Patay ang 26 na Maoist rebels makaraang makagupa ng Indian government forces.
Ayon sa pulisya, 3 commandos naman ang malubhang nasugatan sa bakbakan na naganap sa kagubatang bahagi ng Silangang Mumbai.
Nabatid na nakatanggap ng sumbong ang pwersa ng militar ukol sa presensya ng armadong grupo na agad nitong nirespondehan kaya’t sumiklab ang engkwentro.
Kasalukuyang tinutugis ang mga nakatakas na rebelde.
Sa kabila ng 26 na puntos na naitala ni Thirdy Ravena, bigo pa rin ang San-En NeoPhoenix sa kamay ng Toyama Grouses sa score na 90-89.
Maliban dito, nakapagtala rin si Ravena ng siyam na rebounds, limang assists, at tatlong steals sa kanilang laro sa Japan B. League na ginanap sa Toyama City Gymnasium.
Ang isa pang Pinoy na si Dwight Ramos ay bumida naman sa panig ng Toyama matapos kumamada ng 16 points, 10 rebounds, at 3 assists.
Dahil dito, taglay na ngayon ng Grouses ang 4-10 record sa West Division.
Ikinasal na si U.S. socialite Paris Hilton sa kanyang boyfriend na si Carter Reum.
Sa isang blog, binanggit ni Hilton na ginanap ang kanilang kasal sa Los Angeles.
Masaya ring sinabi ni Hilton na sa wakas ay nahalikan na rin niya ang kanyang prinsipe at naniniwala siyang ito na ang simula ng ‘happily ever after’ na parangap na niya sapul noong bata pa lamang siya.
Pawang mga sikat naman ang mga guests ng kanilang kasal na kinabibilangan nina Kim Kardashian, Nicole Richie at Paula Abdul.
Pinadapa ng Cleveland Cavaliers ang Boston Celtics sa score 91-89 sa kanilang laro sa NBA.
Kumamada si Darius Garland ng 22 points habang nagdagdag naman si Evan Mobley ng 19 points para sa Cavs.
Samantala, si Dennis Schroder naman ang nanguna sa Boston matapos humakot ng 28 points habang nag-ambag naman si Jayson Tatum ng 21 points.
Inihayag ni dating Senador Ferdinand “Bongbong” Marcos Jr. na nais niyang isulong ang solidong sistema na magpapalakas sa sektor ng agrikultura ng bansa.
Ayon kay Marcos, nakikita niya ang pangangailang mas mapaunlad ang sistema ng agrikultura upang mas lalo pang makapagbibigay ang gobyerno ng magandang buhay sa mga magsasaka na apektado ng pandemya.
Sinabi ng pambato ng Partido Federal ng Pilipinas o PFP na ang kanyang plano ay mamuhunan ng malaki sa pananaliksik at paggawa ng mga programang tiyak na makakatulong sa mga magsasaka hanggang makatapos sila sa pag-aani.
Matatandaang noong panahon ni dating Pangulong Ferdinand Marcos Sr. ay itinatag nito ang “Masagana 99” at “Kadiwa” na mga sistematikong programa na lubusang nakatulong sa mga magsasaka pati na rin sa mga consumers.
Nagbanta si Pangulong Rodrigo Duterte na isisiwalat niya sa panahon ng kampanya kung bakit hindi siya maaaring sumuporta sa ilang mga kandidato sa 2022 elections.
Binanggit naman ng presidente ang mga dating senador na sina Bongbong Marcos at Manny Pacquiao na kapwa tumatakbo sa pagka-Pangulo para sa 2022 elections.
Nabatid na hindi nagustuhan ng Pangulo ang ‘turn of events’ sa tanggapan ng Comelec o Commission on Elections kung saan naghain ang ilang kandidato ng COC o certificate of candidacy na hindi inaaasahan ang mga posisyong tatakbuhan.
Kabilang sa mga naghain ng kandidatura sa pagka-bise presidente si Mayor Sara Duterte-Carpio habang sa pagka-pangulo naman ang tatakbuhan ni Sen. Bong Go.
Nasungkit ng nag-iisang mananaya sa Laguna ang mahigit P8 milyong jackpot sa Lotto 6/42.
Ayon sa Philippine Charity Sweepstakes Office (PCSO), nahulaan ng bettor ang winning combination na 09-25-35-21-15-37.
Natumbok naman ng 30 mananaya ang anim na kumbinasyon kaya’t kapwa nanalo ang mga ito ng tig-P24,000.
Binobola ang 6/42 Lotto tuwing Martes, Huwebes, at Sabado.
Pinahiya ng Azkals Development Team (ADT) ang Mendiola FC sa kanilang laban sa PFF Training Center sa Carmona, Cavite.
Dahil dito, pasok na ang Azkals sa semifinals ng Copa Paulino Alcantara.
Bukod dito, naitala rin ng koponan ang kanilang best game sa torneo nang tapusin nito ang preliminary campaign taglay ang kartadang 1 panalo, walang draw, at 1 talo.
Magbabalik sa aksiyon ang Azkals sa November 16 para sagupain ang Stallion Laguna FC na siyang top seed sa Group A.
Patay ang 7 indibidwal matapos tambangan ang convoy na sinasakyan ng mga miyembro ng paramilitary soldiers Manipur, India.
Ayon kay Defense Minister Rajnath Singh, kabilang sa mga nasawi ang 5 sundalo at 2 sibilyan.
Kinondena naman ni Prime Minister Narendra Modi ang pag-atake at aniya’y hindi malilimutan ng India ang kabayanihan at sakprisyo ng mga sundalo.
Sumirit sa 4 million views sa YouTube ang 10-minute version ni Taylor Swift ng kanyang hit single na ‘All Too Well’.
Nangyari ito isang araw matapos i-release ng singer ang nasabing awitin.
Maliban sa jokes at memes ay umani rin ito ng libu-libong comments at reactions.
Samantala, humakot na rin ng halos anim na milyong views ang short film ni Taylor Swift sa kanyang YouTube channel na base pa rin sa kantang ‘All Too Well’.