Judith Estrada-Larino

Iniimbestigahan na ng Cagayan De Oro City Police ang nangyaring paghahagis ng granada sa ancestral house ni Congressman Rufus Rodriguez kaninang umaga.

Ayon sa caretaker ng bahay ng mga Rodriguez, ala-una ng madaling araw nang makarinig sila ng bumagsak na bagay sa loob ng bakuran na inakala nilang simpleng bato lamang subalit nagulantang sila nang bigla itong sumabog.

Mahigpit namang kinundena ng pamilya ni rodriguez ang insidente at tiniyak na may mananagot dito

Maswerte namang walang nasawi o nasugatan sa panig ng pamilya Rodriguez at kanilang mga kasambay sa nasabing pagsabog.— sa ulat ni Jaymark Dagala (Patrol 9)

Nangunguna  pa rin si Davao City Mayor Sara Duterte sa pagkapresidente sa 2022 national elections.

Batay ito sa isinagawang survey ng Pulse Asia mula Setyembre 6 hanggang 11 kung saan nasa 20 percent ang rating ni Mayor Sara mula sa 28 percent noong Hunyo.

Nasa ikalawang puwesto naman si dating Senador Bong Bong Marcos na may 15 percent rating, sunod si Manila Mayor Isko Moreno na may 13 percent rating at Senador Manny Pacquiao – 12 percent.

Ika-lima naman si Senador Grace Poe – 9 percent, Vice President Leni Robredo ang ika-anim sa 8 percent rating at Senador Panfilo Lacson – 6 percent.

Samantala, nangunguna naman sa Vice Presidential survey si Senate President Vicente Sotto III – 25 percent, Pangulong Rodrigo Duterte – 14 percent, Isko Moreno – 12 percent, Bong Bong Marcos – 12 percent at Manny Pacquiao – 7 percent.

Nagpasaklolo ang Chinese embassy sa PNP kaugnay sa tumataas na kaso ng kidnapping na kinasasangkutan ng Chinese nationals.

Ang nasabing  concern ng embahada ay ipinaabot ni Wang Xiaohong, executive vice minister ng MPS o Ministry of Public Security ng China kay PNP chief Guillermo Eleazar sa isang video conference.

Tiniyak ni Xiaohong ang pakikipag-ugnayan ng MPS sa PNP para palakasin ang investigation, information sharing at case transfer para mahuli at mapanagot ang mga sangkot sa kidnapping at iba pang kasong kinasasangkutan ng Chinese nationals.

Nagkasundo rin ang magkabilang panig na magsasanib-puwersa kontra sa iba pang krimen tulad ng cross border gambling, telecom and internet fraud, robbery at homicide sa pamamagitan nang regular na pagpupulong.

Bukod pa ito sa technical cooperation sa drug control, counter terrorism at law enforcement capacity building.