVID-19 pandemic
Sa gitna na rin ito nang muling pagdagsa ng mga pasyenteng dinapuan ng COVID-19 sa mga ospital sa iba’t ibang bahagi ng bansa.
Ayon kay Dr. Maricar Limpin, pangulo ng Pcp Philippine College of Physicians, nakadudurog ng puso ang pagdating sa puntong pumipili na ang health workers kung sino sa mga pasyente partikular sa mga ospital sa Laguna at Cebu ang bibigyan ng respirators.
Sinabi pa ni Limpin na iba ang tunay na sitwasyon sa inilalabas na bulletin ng DOH hinggil sa ICU at ward beds occupancy rate.
Binigyang-diin ni Limpin na ang sitwasyon ngayon ay dapat magsilbing wake-up call sa gobyerno para palakasin pa at pag-igihan ang pagtugon sa pandemya upang maisalba pa ang health care system ng bansa at hindi matulad sa India ang kondisyon ng bansa sa pagsipa ng kaso ng delta variant.
Inalis na ng IATF ang travel restrictions sa 10 bansa epektibo sa Lunes, Setyembre 6.
Kabilang sa mga bansang ito ang India, Pakistan, Bangladesh, Sri Lanka, Nepal, United Arab Emirates, Oman Thailand, Malaysia at Indonesia.
Ang travel ban ay ipinatupad bilang bahagin nang pag-iingat na makaiwas sa delta variant ng coronavirus.
Mayroon pang hanggang Setyembre 30 ang mga umuwing OFW para mailipat ang kanilang overseas registration, kung nais bumoto sa 2022 National Elections.
Ito’y ayon kay Comelec spokesperson James Jimenez ay para hindi naman masayang ang boto ng mga OFW na posibleng ma-disenfranchise matapos umuwi sa bansa dahil sa pandemya.
Uubra naman din aniyang makaboto ang mga ito kung nasa bansa pa ang mga ito pagsapit ng mismong araw ng botohan.
Sinabi ni Jimenez na ang botante na nais maglipat ng kaniyang registration record mula ibang bansa patungo sa Pilipinas ay dapat residente ng lokalidad kung saan siya boboto sa may 2022 at personal niyang ihahain ang application sa Office of the Election Officer sa nasabing lokalidad.
Una nang itinakda ng Comelec sa Agosto 31 ang paglilipat ng registration record ng mga umuwing OFW.
Hindi pa irerekomenda ng DOH ang pagbabakuna sa mga kabataan.
Sa kabila ito nang pag-apruba ng FDA sa EUA o Emergency Use Authorization ng Pfizer at Moderna para maturukan ng kanilang bakuna ang mga may edad 12 hanggang 17.
Sinabi ni health undersecretary Maria Rosario Vergeire na mahigpit pang pinag-aaralan ng experts ang posibleng pagbabakuna sa mga kabataan, kaya’t dapat hintayin na lamang kung ano ang magiging rekomendasyon ng DOH partikular ng vaccine experts.
Naka-intercept ng isang unknown aircraft sa paikot-ikot sa airspace ng bansa ang jet fighters ng Philippine Air Force sa Bolinao, Pangasinan.
Ayon sa PAF, na-detect ng PADCC o Philippine Air Defense Control Center ang isang hindi matukoy na inbound aircraft sa Padiz o Philippine Air Defense Identification Zone, 120 nautical miles Hilagang Kanluran ng bayan ng Bolinao.
Ipinabatid din ng PAF na tinagurian ng CAAP ang nasabing aircraft bilang “unknown aircraft of interest”.
Dahil dito ..nag-isyu ang PAF ng scramble order sa dalawang FA-50 jets na nasa ADCC at binigyan ng misyong harangin ang nasabing aircraft para sa kaukulang visual identification.
Kaagad na nag-iba ng direksyon ang aircraft at mabilis itong pinalipad papalayo sa airspace ng Pilipinas.